Mateo 4:24 - Kashibo-Kakataibo Biblia

²⁴ Usoquian ꞌaia Jesús chanioia cuaquin ca Siria nëtënu ꞌicë unicaman axa ñucëcama Jesusan pëxcunun quixun anu buáncancëxa. Bëtsi bëtsi ñucëcama ꞌimainun ñunshin ꞌatimanën ꞌibuacë unicama ꞌimainun uni ñucë nirucuainquinbi tancëma, ꞌimainun aín nami nimëti saquiquicë acama anu buáncëxun ca Jesusan pëxcüacëxa.

Nukën 'Ibu Diosan ain unikama 'inan ain bana

²⁴ Usoquian 'aia Jesús chanioia cuaquin ca Siria nëtënu 'icë unicaman axa ñucëcama Jesusan pëxcunun quixun anu buáncancëxa. Bëtsi bëtsi ñucëcama 'imainun ñunshin 'atimanën 'ibuacë unicama 'imainun uni ñucë nirucuainquinbi tancëma, 'imainun aín nami nimëti saquiquicë acama anu buáncëxun ca Jesusan pëxcüacëxa.

Mateo 4:24 ပူးပေါင်းရင်းမြစ်များ

1 Reyes 10:1

Xanu achúshi Sabá menu ꞌapu ꞌiti anëkë an ka aín kushi ꞌinánkin ꞌakinkëxua Salomónnën Diosmi sinani ami kushikin ñu ꞌaia unikaman ñuikania kuakëxa, kuabiani ka an kuaisama ꞌimainun an ꞌunántisama banakama ñukákin tanti sinanx Jerusalén ëmanu kuankëxa. Kuanx ka aín suntárunën kushikaman bëararamainun aín camellokamanu ro sanuira ñusutinu ꞌaruxun camellokamanan nankë akama këñun ꞌaisamaira kuri këñunbi maxá chabáchabákikë upíirabu akama uanx bëbakëxa. Anu bëbaxun ka usakin ñukatia sinánbëtsinkë banakama a banabi Salomón ñukákëxa,

Éxodo 15:26

ꞌInánkin ka kakëxa: ꞌËx mitsun Dios ꞌixun kana ësokin mitsun kain, ꞌën kuëënkësa okin ꞌanan, ꞌën mi kakë ënë bana tankin ax kikësabiokin ꞌakëbëtan kana, uisa ñubi an mikama ꞌatima onun egipcio unikamanu xukësokin xutima ꞌain, ꞌëx kana Nukën ꞌIbu an mitsu uisaibi ꞌitima okin bërúankë a ꞌimainun, uinu kaina kuani anuabi mitsu ꞌën uni ꞌikë bërúanti a ꞌain.

Mateo 12:22

Usai ꞌicëbëtan ca uni achúshi ñunshin ꞌatimanën ꞌimicëxa bëxuñu ꞌianan banañuma, a Jesúsnu unin bëacëxa. Bëia Jesusan pëxcucëxun ca banaquin isacëxa.

Mateo 14:1

Usa ꞌain ca unicaman Jesús ñuiquin chanioia Galileanu ꞌicë unicaman ꞌapu, Herodes, an cuacëxa.

Mateo 15:22

Bëbaia ca anu ꞌicë Cananea xanu, an anu cuanquin munuma banaquin Jesús caráishiacëxa: —Mix camina Nucën ꞌIbu, Davitan rëbúnqui ꞌain. Usa ꞌixun camina ꞌë ꞌaquinti ꞌain. ꞌËn ini tuá ca anua ñunshin ꞌatima ꞌain ꞌitsaira paë tania.

Mateo 17:15

—¿ꞌËn bëchicë caramina ꞌë pëxcuxuntima ꞌain? Aín namix nimëti bërërui saquiquiquin ca paë tania. Nimëti saquiqui ca ꞌitsai tsinu ꞌiruanan bacanu nipacëtia.

Mateo 17:18

Cacëxuan bëcëbëtan ca Jesusan a tuánu ꞌicë ñunshin ꞌatima chiquínun caquin chiquíancëxa. Chiquícëbë ca pëxcuti asábi ꞌiacëxa.

Mateo 4:23

Usa ꞌain ca Jesusan Capernaúm anuax cuanxun Galilea mecamanuxun anua judíos unicama timë́ti xubucamanuxun bana ñuixuancëxa. —Nucën Papa Diosan ca ami catamëcë unicama abë ꞌinun ainan ꞌimiti ꞌicë —quixun caquin upí bana unicama ñuixuanan ca uni ñucëcama pëxcüacëxa.

Mateo 8:28

Usaquiani ꞌucë manan cuantancëx ca Gadara cacë menu bëbacëxa. Bëbatancëx nuntinuax ꞌibúquiani cuaniabi ca ñunshin ꞌatimañu uni rabëtan, anu uni maíncënuax uquin Jesús mëracëxa. A uni rabëtan ca ñunshin ꞌatimañu ꞌaish uinu ꞌicë unínbia chichabiantisama ꞌixun anun cuanti bai bëaraxun ui unibi anun inumiama ꞌicën.

Mateo 8:33

Usacëbëtan ca an cuchi bërúancë unicaman a ꞌurama ꞌicë ëma chanu abáquiani cuanxun anu ꞌicë unicama usaia cuchicama ꞌicë ñuixuanan ñunshin ꞌatimañu uni rabë́ribi usai ꞌicë ñuixuancëxa.

Mateo 8:6

Cuanquin ca ësaquin cacëxa: —An ꞌë ñu mëëxuncë bëná uni ca ꞌinsíanxbi baquirucëma paë tani bënëti ꞌën xubunu racataxa.

Mateo 9:26

Usa ꞌain ca Jesusan usaquin ñu ꞌaia anu ꞌicë unicaman chanioia a menu ꞌicë unicaman cuacëxa.

Mateo 9:35

Usotancëxun ca ëma chacamanu ꞌimainun ëma chucúmaracamanuribi cuanquin anua judíos unicama timë́ti xubucamanu atsínquin anu timëtia Jesusan bana ñuixuancëxa. Bana ñuixunquin ca —ꞌëmi catamëcë unicama ca Nucën Papa Diosan ainan ꞌimiti ꞌicë —quixun caquin upí bana unicama ñuixuancëxa. Ñuixuanan ca uni ñucëcamaribi pëxcuquin an paëocëcama tërë́caxuancëxa.

Marcos 1:28

Usoquian Jesusan ꞌacë ñucama ñuiquin ca Capernaúmnu ꞌicë unicamainshima a ꞌurama ꞌicë Galilea menua ꞌicë ëmacamanuxunribi camaxunbi chaniocëxa.

Marcos 1:32

A nëtë́nbi ca bari cuabúcëbëa bëbáquishbucëbëtan a ëmanu ꞌicë unicaman, uni ꞌinsíncëcamacëñun uni ñunshin ꞌatimañu acama an pëxcunun Jesúsnu bëacëxa.

Marcos 2:3

Ñuixuncëbëtanbi ca rabë́ ꞌimainun rabë́ unin uni achúshi ñucë, nirucuaínquinbi tancëma, bacë́tinu racácë bëacëxa.

Marcos 2:4

Bëxun ca ꞌitsa unia tsitsíruan anun atsínmiti ꞌaíma ꞌain, tapitinën buánrutancëxun, xubu manan tapuacë anua Jesús ꞌicë puntë́bi cha oquin bërúaratancëxun, aín bacë́tinuabi nanpácëxa.

Marcos 2:9

ꞌËn cana ñucë uni ënë —min ꞌuchacama ca tërë́ncë ꞌicë —quixun cananbi —niruquiani ca min bacë́ti bibiani cuantan —quixunribi cati ꞌain.

Lucas 2:2

Cirenio cacë uni axa Siria nëtënu ꞌicë unicaman ꞌapu ꞌain ca a quirica ꞌatabaquin ꞌacancëxa.

Lucas 4:14

Usaquian ꞌacëx ca Jesús, bëtsi ñu sinanima Nucën Papa Diosan Bëru Ñunshin Upitan cushioquin sinánmicëxëshi, Galilea menu cuantëcëancëxa. Cuanxa bëbaia ca Galilea ꞌimainun a ꞌurama ꞌicë mecamanu ꞌicë unicamanribi a ñuiquin chaniocëxa.

Lucas 4:38

Anua judíos unicama timë́ti xubunuax cuanx ca Jesús Simonan xubunu bëbai anu atsíancëxa. Atsinia ca Simonan nachia ꞌitsisan ꞌi ꞌinsían, anu ꞌicë unicaman —Simonan nachi caramina nu pëxcuxuntima ꞌai —quixun cacëxa.

Lucas 5:15

Usoquian Jesusan —ꞌën mi pëxcucë ënë ñuiquin uni caxunma ca ꞌatan —quixun canbi ca camaxunbi Jesusan ꞌacë ñucama ꞌimainun a ꞌinsíncë uni pëxcucë aribi ñuiquin chaniocëxa. Usaquian chaniocëbë ca ꞌaisamaira uni Jesusan bana ñuixunia cuaisa tani anu Jesús ꞌicënu riquiancëxa. ꞌInsíncë unicamaxribi ca a pëxcunun quiax anu riquiancëxa.

Lucas 5:24

Nucën Papa Diosan cushínbi ꞌën ënë uni pëxcuia isquin camina asérabi ꞌunánti ꞌain, uni ꞌinux Nucën Papa Diosnuax uá ꞌën cana unin ꞌucharibi tërë́nti ꞌai quixun. Caquin ca racábucë uni cacëxa: —ꞌËn cana mi cain, niruquiani ca min bacë́ti bibiani min xubunu cuantan.

Lucas 7:17

Usaquian Jesusan ꞌacëa chanioia ca Judea menu ꞌicë unicama ꞌimainun axa Judea ꞌurama ꞌicë menu ꞌicë unicamanribi cuacëxa.

Juan 10:21

Usa ꞌain ca raírinëxribishi —ësai ca ñunshin ꞌatimañu uni banaima. Ñunshin ꞌatimanënbi ca bëxuñu uni bëpëxcutima ꞌicë —quiax quiacëxa.

Hechos 10:38

Camina ꞌunanin, Nucën Papa Diosan ca Jesús Nazaretnu ꞌicë a aín Bëru Ñunshin Upí abë ꞌinun ꞌinánquin aín cushiribi ꞌináncëxa. ꞌInáncëxun ca ñu upíshi ꞌanan ñunshin ꞌatimañu unicamaribi pëxcüacëxa, Nucën Papa Dios abë ꞌain.

Hechos 15:23

Caístancëxun ca atúan buánun quixun ësaquin cuënëoxun quirica ꞌináncëxa: “Nux Jesusan aín bana uni ñuixunun caíscë ꞌimainun axa Jesucristomi catamëcë unicaman nun cushicamabëtan cananuna mitsu quirica buánmin. Mitsux judíosma ꞌaíshbimi Jesucristomi catamëcë ꞌaish nun xucë́antu ꞌicë, Antioquía ëmanu, ꞌimainun Siria menu, ꞌimainun Cilicia menu ꞌicë, cananuna ësaquin mitsu cain.

Hechos 15:41

Xucëx cuanquin ca Pablobëtan Silasnën Siria menu cuanan Cilicia menuribi cuanquin a mecamanuaxa Jesucristomi catamëcë unicama bana ñuixunquin Jesucristonan ꞌaísha cuëënun sinánmiacëxa.

Hechos 28:9

Usocëbëa anu aia ca Pablonën a nasínua ꞌicë uni ñucëcamaribi pëxcüacëxa.

Hechos 8:7

Ñunshin ꞌatima cuëncëni anuax chiquícë uni isanan ca uni raíri aín xon nicëma ꞌimainun raíri aín niti bëtsicë acamaribi pëxcutia iscancëxa.

Josué 6:27

Usokin Nukën ꞌIbun ꞌakinkëxua Josuénën ñu ꞌaia ka ax ka kushiira uni ꞌikë kixun unin ñuia kamabi menu ꞌikë unin kuakëxa.