Mateo 4:13 - Kashibo-Kakataibo Biblia

¹³ Anu cuanx Nazaret ëmanu bëbatancëx ca a ëbiani Galilea cacë parúmpapa rapasu ꞌicë ëma, Capernaúm, anu ꞌi cuancëxa. A me anu Capernaúm ꞌicë ax ca Zabulón ꞌimainun Neftalí cacë me ꞌiacëxa.

Nukën 'Ibu Diosan ain unikama 'inan ain bana

¹³ Anu cuanx Nazaret ëmanu bëbatancëx ca a ëbiani Galilea cacë parúmpapa rapasu 'icë ëma, Capernaúm, anu 'i cuancëxa. A me anu Capernaúm 'icë ax ca Zabulón 'imainun Neftalí cacë me 'iacëxa.

Mateo 4:13 ပူးပေါင်းရင်းမြစ်များ

Mateo 11:23

Capernaúmnuax ucë unicama, ¿mitsun caramina sinanin, camina Nucën Papa Diosan nëtënu ꞌiti ꞌai quixun? Camina anuma, anua uni ꞌaisamacama bamatancëx cuancë, anu ꞌiti ꞌain. Mitsun ëmanuxun ꞌën cushínbi ꞌën ñu ꞌacësaribi oquian Sodomanuxunribi ꞌacë ꞌain ca aín ꞌuchacama ëni anu ꞌicë unicama nëëncëma ꞌiá ꞌitsíanxa.

Mateo 17:24

Capernaúmnu cuanxa Jesús ꞌimainun aín ꞌunánmicë unicamax bëbacëbëtan ca an anuxun Nucën Papa Dios rabiti xubu anun mëníoti curíqui bicë unin anu cuanquin Simón Pedro ñucáquin cacëxa: —¿Mitsun ꞌibun cara curíqui, anun anuxun Nucën Papa Dios rabiti xubu mëníoti, ꞌinanimin?

Mateo 4:14

Anu ca Jesús ꞌiti ꞌicë quixun ca Nucën Papa Diosan ꞌamicëxun Isaíasnën cuënëocëxa, ësaquin:

Mateo 4:15

Zabulón me ꞌimainun Neftalí me, a Jordán baca ꞌucë manan ꞌicë, ꞌimainun anun parúmpapanu cuanti bai acamax ca Galilea me, anu judíosma unibu bucucë, anu ꞌicën.

Mateo 9:1

A menuaxbi nuntin cuantëcëntancëx ca Jesús aín ëmanu bëbacëxa.

Marcos 1:21

Cuanx ca abëa nicë unicamabë Jesús Capernaúm ëmanu bëbacëxa. Bëbaxun ca anun ñu mëëtima nëtë ꞌain anua judíos unicama timë́ti xubunu atsínxun, anu ꞌicë unicama bana ꞌunánmiacëxa.

Marcos 2:1

Anu uni ꞌicëma menu ꞌitancëx ca Jesús Capernaúm ëmanu cuantëcëancëxa. Cuanxa anu ꞌain ca unicaman —Jesús ca uax xubunu ꞌicë —quixun chaniocëxa.

Lucas 10:15

Capernaúmnuax ucë unicama, ¿mitsun caramina sinanin, camina Nucën Papa Diosan nëtënu ꞌiti ꞌai quixun? Camina anuma, anua uni ꞌaisamacama bamatancëx cuancë, anu ꞌiti ꞌain.

Lucas 4:23

Canania ꞌunánquin ca Jesusan cacëxa: —Mitsun sapi camina ësaia uni quicë bana anun ꞌë caisa tanin: “Mix rucuturu ꞌaish ca mixbi pëxcút”. Usaquin caquin camina ꞌë cati ꞌain: Minmi Capernaúm ëmanuxun ñu ꞌaia nun cuacë usaribi oquin camina anuaxmi canicë me ënuxunribi ꞌati ꞌai quixun.

Juan 2:12

Usaquin ꞌatancëx ca aín tita ꞌimainun aín xucë́antu ꞌimainun aín ꞌunánmicë unicamabë Jesús Capernaúm ëmanu cuancëxa. Cuanx bëbatancëx ca ꞌitsama nëtë́inshi anu ꞌiacëxa.

Juan 4:46

Usa ꞌain ca Galilea nëtënua ꞌicë ëma Caná, anuxuan bëráma ꞌunpax vino ocë, anu Jesús bëbacëxa. Bëbamainun ca ꞌapun uni achúshi aín bëchicënëx Capernaúm ëmanu ꞌinsíncë ꞌiacëxa.

Juan 6:17

Cuantancëx ca nuntinu cëñúruquiani, ꞌucë manan ꞌicë Capernaúmnu cuani cuancëxa. Bari cuabúcëbë bëánquicëbëbia Jesús aiama obiani ca aín ꞌunánmicë unicamax cuancëxa.

Juan 6:24

Usa ꞌain ca axa anu bërúcë unicama an bariquinbi Jesúscëñun aín ꞌunánmicë unicamaribi ꞌaímocëxa. ꞌAímobiani ca axa Tiberiasnuax ucë manë nunticamanu cëñúruquiani Capernaúm ëmanuribi Jesús bari cuancëxa.

Juan 6:59

Capernaúm ëmanuxun ca Jesusan anua judíos unicama timë́ti xubunuxun usai quiquin a banacama ñuixuancëxa.