Mateo 27:53 - Kashibo-Kakataibo Biblia

⁵³ Baísqui nirui anua racan anuax chiquítancëx ca Jesúsa baísquicëbë Jerusalénu cuancëxa. Cuancë ca ꞌitsa unin anuxun isacëxa.

Nukën 'Ibu Diosan ain unikama 'inan ain bana

⁵³ Baísqui nirui anua racan anuax chiquítancëx ca Jesúsa baísquicëbë Jerusalénu cuancëxa. Cuancë ca 'itsa unin anuxun isacëxa.

Mateo 27:53 ပူးပေါင်းရင်းမြစ်များ

Daniel 9:24

Setenta semana ax ka (cuatrocientos noventa baritia inuti ñui kikë ꞌikën) min unikama ꞌimainun min ëma upí a inuti ꞌikën, inutankëxun ka ax bana kuaisama tani ꞌikëkama ꞌimainun aín ꞌuchakë kamaribi ënti ꞌikën. Usai ꞌia ka Diosan aín ꞌuchakëkama unikama tërënxunti ꞌikën, usakin ꞌakin ka uníxa bëtsibë bëtsibë xënibua ꞌaínbi nuibananti a nanti ꞌikën. Usai ka min namákësokin iskë ꞌimainun an bana ñuikë Jeremías ax kiásabi oi ꞌiti ꞌikën, ꞌianan ka upíira kakë anu ꞌikë ax upíira ꞌitánun mëníokë ꞌiti ꞌikën.

Mateo 4:5

Usotancëxun ca ñunshin ꞌatimanën ꞌapun Jesús Jerusalén ëma upí anu buáncëxa. Buántancëxun ca anuxun Nucën Papa Dios rabiti xubu aín mascuan sënë́ncënu buánruacëxa.

Apocalipsis 11:2

A xubu rapasu ꞌicë me mëníocë, ashi camina tupúntima ꞌain. Ax ca axa Nucën Papa Diosmi sináncëma unicamaxa anu ꞌinun ëncë ꞌiti ꞌicën. A unicaman ca cuarenta y dos ꞌuxëcama anu a xubu ꞌicë ëma, Jerusalén, a ꞌatimoi niti ꞌicën. Usa ꞌain camina a xubu rapasu ꞌicë me mëníocë, a tupúntima ꞌain.

Apocalipsis 21:2

Isanan cana Jerusalén ëma ió, upíira upí, Nucën Papa Diosan nëtënuaxa ubutia isan. ꞌËn iscëx ca upíira upí ꞌiaxa, xanúxa bërí bënunux upiti mëníocacësaribi.

Apocalipsis 22:19

Uicamanribi cara ënë quiricanu ꞌicë Nucën Papa Diosan bana ñuiquinbi bëtsi bëtsi bana —a banax ca ꞌaisama ꞌicë —quiquin a uni ñuixunima, acama ca Nucën Papa Diosan ënë quiricanu cuënëoquin ñuicë Jerusalén ió anu abë ꞌitimoquin ꞌimianan anu ꞌicë quiricanua ꞌicë aín anë a tërë́nti ꞌicën.