Mateo 27:51 - Kashibo-Kakataibo Biblia

⁵¹ Jesús bamacëbë ca Nucën Papa Diosan ꞌimicëx anuxun a rabiti xubu mëu anun bëpáncë chupa aín manámiucüaxbi shimúqui amo rabë́ ꞌinun tuquiacëxa. Usai ꞌicëbëa me shaíquicëbë ca maparacamaxribi tuquibuacëxa.

Nukën 'Ibu Diosan ain unikama 'inan ain bana

⁵¹ Jesús bamacëbë ca Nucën Papa Diosan 'imicëx anuxun a rabiti xubu mëu anun bëpáncë chupa aín manámiucüaxbi shimúqui amo rabë́ 'inun tuquiacëxa. Usai 'icëbëa me shaíquicëbë ca maparacamaxribi tuquibuacëxa.

Mateo 27:51 ပူးပေါင်းရင်းမြစ်များ

Levítico 16:2

Usa ꞌain ka Nukën ꞌIbun Moisés kakëxa: —Min xukë́n Aarón kamina ësokin kati ꞌain, bëtsi nëtë́an uisaxi anu ꞌëx ꞌikë upíira kakë chupa bëpankë a kaxú atsíaxma ꞌinun kanan kamina, bunántisa okin ꞌakë anun mapukë a ꞌurama oxuma ꞌanun kati ꞌain, anu kuaníbi ka bamati ꞌikën; ꞌëx kana aín mapúti ꞌikë anu kuin mëu mërati ꞌain.

Habacuc 3:10

Usa ꞌain ka nikamaribi mi isi ꞌikësai shaíkiti ꞌikën. Usai ꞌimainun ka naínuax ꞌuí ꞌitsaira nëtë́timaira ꞌibúti ꞌikën, ꞌimainun ka parúmpapa aín nëmin axribi xukirui aín bëchun chairui banati ꞌikën.

Habacuc 3:13

Min unikama ꞌimainun, minbi kaískë ꞌapukama ꞌakinuxun kamina chikínti ꞌain. Min kamina an ñu ꞌatima akë unikaman xubu ꞌatimokin këñuanan, ami birukin atun xubu ꞌakë maparasa ꞌikë aín ꞌapukama aribi masókin këñukin ꞌati ꞌain.

Mateo 27:54

Me shaíquimainuan usai bëtsi ñuribi ꞌia isi ca suntárunën cushibëtan an unínma Jesús i curúsocënua nanpatia quixun a bërúancë suntárucamaxribi ꞌaisamaira racuë́acëxa. Racuëti ca —ënë unix ca asérabi Diosan Bëchicë ꞌiaxa —quiax quiacëxa.

Mateo 28:2

Cuanxa bëbacëbëbi ca mecama cushíinra shaíquiacëxa. Shaíquicëbëtan ca ángelnën Nucën ꞌIbu Diosan xucëx uquin, anúan anu Jesús ꞌicë quini xëpucë maxax cha taranacëxa. Usotancëx ca anu tsóbuacëxa.

Marcos 15:38

Jesús bamacëbë ca Nucën Papa Diosan ꞌimicëx anuxun a rabiti xubu mëu anun bëpáncë chupa aín manámiucüaxbi shimúqui amo rabë́ ꞌinun tuquiacëxa.

Lucas 23:45

Usai bari bëánquimainun ca Nucën Papa Diosan ꞌimicëx anuxun a rabiti xubu mëu anun bëpáncë chupax amo rabë́ ꞌinun tuquiacëxa.

Lucas 23:47

Usaía ꞌicëcama isquin ca Romanu ꞌicë capitán Nucën Papa Dios rabi quiacëxa: —Asérabi ca ënë unix ꞌuchañuma ꞌiaxa.

Hebreos 6:19

Ënëx ca ësaribi ꞌicën. An manë nunti niquincë unicaman ca aín manë nuntia bëchunan tucáncaquin amami amami buánti rabanan, manë cha manë risin tëcërëcaxun, an cushioquin tuínun quixun baca nëbë́tsi nipatia. A manë chan tuíncë cupí ca nunti amanu amanu cuanima. Usaribiti cananuna Cristo anu Nucën Papa Dios ꞌicë anu cupí nun amanu amanu sinánbëquínquinma Jesucristomi sinánti ëntima ꞌain.

Hebreos 9:3

Cata Upí a ꞌucë ca bëtsi cata ꞌiacëxa. Ax ca Cata Upíira cacë, ꞌiacëxa.

Apocalipsis 11:13

Usai ꞌicëbë ca me ꞌaisamaira shaíquiaxa. Shaíqui ca Jerusalén ëma nëbë́tsi rabë́, mëcën rabë́ oquin tëacësa ꞌaíshbi amo ꞌicë achúshi rurucubuaxa. Rurucubucëbë ca ꞌaisamaira uni siete mil bamaxa. Acama bamacëbëtan ca bamacëma unicaman racuë́quin, Nucën Papa Dios naínu ꞌicë rabiaxa.

Apocalipsis 11:19

Usai ꞌicëbë ca naínu ꞌicë anuxun Nucën Papa Dios rabiti xubu aín xëcuë xëoquiaxa. Xëoquicëbëtan cana bunánti, anua Nucën Papa Diosan cuënëo maxax pará rabë́ nancë, a isan. Iscëbëa munuma caná mëriti banacëbë ca bëtsi ñuribi sharámainun mecama shaíquiaxa. ꞌImainun ca ꞌuí ꞌaíshbi matsiira ꞌaish iru ax rëucubuaxa.