Mateo 27:4 - Kashibo-Kakataibo Biblia

⁴ ꞌInánquin ca cacëxa: —ꞌËn cana ñancánbi ꞌuchañuma ꞌicëbi a uni mitsu ꞌinan. Usa ꞌaish cana ꞌëx ꞌuchañuira ꞌain. Cacëxunbi ca cacancëxa: —A ñu cananuna nun ꞌunaniman. Ax ca min ꞌuchabi ꞌicën, minbi camina mëníoti ꞌain.

Nukën 'Ibu Diosan ain unikama 'inan ain bana

⁴ 'Inánquin ca cacëxa: —'Ën cana ñancánbi 'uchañuma 'icëbi a uni mitsu 'inan. Usa 'aish cana 'ëx 'uchañuira 'ain. Cacëxunbi ca cacancëxa: —A ñu cananuna nun 'unaniman. Ax ca min 'uchabi 'icën, minbi camina mëníoti 'ain.

Mateo 27:4 ပူးပေါင်းရင်းမြစ်များ

1 Reyes 21:27

Ësokia Dios kikë bana Elíasnën ñuixunkëxun a banakama kuakin ka Ahabnën aín chupa abi tukai ꞌikiani aín xubunu kuanxun chupa xënira pañutankëx añubi pima a pañukë chupa xënira añabi ꞌuxanan, masá nuitukëishi ꞌaish niakëxa.

Éxodo 12:31

Usaia ꞌikëbëtan ka a ꞌimë́bi ꞌapu faraónën Moiséskëñun Aarón kamiakëxa, kamikëxa aia ka kakëxa: —Ënuax kamina mitsux ꞌën unikama ëbiani, Israel unikama ubani kuanti ꞌain. Kuanxun kamina a rabikatsimi kikankë mitsun ꞌIbu rabi kuanti ꞌain.

Éxodo 9:27

Usaia ꞌikëbë ratúkin ka faraónën Moisés ꞌimainun Aarón kamiakëxa, kamikëxa aia ka ësokin kakëxa: —ꞌËx kana ꞌucha kixun kana ꞌunanin. ꞌËn ꞌucha ꞌimainun ꞌën unibu ꞌuchakë kupín ka ësai ñu ꞌia, Nukën ꞌIbux ka ꞌuchakëma ꞌikën.

Jeremías 26:15

ꞌAínbi kamina mitsun upíokin ënë ꞌunánkanti ꞌain: mitsunmi ñu ꞌatima ꞌakëmabi ënë ëmanu ꞌikë unikamabëtan ꞌë ꞌax kamina ꞌuchokë ꞌikanti ꞌain; asérabi ka Nukën ꞌIbunbi ꞌë ënë bana upíokin ñuianan kamabi a ñukama chikinakin ñuinun ꞌë xuaxa.”

Jonás 1:14

Usai ꞌikëbëtan ka munuma banakin an ꞌakinun kixun ñukákin Dios ësokin kakankëxa: Dios nukamina ënë unin ꞌucha kupín bamanun ꞌimitima ꞌain. ꞌIanan kamina axa ñu ꞌatima ꞌakëma ꞌaish bamakëbëtan, nukamaxnu anun ꞌuchakësa ꞌinun ꞌimitima ꞌain, usa ꞌixun kamina mix Dios ꞌixun uisakin kaina ꞌaisatani usakin ñu ꞌain.

Mateo 27:19

Pilatoa anuxun uni manania cuati, anu ꞌain ca aín xanun achúshi uni xuquin Pilato ësoquin camiacëxa: —Ënë uni cupí cana masáquin namáan. Ax ca ꞌuchañuma ꞌicën. Usa ꞌain camina a ꞌanun uni ꞌinántima ꞌain. Ësaquian aín xanun camicë banaribi sinánquin ca Pilatonën Jesús chiquíntisa tancëxa.

Mateo 27:54

Me shaíquimainuan usai bëtsi ñuribi ꞌia isi ca suntárunën cushibëtan an unínma Jesús i curúsocënua nanpatia quixun a bërúancë suntárucamaxribi ꞌaisamaira racuë́acëxa. Racuëti ca —ënë unix ca asérabi Diosan Bëchicë ꞌiaxa —quiax quiacëxa.

Lucas 23:22

Usaía quicaniabi ca rabë́ oquin cacësabi oquin Pilatonën amiribishi catëcëancëxa: —¿Añu ñu ꞌaisama cara ënën ꞌax? ꞌËn iscëx ca a cupía bamati ñu ꞌatima ꞌacëma ꞌicën. Usa ꞌain cana paë tanmitancëxuinshi cuantánun ënti ꞌain.

Lucas 23:41

Asérabi cananuna nux nun ꞌucha cupí paë tanin. Usa nux ꞌaínbi ca ënë uni añu ꞌuchabi ꞌacëma ꞌicën.

Lucas 23:47

Usaía ꞌicëcama isquin ca Romanu ꞌicë capitán Nucën Papa Dios rabi quiacëxa: —Asérabi ca ënë unix ꞌuchañuma ꞌiaxa.

Juan 19:7

Ësaquian cacëxun ca judíos unibunën Piláto cacëxa: —Ënë unix ca ꞌëx cana Nucën Papa Diosan Bëchicë ꞌai quia. Usa ꞌain ca axa ësai banacë unix ca ꞌacë ꞌiti ꞌicë quiax Moisésnën cuënëo bana quicësabi oi bamati ꞌicën.

Hechos 13:28

Jesús ꞌanuxun sináncancëbëbi ca an ñu ꞌatima ꞌacë ꞌaíma ꞌiacëxa, a cupía ꞌati. Usa ꞌaínbi ca judíos unicaman ainsa Jesús ꞌaminun quixun Pilato cacëxa.

Romanos 3:19

Usa banacama ca judíos unibunën cuanun Nucën Papa Diosan aín unicama cuënëomiacëxa quixun cananuna ꞌunanin. Aín bana ꞌináncëma pain ꞌixun ca Nucën Papa Diosan judíos unicama ainan ꞌinun ꞌimiacëxa. Ainan ꞌimitancëxun ca uisaira cara ainan ꞌaish uni upí ꞌiti ꞌicë quixuan ꞌunánun aín bana judíos unicama ꞌináncëxa. A bana isquin ca judíos unicamainshima camabi unin ꞌunánti ꞌicën, uisairai ꞌi cara Nucën Papa Diosan iscëx atun nuitu upíma ꞌicë quixun.

1 Timoteo 4:2

Usai ꞌiquin ca axa cëmëcë unin bana cuati ꞌicën. A cëmëcë unicama an ca cëmë́ntapun ꞌaish cëmëquin, usai banati ca ꞌaisama ꞌicë quixun ꞌunaníma. Usa unicamax ca aránpi ꞌitsisan mëpëpëcacë́xa mocënu ñun naxcacëxunbia paë tancëma unisaribi ꞌicën.

Tito 1:16

Atúxa —ꞌëx cana Nucën Papa Diosan uni ꞌai —quiabi ca an ñu ꞌaisama ꞌaia iscë unicaman —usama ca —quixun ꞌunania. Atúan ñu ꞌaisama ꞌacë cupí ca unin atu cuëënima. A unicaman ca bana cuacëma ꞌixun ñu upí ꞌati sinanima.

Hebreos 7:26

Usa ꞌaían Jesús axira nun sacerdote ꞌiti ca upíira ꞌicën. Nucën Papa Diosan iscëx upíira ꞌixun ñu ꞌatima ꞌacëma ꞌianan ñu ꞌatima ꞌati sináncëma ꞌianan ax upíira sinánñu ꞌaish ca aín Papabë ꞌApuira ꞌicën.

1 Pedro 1:19

Usama ca. Judíos unicaman aín ꞌucha cupí uisaíbi ꞌicëma carnero aín upíira rëmia ꞌaínbi ca aín imi ꞌapati Cristo bamacë a cupí mitsun ꞌucha tërë́nquin ainan ꞌinun Nucën Papa Diosan mitsu ië́miaxa.

1 Juan 3:12

Ñunshin ꞌatimanën ꞌapunan ꞌixun ca Cainan aín xucë́nbi ꞌacëxa. Usaribi cananuna ꞌitima ꞌain. ¿Uisa cupí cara Cainan aín xucën ꞌacëx? Aín xucënan ꞌacë ñu upí ꞌimainuan an ꞌacë ñu upíma ꞌain ca Cainan aín xucën ꞌacëxa.

Apocalipsis 11:10

A rabëtan Nucën Papa Diosan bana ñuixunquin atun ꞌuchacama sinánmicë cupí ca axa Nucën Papa Diosmi sináncëma unicama a rabë́ bamacë isi cuëënti ꞌicën. Cuëëni ca abëa nuibanancë unicamabë ñu ꞌinánanti ꞌicën.

1 Samuel 15:24

Ësokian kakëxun ka Saúlnën Samuel kakëxa: —ꞌËn kana Nukën ꞌIbun kakësama okin ꞌai ꞌuchan ꞌimainun kana min kakësokiribi ꞌakëma ꞌain, usa ꞌain kana atumi rakuë́kin añu ꞌanun kara ꞌë kaia usakinbi atu ꞌaxuan.

1 Samuel 15:30

—ꞌËx kana ꞌuchan —kiax ka Saúl amiribishi kítëkëankëxa—. Usa ꞌaínbi kana mi amiribishi katëkënin Israel kaman kushi ꞌimainun kamabi unikaman, ax ka asérabi nun ꞌapu ꞌikë kixun mi sinánun kamina ꞌëbë kuanti ꞌain. Usa ꞌain kamina ꞌëbë kuantëkëntankëxun Nukën ꞌIbu rabi kuanti ꞌain kixun ka katëkëankëxa.

1 Samuel 19:5

an ka filisteo uni achúshi axa ꞌakánanti ꞌunánkë ꞌikëbi ꞌakëmasa okinshi Goliat an ira ꞌaisa ꞌixunbi ꞌaxa, usakin ka Israel unikama ꞌakinun Nukën ꞌIbun ꞌamiaxa, ꞌaia kamina minbi isan isi kamina ꞌitsaira kuëan. ¿Usa ꞌain kamina ñu ꞌaisama ka ꞌakëma ꞌikë David ꞌati sinántima ꞌain?