Mateo 27:32 - Kashibo-Kakataibo Biblia

³² Jesús buani cuanquinbi ca suntárunën Cirene cacë ëmanu ꞌicë uni, Simón cacë, a mëraquin cacëxa: —Min camina anu Jesús matásti i curúsocë ënë ꞌiábianti ꞌain. Cacëxun ca a unin buánxuancëxa.

Nukën 'Ibu Diosan ain unikama 'inan ain bana

³² Jesús buani cuanquinbi ca suntárunën Cirene cacë ëmanu 'icë uni, Simón cacë, a mëraquin cacëxa: —Min camina anu Jesús matásti i curúsocë ënë 'iábianti 'ain. Cacëxun ca a unin buánxuancëxa.

Mateo 27:32 ပူးပေါင်းရင်းမြစ်များ

1 Reyes 21:10

ꞌAtankëxun ka rabë́ uni axa ami këmëi a ñui bananun kixun katankëxun a rëkuë́mikin tsónkanti ꞌikën, a unix ka Nabotnëx ka Dios ñui kianan ꞌapu Ahab ñuiribi ꞌatimati banaxa kiti ꞌikën. Usaia kikëbëtan ka ëman chikíntankëxun anuxun maxaxan ꞌakin rëkanti ꞌikën.”

1 Reyes 21:13

Usokia ꞌan ka axa ami këmëi banai usaisa kiaxa kitia anëkë uni rabë́ axribi anua timëkankë anuax, usaisa Nabot kiaxa kiax kamabi unin kuamainun ësai kiakëxa. Nabot ënëx ka Dios ñui kianan ka ꞌapu ñuiribi ami ꞌatimati banaxa kiakëxa. Usai uni rabë́ ax kikëbëtan ka Nabot anua ꞌikankë atun ëmanua chikinbianxun a ꞌurinxun maxáxan ꞌakin rëkankëxa.

Mateo 16:24

Catancëxun ca aín ꞌunánmicë unicama ësaquin Jesusan cacëxa: —Uix cara ꞌën uni ꞌiisa tania an ca a ꞌai bamanuxunbi ꞌëmi catamëti quicë bana ënquinma ꞌati ꞌicën.

Mateo 5:41

Unían mi achúshi kilometro aín ñu buánxunun cacëxun camina rabë́ kilometro buánxunti ꞌain.

Marcos 15:21

Buánquinbi ca Cirene nëtënu ꞌicë uni, Simón, Alejandro ꞌimainun Rufo aín papa, aín naënuax anúan cuancë bai, anun aia isquin suntárucaman anu Jesús matásti i curúsocëa ꞌiábianun quixun cacëxa.

Lucas 23:26

Usoquian Pilatonën cacëxun Jesús buani cuanquinbi ca suntárunën Cirene nëtënu ꞌicë uni Simón, ax aín naënuax anúan cuancë bai, anun aia isquin suntárunën biquin ꞌiámiquin, anua Jesús matásti i curúsocë, a Jesús caxu cuanquin buánxunun quixun cacëxa.

Juan 19:17

Buáncëxun ca Jesusan abi anua matáscanti i curúsocë ꞌiábianquin Calvario cacë matá, hebreo banan Gólgota cacë, anu buáncëxa.

Hechos 11:20

Ñuixunmainun ca Chipre ꞌimainun Cirene menuaxa Jesucristomi catamëcë uni raíri anribishi Antioquía ëmanu cuanx bëbaxun, Nucën ꞌIbu Jesúsmi catamëti ca uni Nucën Papa Diosnan ꞌiti ꞌicë quixun, judíosma uniribi bana ñuixuancëxa.

Hechos 13:1

Antioquíanu ꞌicë axa Jesucristomi catamëcë unicama raírinëx ca an Nucën Papa Diosan sinánmicëxun bana uni ñuixuncë uni ꞌiacëxa, raírinëx ca an aín bana unicama ꞌunánmicë ꞌiacëxa. Usa ꞌain ca Bernabé ꞌimainun Simeón ꞌicëbi Tunan Uni caquinribi anëcë, a ꞌimainun Cirene menu ꞌicë uni, Lucio, a ꞌimainun Manaén, axa Galilea menu ꞌicë ꞌapu Herodes, abë canicë, a ꞌimainun Saulo, acamax Antioquíanu ꞌiacëxa.

Hechos 2:10

ꞌImainun cananuna Frigia, Panfilia, Egipto, ꞌimainun Africa menu ꞌicë ëma raíri Cirene ꞌucëa ꞌicë anuax ucë ꞌain, ꞌimainun cananuna Roma ëmanu ꞌicë judíos unicama ꞌimainun raírinëx judíosma uni ꞌixunbia an usai judíos uni ꞌiti Moisésnën cuënëo bana quicësabi oquin ꞌacë ꞌain.

Hechos 6:9

Usa ꞌain ca an uni itsin ꞌacëma ñu ꞌaia oi ami nishi, judíos unibunëan ñu mëëmicë ꞌaíshbia chiquícë unicamabë Alejandría, Cilicia, ꞌimainun Asia me acamanuaxa ucë unicamax timë́ax Estebanbë cërúanancëxa.

Hechos 7:58

Bibianquin ca Jerusalénua buánxun maxaxan ꞌacëxa. Aín cutun pain pëxun bëná uni, Saulo cacë, an bërúanun quixun nantancëxun ca Esteban maxaxan ꞌacëxa.