Mateo 27:31 - Kashibo-Kakataibo Biblia

³¹ Usoquin ꞌusántancëxun ca a pañumicë chupa pëmianan aín chupa pañumitëcëancëxa. Pañumitancëxun ca i curúsocënu matásti buáncëxa.

Nukën 'Ibu Diosan ain unikama 'inan ain bana

³¹ Usoquin 'usántancëxun ca a pañumicë chupa pëmianan aín chupa pañumitëcëancëxa. Pañumitancëxun ca i curúsocënu matásti buáncëxa.

Mateo 27:31 ပူးပေါင်းရင်းမြစ်များ

1 Reyes 21:10

ꞌAtankëxun ka rabë́ uni axa ami këmëi a ñui bananun kixun katankëxun a rëkuë́mikin tsónkanti ꞌikën, a unix ka Nabotnëx ka Dios ñui kianan ꞌapu Ahab ñuiribi ꞌatimati banaxa kiti ꞌikën. Usaia kikëbëtan ka ëman chikíntankëxun anuxun maxaxan ꞌakin rëkanti ꞌikën.”

1 Reyes 21:13

Usokia ꞌan ka axa ami këmëi banai usaisa kiaxa kitia anëkë uni rabë́ axribi anua timëkankë anuax, usaisa Nabot kiaxa kiax kamabi unin kuamainun ësai kiakëxa. Nabot ënëx ka Dios ñui kianan ka ꞌapu ñuiribi ami ꞌatimati banaxa kiakëxa. Usai uni rabë́ ax kikëbëtan ka Nabot anua ꞌikankë atun ëmanua chikinbianxun a ꞌurinxun maxáxan ꞌakin rëkankëxa.

Isaías 53:7

Ax ka ꞌatima okë ꞌiaxa, ꞌaínbi ka ñuumarasa ꞌixun ꞌinamëkin tënëti ꞌikën, ꞌianan ka uisa banarabi banatima ꞌikën; usai ꞌiaka, anuxun ꞌatinua carnero aín bënë bërí kanikë buankësa okin buankanti ꞌikën, usai ꞌika ax uisaibi banaima nëtë́ax aín rani tëakëxun carneronën tanshikë usaíshi ꞌiti ꞌikën.

Mateo 20:19

judíosma unicaman ꞌanun ꞌë ꞌinánti ꞌicën. ꞌË bëtsi bëtsi onan ꞌëmi cuaianan ꞌë mëëtancëxun ꞌëx bamanun i curúsocënu matásnun ca judíos unicaman ꞌë judíosma unicama ꞌinánti ꞌicën. Usoquian ꞌë ꞌacëx cana bamatancëx rabë́ nëtë ꞌiónxa pëcaracëbë baísquiti ꞌain.

Mateo 21:39

Canantancëxun bibianquin naë ꞌuri buánxun ca ꞌaxa.

Mateo 26:2

—Camina ꞌunanin, rabë́ nëtë ꞌicëbë ca Pascua anun carnero ꞌati nëtë ꞌiti ꞌicën. A nëtën ca unían binun uni itsin ꞌë ꞌinánti ꞌicën. ꞌInáncëxun ca i curúsocënu bamanun ꞌë matásti ꞌicën. Usaquin ca Jesusan aín ꞌunánmicë unicama cacëxa.

Marcos 15:20

Usoquin ꞌusántancëxun ca a pañumicë chupa minanën pucucësa a pëmianan aín chupa pañumitëcëancëxa. Pañumitancëxun ca i curúsocënu matásti buáncëxa.

Juan 19:16

Usaquian cacancëxun ca Pilátonën atúnbia i curúsocënu matásnun quixun cacëxa. Usoquian Pilátonën cacëxun ca judíos unicama cuëëncësabi oquin suntárucaman Jesús buáncëxa.

Juan 19:27

Canan ca aín ꞌunánmicë uni aribi cacëxa: —Ca is, ax ca min tita ꞌiti ꞌicë —quixun. Usoquian Jesusan cacësabi oquin ca an María aín xubunu ꞌinun buáncëxa.

Hechos 7:58

Bibianquin ca Jerusalénua buánxun maxaxan ꞌacëxa. Aín cutun pain pëxun bëná uni, Saulo cacë, an bërúanun quixun nantancëxun ca Esteban maxaxan ꞌacëxa.

Hebreos 13:12

Usaribiti ca Jesús, Jerusalén ꞌuri aín imi ꞌapati i curúsocënu, camabi uníxa aín ꞌucha tërë́ncë ꞌaish Nucën Papa Diosnan ꞌinun, bamacëxa.