Mateo 27:22 - Kashibo-Kakataibo Biblia

²² Cacëxun ca Pilatonën cacëxa: —¿Barrabás chiquíanan Cristo cacë ënë ꞌën uisoti caramina cuëënin? Cacëx ca quicancëxa: —Bamatanun ca i curúsocënu matás.

Nukën 'Ibu Diosan ain unikama 'inan ain bana

²² Cacëxun ca Pilatonën cacëxa: —¿Barrabás chiquíanan Cristo cacë ënë 'ën uisoti caramina cuëënin? Cacëx ca quicancëxa: —Bamatanun ca i curúsocënu matás.

Mateo 27:22 ပူးပေါင်းရင်းမြစ်များ

Job 31:31

ꞌËx abë ꞌikë uni achúshinën bëtsi menu ꞌikë uni mërakin kuai oisatania kana,

Isaías 49:7

Nukën ꞌIbu an nu bitëkënkë, Israel unikaman Dios upíira ax ka ësai kia, ami sinánkima manukë ëmakama bëtsi ëmanu ꞌikë unikama ami nishkin timakë, unikama ax ꞌapu ꞌixun ñu mëëmia a unikama ñui ka ësai Dios kiaxa: “Uínsaran kara ꞌapukama ꞌimainun aín kushikama mi isia anun ka nirukianx rantipuruni mi tanain tsóbuti ꞌikën, ꞌëx Israel unikaman Dios upíira ꞌixun kana ꞌën mitsu kaisa ꞌixun ꞌëx kikë usabi okin ꞌati ꞌain.”

Mateo 1:16

Jacob ax ca Josénën papa ꞌiacëxa. José ax ca María an Jesús, Cristo cacë, a tuua, aín bënë ꞌiacëxa.

Mateo 27:17

—Nutsi ami nishquin ca judíos unibunën Jesús ꞌënu bëaxa —quixun ꞌunánquin Jesús chiquíntisa tanquin ca Pilatonën judíos unibunën ꞌapucamaxa timëtia cacëxa: —¿Mitsux cuëëncëbëtan carana ui uni mitsu chiquínxunti ꞌain? ¿Carana Barrabás chiquínti ꞌain? ¿Carana Jesús, Cristo cacë, a chiquínti ꞌain?

Mateo 27:21

Usa ꞌain ca Pilatonën —¿ënë uni rabë́ carana uinu ꞌicë mitsu chiquínxunti ꞌai? —quixun ñucátëcënquin cacëxun —Barrabás camina nu chiquínxunti ꞌai —quixun cacëxa.

Mateo 27:23

Quicania cuaquin ca Pilatonën cacëxa: —¿Añu ñu ꞌaisama cara ꞌax? Cacëxbi ca unicama munuma cuëncëni quitëcëancëxa: —Bamatanun ca i curúsocënu matás.

Marcos 14:55

Usa ꞌain ca judíos sacerdotenën cushicamabë camabi judíos unibunën ꞌapucama anu timë́xun, uix caraisa atúan ꞌanun Jesúsmi manánti ꞌicë quixun cuaisa tancëxa. Cuaisa tancëbëa ꞌitsa uni cëmëi Jesúsmi manáncëxbi ca ꞌatima bana anúan Jesús ꞌacánun quixun Jesús ꞌuchoti ꞌaíma ꞌiacëxa. Bëtsi bëtsi uníxa cëmëi quicëxbi ca bana mëscú ꞌiacëxa.

Juan 4:25

Cacëxun ca xanun cacëxa: —Mesías, Cristo cacë, ax ca uti ꞌicë quixun cana ꞌunan. Ax uquin ca nun nu ꞌunánun camabi ñu ñuixunti ꞌicën.

Hechos 13:28

Jesús ꞌanuxun sináncancëbëbi ca an ñu ꞌatima ꞌacë ꞌaíma ꞌiacëxa, a cupía ꞌati. Usa ꞌaínbi ca judíos unicaman ainsa Jesús ꞌaminun quixun Pilato cacëxa.

Hechos 13:38

ꞌËn xucë́antu, usa ꞌain camina ꞌunánti ꞌain, Jesús cupíshi ca uni aín ꞌuchacama tërë́ncë ꞌiti ꞌicën. Ca usa ꞌicë quixun cananuna mitsu cain.