Mateo 27:2 - Kashibo-Kakataibo Biblia

² Usai quitancëxun nëaxun ca Poncio Pilato, a nëtënu ꞌicë unicaman cushi, anu buáncëxa.

Nukën 'Ibu Diosan ain unikama 'inan ain bana

² Usai quitancëxun nëaxun ca Poncio Pilato, a nëtënu 'icë unicaman cushi, anu buáncëxa.

Mateo 27:2 ပူးပေါင်းရင်းမြစ်များ

Génesis 22:9

Anu kuanuan Nukën ꞌIbu Diosan kakë matá me anu bëbaxun, ka Abrahamnën anuxun ñuina xaroti maxax bukunruakëxa; usakin bukunrutankëxun ka karuribishi tíkati mabukuntankëxun aín bëchikë Isaac aribi nëakëxa, nëaxun ka anu ñuina xarotinu nankë karu kamanan;

Mateo 20:19

judíosma unicaman ꞌanun ꞌë ꞌinánti ꞌicën. ꞌË bëtsi bëtsi onan ꞌëmi cuaianan ꞌë mëëtancëxun ꞌëx bamanun i curúsocënu matásnun ca judíos unicaman ꞌë judíosma unicama ꞌinánti ꞌicën. Usoquian ꞌë ꞌacëx cana bamatancëx rabë́ nëtë ꞌiónxa pëcaracëbë baísquiti ꞌain.

Mateo 28:14

Usoquinmi cacëxuan unicaman chaniocëbëtan mitsun ꞌapun cuacëbë cananuna nux abë banati ꞌain. Nux abë banacëbë camina mitsux uisaríma asábi ꞌiti ꞌain.

Lucas 13:1

Unicama bana ñuixunia ca anu ꞌicë uni raírinën Jesús ësaquin cacëxa: —Galilea menuaxa ucë uni raírinëan sacerdote ꞌinánti aín ꞌaracacë ñuina bëquin anuxun Nucën Papa Dios rabiti xubu rapasunuxun rëtia ca Pilatonën an ñuina bëcë unicama ꞌamiaxa.

Lucas 20:20

Bitsíma ꞌixunbi ca Jesús bicatsi quiax ꞌësë́nantancëxun ami manánquin usai ca quiaxa quixun ꞌapu canuxuan, cëmëquin paránquin Jesús ñucátanun quixun uni raíri xuacëxa.

Lucas 23:1

Catancëx niruquin ca camaxunbi Jesús buánxun Pilátonu buáncëxa.

Lucas 23:12

Usa ꞌain ca ꞌitsa baritia abë nishanancë ꞌaíshbi a nëtë́nbi sinanati Pilátobë Herodes nuibanancëxa.

Lucas 3:1

Tiberio anun Romanuxun ꞌapu ꞌimicancë nëtëa quince baritia ꞌicëbë ca Poncio Pilato Judea menu ꞌicë unicaman ꞌapu ꞌiacëxa. Usai ꞌimainun ca Herodes Galilea menu ꞌicë ꞌapu ꞌiacëxa. ꞌImainun ca Herodesnën xucën, Filipo, ax Iturea me ꞌimainun Traconíte menu ꞌicë ꞌapu ꞌiacëxa. ꞌImainun ca Lisanias cacë uni, ax Abilinia cacë menu ꞌicë ꞌapu ꞌiacëxa.

Juan 18:12

Usa ꞌain ca suntárucama, aín comandante ꞌimainun judíos unibunën xucë policía acaman bixun Jesús nëacëxa.

Juan 18:24

Usa ꞌain ca Anásnën, Jesús nëamitancëxun policíacama sacerdotenën cushicaman ꞌapu, Caifás, anu buántanun quixun xuacëxa.

Juan 18:28

Pëcaracëma ꞌaínshia xabaracë́cëbëtan ca Caifásnën xubunua policíanën Jesús Romanuaxa ucë ꞌapu, Pilato, aín xubunu buáncëxa. Usa ꞌain ca a ꞌapua aín caibuma ꞌain, aín xubunu atsini ꞌuchaxuinsa Pascua nëtën ꞌati ñu pitima ꞌicë quixun sinani judíos unicama anu atsíanma ꞌicën.

Hechos 12:6

Imë́ishi Heródesnën ñucánuan përcaratamainun ca acëñunbi manë risin mëtëcërëcacë ꞌixuan suntáru rabëtan pararuamainun Pedro ꞌuxacëxa. ꞌUxmainun ca an sipu bërúancë suntáru rabë́ribi xëcuë tanáin chiquitin rabanan bërúain niacëxa.

Hechos 21:33

Usocëbë uquin ca Pablo biquin comandantenën aín suntárucama manë risi rabëtan tëcërëcanun quixun cacëxa. Caquin ca ui cara ax ꞌicë quixun ñucánan añu cara ꞌaxa quixun ñucácëxa.

Hechos 22:25

Usaquian comandantenën cacëxuan rishquiminuxun nëamicëxunbi ca Pablonën anua ꞌicë capitán cacëxa: —¿Mitsúnmi románo uni, añu cara ꞌaxa quixun upí oquin cuaxunmashi rishquiti cara asábi ꞌic?

Hechos 22:29

Usaía quia cuaquin ca axa a rishquinux cuaíncëcaman Pablo ëancëxa. Ëncëbë ca comandantenëxribi, románo ꞌaísha quiricañu ꞌicëbi cana Pablo nëamia quixun sinani, racuë́acëxa.

Hechos 24:27

Usaquin rabë́ baritia inúnmi ꞌapu ꞌaíshbi chiquíquin ca Felixnën judíos unicamabë upí ꞌiisa tanquin Pablo sipunubi ëancëxa. Felix chiquícëbë ca bëtsi uni Porcio Festo cacë, ax ꞌapu ꞌiacëxa.

Hechos 28:20

Usa ꞌixun cana mitsu isanan mitsubë banatisa tanquin, ꞌëmi isi unun quixun mitsu camian. Judíos unicaman sináncësaribi oquin cana —bama ꞌaish ca uni baísquiti ꞌicë —quixun sinanin. ꞌËn usaquin sináncë cupí cana manë risi ënën tëcërëcacë ꞌain.

Hechos 3:13

Usama ca. Nucën Papa Dios, aira nucën rara Abraham, Isaac, Jacob acama ꞌimainun nucën raracama ꞌimainun nucën chaitiocëcaman rabia, an ca aín Bëchicë Jesús asaribi cushi ꞌinun ꞌimiaxa. Usa ꞌicëbi camina uni isa ꞌaminun quixun mitsun ꞌapucama ꞌináncan. ꞌInáncëa Pilatonën ëinsa tancëbëbi camina mitsux cuëëncëma ꞌain.

Hechos 4:27

David quiásabi oi ca asérabi ënë ëmanuax Herodesbë Poncio Pilato ꞌimainun judíosma unicama ꞌimainun Israel unicamaxribi, min Bëchicë upíira sinánñu, Jesús, ënë menu unúnmi caísa, ami nishi tsuáquirui timë́axa,

Hechos 9:2

—Damasco ëmanuaxa ax Jesúsmi catamëcë unicama ꞌimainun xanucamaribi bixun nëaxun, Jerusalénu bënun camina quirica ꞌaxun ꞌë ꞌinánti ꞌain. ꞌInáncëxun cana Damasconu cuanxun anua judíos unicama timë́ti xubucamanu cuanquin atu bariti ꞌain.

1 Timoteo 6:13

Nucën Papa Dios, an camabi ñu unio, a ꞌimainun Jesucristo, Poncio Pilatonën ñucácëxun chiquinaquin —ꞌApu ꞌinux cana uacë —quixun cá, ax cuëëncësabi oquin cana mi cain,

2 Timoteo 2:9

A bana ñuixunia oquin ca unin ꞌë sipuaquin tëmëramianan ꞌuchañu uni ꞌacësaira oquin ꞌë manë risin tëcërëcaxa. Usoquin ꞌë ꞌaquinbi ca uinu ꞌicë unínbi Nucën Papa Diosan bana cëñuima. A bana cuati ca ꞌitsa uni Jesúsmi sinania.

Hebreos 13:3

Mitsúxribi atubë sipuacë ꞌaish tëmëracësa ꞌixun camina axa Jesucristonan cupí sipuacë unicama manuquinma a sinánquin ꞌaquinti ꞌain. Mitsúxribi usaribi uni ꞌixun camina —usaribi oquin ca unin ꞌë ꞌati ꞌicë —quixun sinánquin unían bëtsi bëtsi ocë uni a ꞌaquinti ꞌain.

Jueces 15:12

Usakin kakëxunbi ka atunribi kakëxa: —Nukamax kananuna mi filisteo unikama ꞌinánti ñatankin bitsi uan. Kakëxunbi ka Sansónnën kakëxa: —ꞌË kamina sinanátëkëntimokin mitsun kamina ꞌë rëtëtima ꞌai kixun kati ꞌain.