Mateo 26:61 - Kashibo-Kakataibo Biblia

⁶¹ —Ënë unix ca quiaxa: ꞌËn cana anuxun Nucën Papa Dios rabiti xubu rurupatancëxun rabë́ ꞌimainun achúshi nëtë́inshi amiribishi nitsínruquin ꞌatëcënti ꞌain.

Nukën 'Ibu Diosan ain unikama 'inan ain bana

⁶¹ —Ënë unix ca quiaxa: 'Ën cana anuxun Nucën Papa Dios rabiti xubu rurupatancëxun rabë́ 'imainun achúshi nëtë́inshi amiribishi nitsínruquin 'atëcënti 'ain.

Mateo 26:61 ပူးပေါင်းရင်းမြစ်များ

Génesis 19:9

Ësokian kakëxunbi ka unikaman kakëxa: —¡Mix amo nirakëanan kamina min xubunu nu atsímiti ꞌain! Mix ënu ꞌikë uni ꞌixun kaina min kuëënkësokin nu ꞌati ꞌain. ¡Bërí kananuna a unikama ꞌakima mi ꞌatima oti ꞌain! Usakin kakinshi ka Lot xutunkin aín xëpútinubi rakankin ñatankankëxa,

1 Reyes 22:27

Kakin ka ꞌën kana sipunu atsíminun xutin kixun kanan, chukúmaratsushi aín piti pán ꞌinánan ꞌumpaxribi chamaratsushi an xëati ꞌinánun kixun kamiakëxa, ꞌëx ꞌakanan kuatsini ꞌën suntárukamabë uisaibi ꞌikëma utëkëntamainun.

Isaías 49:7

Nukën ꞌIbu an nu bitëkënkë, Israel unikaman Dios upíira ax ka ësai kia, ami sinánkima manukë ëmakama bëtsi ëmanu ꞌikë unikama ami nishkin timakë, unikama ax ꞌapu ꞌixun ñu mëëmia a unikama ñui ka ësai Dios kiaxa: “Uínsaran kara ꞌapukama ꞌimainun aín kushikama mi isia anun ka nirukianx rantipuruni mi tanain tsóbuti ꞌikën, ꞌëx Israel unikaman Dios upíira ꞌixun kana ꞌën mitsu kaisa ꞌixun ꞌëx kikë usabi okin ꞌati ꞌain.”

Isaías 53:3

usa ꞌikë ka unikaman istisamatankin timakanti ꞌikën. Ax ka achúshi uni ꞌitsaira paë tani tëmërakin masánuitukinbi tënëkin ꞌaxëkë ꞌiaxa. Usa ꞌikë ka a unin istisama tankë unisa ꞌikë kamaxunbi usa ka; ax ꞌikë kixun nukaman ꞌunánma ꞌain.

Mateo 12:24

Jesusan usoquin ñu ꞌaia ñuicania cuati ca fariseo unibunëx quiacëxa: —Ñunshin ꞌatimanën ꞌapu, Beelzebú, an ꞌamicëxuinshi ca ënë unin ñunshin ꞌatima chiquinia.

Mateo 26:62

Usaía quicëbë niruquin ca judíos sacerdotenën cushicaman ꞌapu an Jesús cacëxa: —¿Mi ñuia quicancëbëtanbi caramina nu uisaquinbi caiman? ¿Uisai qui cara ësai mi ñui quicanin?

Mateo 26:71

Usaquin cabianía ëman cuancëbëtan ca xanu itsi, anribia ꞌapu ñu mëëxuncë, an a ꞌurama ꞌicë unicama cacëxa: —Ënë unix ca Jesús, Nazaretnu ꞌicë uni, abë ꞌiaxa.

Mateo 27:40

unicaman Jesús cacëxa: —Mix camina: ꞌËn cana anuxun Nucën Papa Dios rabiti xubu rurupatancëxun rabë́ ꞌimainun achúshi nëtë́inshi amiribishi nitsínruquin ꞌatëcënti ꞌai quiax quian. Usa ꞌaish ca min cushínbi ië́t. Mix Nucën Papa Diosan Bëchicë ꞌaish ca ië́nux i curúsocënuax ꞌibút.

Mateo 27:5

Usoquian cacancëxun curíquicama anuxun Nucën Papa Dios rabiti xubunuxun pubiani cuanx ca Judas axbi tëtsë́qui bamacëxa.

Marcos 14:58

—Nun cananuna ësai quia ënë uni cuan: ꞌËn cana anuxun Nucën Papa Dios rabiti xubu unin ꞌa, ënë rurupatancëxun rabë́ ꞌimainun achúshi nëtë́inshi amiribishi bëtsi ꞌatëcënti ꞌain, unin ꞌacëma ꞌinun.

Marcos 15:29

Usa ꞌain ca anua matáscë anun cuanquin a isi tëncëti ami ꞌatimati banaquin unicaman Jesús cacëxa: —Mix camina, ꞌën cana anuxun Nucën Papa Dios rabiti xubu rurupatancëxun rabë́ ꞌimainun achúshi nëtë́inshi amiribishi nitsínruquin ꞌatëcënti ꞌai quiax quian.

Lucas 23:2

Buanx bëbax aín bëmánon ꞌixun ca Jesús ñuiquin ësaquin Pilato cacëxa: —Ënë unían judíos unicama nun caibu bëtsi oquian sinánun quixun ꞌunánmia cananuna nunbi cuan. Nun nu a César buánmiti curíqui ꞌinánxunma ꞌanun nu canan ca ax isa Cristo ꞌaish ꞌapu ꞌicë quiaxa.

Juan 9:29

Nun cananuna ꞌunan, Moisésbë ca Nucën Papa Dios banacëxa. Usa ꞌixunbi cananuna uinuax cara a uni uaxa quixun ꞌunaniman.

Hechos 17:18

Cananmainun ca raíri unicama usa isa uni ꞌiti icë quixun epicúreo cacë unicaman bana ñuia cuacë, ꞌimainun estoico cacë unicamanribia bëtsi bana ñuia cuacë, a unicamaxribi uax Pablobë banacëxa. Abë banatancëx ca raírinëx quiacëxa: —¿Añu cara banañuira ꞌixun ënë unin nu ñuixuinsa tanin? Quicëbë ca raírinëx Pablonëan Jesús ñuianan —bama ꞌaish ca uni baísquiti ꞌicë —quixun cacëxun cuax quiacëxa: —Nun rabicë diosma, bëtsi dios ñui sapi ca quia.

Hechos 18:13

Buánxun ca Galión ꞌimainun abë ꞌicë unicama cacëxa: —Ënë unin ca usai judíos unicama ꞌiti Moisésnën cuënëo bana quicësama oquin Nucën Papa Dios rabinun quixun unicama caia.

Hechos 22:22

Usaquian Pablonën ñuixuncëxun pascësarua ꞌaish sëtë́xun cuatibi ca judíosma unicama ñuia quia cuati sharatëcëni quicancëxa: —Ënë uni ca bamati ꞌicën, ꞌaíma ꞌinun.