Mateo 26:53 - Kashibo-Kakataibo Biblia

⁵³ ¿Caramina ꞌunaniman, ꞌën cana ꞌën Papa aín ángelcama ꞌë ꞌaquinun xunun ñucáquin cati ꞌain? ꞌËn ñucácëxun ca aín ángelcama uitishi cara ꞌë ꞌaquinun bëríbi xuti ꞌicën.

Nukën 'Ibu Diosan ain unikama 'inan ain bana

⁵³ ¿Caramina 'unaniman, 'ën cana 'ën Papa aín ángelcama 'ë 'aquinun xunun ñucáquin cati 'ain? 'Ën ñucácëxun ca aín ángelcama uitishi cara 'ë 'aquinun bëríbi xuti 'icën.

Mateo 26:53 ပူးပေါင်းရင်းမြစ်များ

2 Reyes 6:17

Ësokin katankëxun ka Eliseonën Dios ësokin abë banakin kakëxa: “ꞌËn kana ësokin mi ñukatin, ꞌËn ꞌIbu an ꞌë ñu mëëxunkë uni kamina bërí min ismiti ꞌain.” Kixun kakëxun ka Diosan Eliseo an ñu mëëxunkë uni ismiakëxa, ismikëxun ain bashikama anua Diosan suntárukaman tsi rëkirukësa ꞌixun bëararakë isakëxa.

Daniel 7:10

usa ꞌain ka tsi ërë́rukë ax ka achúshi baka iskësa ꞌaish a bëtánain chikíaxa. Usa ꞌain ka miles ꞌimainun miles unikaman ñu mëëxumainun, millones ꞌimainun millones unikama a bëtánain sëtë́kë ꞌiaxa, anuxun ka a bana usai anu sëtë́kankë ꞌain bana ñuikin pëukin kirika, anua usai uni ꞌikë kuënëokë akamaribi bakakë ꞌiaxa.

Mateo 25:31

Usaquin catancëxun ca Jesusan aín uti nëtë ñuixuntëcënquin ësaquinribi aín ꞌunánmicë unicama cacëxa: —Uni ꞌinux Nucën Papa Diosnuax uá ꞌaish ꞌën cushínbi utëcëanx cana ꞌApuira ꞌinuxun ꞌain. Usa ꞌain ca ꞌëbë ꞌën ángelcamaribi ꞌiti ꞌicën.

Mateo 4:11

Usoquian cacëx ca ñunshin ꞌatimanën ꞌapu Jesús ëbiani cuancëxa. Cuancëbëtan ca Nucën Papa Diosan ángelcaman uxun Jesús ꞌaquiancëxa.

Marcos 5:15

Riquianx anua Jesús ꞌicë anu bëbaquin ca a uni anua ꞌaisamaira ñunshin ꞌatima ꞌiá, a an isásama ꞌaish, chupa pañuax sinan mëníñushi ꞌaish tsócë isacëxa. Usa ꞌicë a uni isi ca racuë́cancëxa.

Marcos 5:9

Cacëxun ca Jesusan ñucácëxa: —¿Uisa cara min anë ꞌic? Quia ca cacëxa: —Nuxnu ꞌitsa ꞌain ca ꞌën anëx ꞌËxcuira ꞌicën.

Lucas 8:30

Cacëxun ca Jesusan ñucácëxa: —¿Uisa cara min anë ꞌic? Quia ca anu atsíncë ñunshin ꞌatimanëan ꞌitsaira ꞌixun quimicëxun a unin cacëxa: —ꞌËx cana ꞌËxcuira caquin anëcë ꞌain.

Juan 10:18

ꞌËx cuëëniama ca unin ꞌë bamamitima ꞌicën. Bamatsianxmabi cana ꞌëxbi cuëëncë cupí bamati ꞌain. ꞌËx cuëëncë cupí cana bamati ꞌain, bamatancëx cana baísquitëcënti ꞌain. Usai ꞌinun ca ꞌën Papan ꞌë caxa.

Juan 18:36

Cacëxun ca Jesusan cacëxa: —Ënë nëtënu ꞌicë ꞌapu ꞌinux cana uáma ꞌain. ꞌËx ënë nëtënu ꞌicë ꞌapu ꞌain ca judíos unicaman ꞌë bitima cupí ꞌën unicama atubë ꞌacanantsianxa. Usa ꞌain cana ënë nëtënu ꞌicë ꞌapu ꞌinux uáma ꞌain.

2 Tesalonicenses 1:7

Usoquin ꞌanan aín ángelnën cushicamabëtan, tsi rëquirucësa ꞌixuan pëcacë nëbë́tsi, Nucën ꞌIbu Jesús naínuax ucëbëtan, an nucëñun unían tëmëramicë ꞌicëbi mitsu chuámarua ꞌimiti ca asábi ꞌicën.

Judas 1:14

Ax pain unia nucën rara Adán aín rëbúnqui nucën rara Enoc, ax ca Nucën Papa Diosan sinánmicëx usa uni ñui ësai quiacëxa: “ꞌËn iscëx ca Nucën ꞌIbu Dios camabi ꞌaisamaira aín uni upícaman nëpúamainun uaxa.