Mateo 26:52 - Kashibo-Kakataibo Biblia

⁵² Pabíscaiabi ca Jesusan cacëxa: —Min manë xëtocë a ca aín xacánu ꞌarutëcën. Axa manë xëtocën ꞌacanancë unicama ax ca anúnribi ꞌacë ꞌiti ꞌicën.

Nukën 'Ibu Diosan ain unikama 'inan ain bana

⁵² Pabíscaiabi ca Jesusan cacëxa: —Min manë xëtocë a ca aín xacánu 'arutëcën. Axa manë xëtocën 'acanancë unicama ax ca anúnribi 'acë 'iti 'icën.

Mateo 26:52 ပူးပေါင်းရင်းမြစ်များ

Génesis 9:6

Uin kara bëtsi uni ꞌaia, aka bëtsi unínribi ꞌati ꞌikën. Unix ka Nukën ꞌIbu Diosan a iskësabi okin unio ꞌikën usa ꞌain.

Mateo 5:39

Usai quiá ꞌaínbi ꞌën mitsu cain, mitsua ꞌatimocëxunbi camina ami nishquin cupiquin ꞌatimotima ꞌain. Usoquin ꞌaquinma camina mitsua mëqueu bëtáshcacëxun ꞌaisa tania amoribia mitsu bëtáshcanun ꞌamiti ꞌain.

Romanos 12:19

ꞌËn xucë́antu, axa mimi nishcë uni camina mitsúnribi cupitima ꞌain, ësaía Nucën Papa Diosan bana cuënëo quicë cupí: “Uix cara ꞌuchaia a cana ꞌënbi usaribi oquin cupiti ꞌain”. Usa ꞌain camina unin mitsu ꞌatimocëxunbi, Nucën Papa Diosainshi ca cupiti ꞌicë quixun sinánti ꞌain.

1 Tesalonicenses 5:15

Mitsu uinu ꞌicënbi camina bëtsi uni mimi nishquian ꞌatimocëxun ami nishquin aribi cupiquin nishananquintima ꞌain. Usai ꞌima bëtsibë bëtsibë ꞌaquiananquin camina camabi uni ꞌaquinti ꞌain.

1 Pedro 3:9

An mitsu ꞌatimocë unicama camina cupiquin aribi ꞌatimotima ꞌain. Axa mitsumi ꞌatimati banacë unimi camina mitsúxribi ꞌatimati banatima ꞌain. Usai ꞌimi bëtsibë nuibanani upitax bucunun ca Nucën Papa Diosan ainan ꞌinun mitsu caísacëxa.

Apocalipsis 13:10

Uicaman cara uni itsi sipuanun ꞌinania, acamaxribi ca sipuacë ꞌiti ꞌicën. An uni itsi manë xëtocën ꞌacë uni, a ca bëtsi unínribi usaribi oquin ꞌati ꞌicën. Usa ꞌaínbi ca axa Nucën Papa Diosmi catamëcë unicaman uisai cara ñu ꞌicëbëtanbi Nucën Papa Diosmi sinánti ëntima ꞌicën.

Apocalipsis 16:6

Minmi usoquin tëmëramicë unicama an ca min uni ꞌitsaira ꞌanan an mixmi quicë bana uni ñuixuncë uni ꞌitsaira bamamiaxa. Usaquian ꞌacë cupí camina a xëanun imi ꞌinan. Atun ꞌucha cupíbi ca usai ꞌia.