Mateo 26:32 - Kashibo-Kakataibo Biblia

³² Usai ꞌitancëxmi mitsux cuainsama pain ꞌain cana ꞌëx pain baísquiquiani Galileanu cuaunti ꞌain.

Nukën 'Ibu Diosan ain unikama 'inan ain bana

³² Usai 'itancëxmi mitsux cuainsama pain 'ain cana 'ëx pain baísquiquiani Galileanu cuaunti 'ain.

Mateo 26:32 ပူးပေါင်းရင်းမြစ်များ

Mateo 16:21

Ësaquin caquin sënë́ontancëxun ca aín bamati ñuixuntabaquin Jesusan aín ꞌunánmicë unicama ësaquin cacëxa: —ꞌËn Papa Dios cuëëncësabi oi cana Jerusalénu cuanin. Cuanx bëbacë ca anu ꞌicë uni apáncamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax ꞌën bana cuaisama tani ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ nëtë ꞌiónxa pëcaracëbë baísquiti ꞌain.

Mateo 20:19

judíosma unicaman ꞌanun ꞌë ꞌinánti ꞌicën. ꞌË bëtsi bëtsi onan ꞌëmi cuaianan ꞌë mëëtancëxun ꞌëx bamanun i curúsocënu matásnun ca judíos unicaman ꞌë judíosma unicama ꞌinánti ꞌicën. Usoquian ꞌë ꞌacëx cana bamatancëx rabë́ nëtë ꞌiónxa pëcaracëbë baísquiti ꞌain.

Mateo 26:33

Usaía quia ca Pedronën cacëxa: —Raírinëxa mi ëbiani axa mimi nishcë unicamami racuëti abácëbëbi cana ꞌëxëshi mi ëbiani abátima ꞌain.

Mateo 28:10

Rabicëxun ca Jesusan cacëxa: —Racuë́axma ca ꞌit. Cuanxun camina Galileanua cuanun ꞌën xucë́antu cati ꞌain. Anuxun ca ꞌë isti ꞌicën.

Mateo 28:16

Angelnën cacësabi oi cuanxúan xanucaman cacëx ca Jesusan ꞌunánmicë uni mëcën rabë́ ꞌimainun achúshi, acamax Galileanu ꞌicë matá me anu cuancëxa, anu cuanúan Jesusan cacë anu.

Marcos 14:28

Usai ꞌitancëxmi mitsux cuainsama pain ꞌain cana ꞌëx pain baísquiquiani Galileanu cuanti ꞌain.

Marcos 16:7

Isbiani cuanxun camina Pedrocëñun aín ꞌunánmicë unicamaribi ësaquin cati ꞌain: Ax pain ca Galilea menu cuania. Mitsúnribi camina cuantancëxun anua a isti ꞌain, an mitsu cacësabi oquin. Usaquin camina aín ꞌunánmicë unicama cati ꞌain.

1 Corintios 15:6

Usai ꞌitancëx ca ꞌaisamaira, quinientos uni timë́cë acamamiribi chiquiracëacëxa. A unicamax ca raíri bamacëxa. Aín patsanëx ca bamacëma paín ꞌaish tsotia.