Mateo 26:29 - Kashibo-Kakataibo Biblia

²⁹ ꞌËn cana mitsu cain, ësa uvas baca cana ënuxun ꞌatëcëniman. ꞌËn Papan nëtë anua axa aín unicaman ꞌApu ꞌicë, anuxun cuni cana mitsubëtan ꞌatëcënti ꞌain.

Nukën 'Ibu Diosan ain unikama 'inan ain bana

²⁹ 'Ën cana mitsu cain, ësa uvas baca cana ënuxun 'atëcëniman. 'Ën Papan nëtë anua axa aín unicaman 'Apu 'icë, anuxun cuni cana mitsubëtan 'atëcënti 'ain.

Mateo 26:29 ပူးပေါင်းရင်းမြစ်များ

Hebreos 12:2

Jesús, a cupí nux ami catamëcë ꞌaish ainan ꞌianan asaribi upí ꞌaish aín nëtënu abë ꞌiti, ax ꞌiásaribiti ꞌinuxun cananuna uisai cara ax ꞌiacëxa quixun sinánti ꞌain. ꞌUchañuira uni ꞌacësa oquin ca unin i curúsocënu a matásti ꞌicë quixun ꞌunánxbi ca ënë menu uacëxa, —ënë ñucama inúcëbë unicama upí ꞌiti mëníotancëx cana ꞌën Papa Diosbë ꞌi cuëëntëcënti ꞌai —quixun ꞌunani. Usai bamax baísquia ꞌaish ca Nucën Papa Diosan nëtënu abë ꞌApu ꞌicën.

Marcos 14:25

Asérabi cana mitsu cain, ënuxun cana uvas baca ꞌatëcëniman. Nucën Papa Dios anua ax aín unicaman ꞌApu ꞌicë, anuxun cuni cana ꞌatëcënti ꞌain.

Salmos 40:3

Usa ꞌikë ka anun a rabi kantanun ꞌë Diosan kanta ió achúshi ꞌunánmiakëxa. Usai ꞌëx ꞌia isi ka ꞌitsaira unix kuëëni chikirakëkin Nukën ꞌIbu rabiakëxa.

Hechos 10:41

Jesús baísquicëbi ca camabi uníinra isama ꞌicën. Nun cuni cananuna Nucën Papa Diosan, Jesús ñuiquin unicama bana ñuixunun bëráma caísa ꞌixun, baísquicë isanan abëtan pianan xëacën.

Juan 17:13

Bërí cana anu mi ꞌicë anu cuanin. Ënë nëtënuax cuancëma pan ꞌixun cana atu ꞌëx ꞌicësaribitia chuámarua tani cuëënun atun cuamainun mi ñucáxunin.

Mateo 13:43

Usai ꞌicëbë ca barin uruquian pëcacëxa upí ꞌicësaribiti an Nucën Papa Diosan bana ꞌacë unicamax abë ꞌaish upíira upí ꞌiti ꞌicën. An aín pabitan ënë bana cuacë unin ca aín nuitunënbi sinánquin cuati ꞌicën.

Apocalipsis 14:3

Acama ciento cuarenta y cuatro mil unicamax ca anun cantacëma, canta iotan cantaxa. A cantax ca anu Nucën Papa Dios ꞌicë a bëmánon ꞌimainun axa bamatimoi tsócë ꞌitsa bëruñu rabë́ ꞌimainun rabë́ ñu, acama ꞌimainun anu ꞌicë caniacëcë unicama mëcën rabë́ ꞌimainun taë rabë́ ꞌimainun rabë́ ꞌimainun rabë́, acaman bëmánauncüaxa cantacë ꞌiaxa. Uinu ꞌicë unínbi ca a canta ꞌunántima ꞌicën, unicama ciento cuarenta y cuatro mil (144,000) a Nucën Papa Diosan ainan ꞌinun ië́micë, acaman cuni ca a canta ꞌunánxa.

Lucas 15:32

Min xucën —ca bamaxa —quixun ꞌën sináncëbëbi ca ꞌëmi bëbaxa. Usa ꞌaish ca nëtë́a ꞌaíshbi bërí nubë ꞌicën. Usa ꞌaían cuëënquin picánti ca asábi ꞌicën.

Lucas 12:32

Ësaquinribi ca Jesusan aín ꞌunánmicë unicama cacëxa: —Mitsux camina ꞌënan ꞌain. Usa ꞌaish ꞌitsairama ꞌaínbi ca mitsux ainan ꞌianan aín nëtënu abë ꞌiti Nucën Papa Dios cuëënia. Usaquin ꞌunani camina racuë́tima ꞌain.

Isaías 53:11

Usai pain ꞌitsaira tëmëratankëxun ka asérabi kana Diosan kakësabiokin ꞌan kixun ꞌunani kuëënti ꞌikën; usa ꞌain ka Nukën ꞌIbun ka upí ꞌixun ꞌitsaira uni ië́miti ꞌikën, ꞌianan ka unikama ꞌatima ñu ꞌai ꞌuchakë kupín ainansa ꞌain, anun tëmërati ꞌikën.

Juan 15:11

ꞌËx ꞌicësaribitimi mitsúxribi chuámarua tani cuëëni bucucanun cana ënë banacama ñuixunquin mitsu cain.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Mateo 16:28

ꞌËn cana asérabi mitsu cain, axa ënu ꞌëbë ꞌicë uni raírinën ca bamacëma pain ꞌixun, uni ꞌinux Nucën Papa Diosnuax uá ꞌicë, ꞌëx cana asérabi ꞌën unicaman cushi ꞌai quixun isti ꞌicën.

Zacarías 9:17

¡Upíira upí ka anu aín unikama ꞌiti ax ꞌikën! Usa ꞌain ka aín trigo bimi ꞌitsaira ꞌimainun a xëati uvas baka ꞌaisamaira ꞌikëbë aín bakë bëchikë ꞌimainun ꞌini bëchikë kama upí ꞌinun kanikanti ꞌikën.

Salmos 104:15

usakin ꞌaia ain bimi pi kushiirabu ꞌianan ka uvas baka xëai kuëëni, ain bëmánan upí ꞌinun ꞌikë ax xënin ꞌikësamaira ꞌinun chábachábaki ꞌia.

Juan 16:22

Usaribiti camina mitsux bërí masá nuitutin, ꞌaíshbi camina ꞌë istëcëni cuëënquin chuámashirua tanti ꞌain, uinu ꞌicë unínbi sinanamitisama oi.

Mateo 25:34

Usai ꞌitancëxun cana ꞌëx ꞌApuira ꞌixun axa ꞌën mëqueu ꞌicë unicama cati ꞌain: ꞌËn Papa Diosan ca mitsu upí oquin sinánxunia. Mecama ꞌimainun anu ꞌicë ñucama unioquin ca an mitsu sinánxunquin anu mitsux abë ꞌiti mëníocëxa. Ax quiásabi oi camina bërí anu ꞌiti ꞌain.

Mateo 26:28

ꞌËn imi ꞌapati ꞌëx bamacë cupí ca ꞌaisamaira unix aín ꞌuchacama tërë́ncë ꞌaish Nucën Papa Diosnan ꞌiti ꞌicën. Ënëx ca a ꞌapati ꞌëx bamati a ꞌicën.

Mateo 26:30

Nucën Papa Dios rabi cantatancëx ca Jesúsbë aín ꞌunánmicë unicama Olivos cacë matánu cuancëxa.