Mateo 26:24 - Kashibo-Kakataibo Biblia

²⁴ Asérabi Nucën Papa Diosan bana cuënëosabi oi cana uni ꞌinux anuax uá, ꞌëx bamati ꞌain. Usa ꞌaínbi ca an ꞌatimonuxun binun uni ꞌë ꞌináncë uni, ax ꞌuchañuira ꞌaish uisoquin cara ꞌati ꞌicë usoquian Nucën Papa Diosan ꞌacë ꞌiti ꞌicën. Usai ꞌitima cupí ax unitima ca ꞌiacëxa.

Nukën 'Ibu Diosan ain unikama 'inan ain bana

²⁴ Asérabi Nucën Papa Diosan bana cuënëosabi oi cana uni 'inux anuax uá, 'ëx bamati 'ain. Usa 'aínbi ca an 'atimonuxun binun uni 'ë 'ináncë uni, ax 'uchañuira 'aish uisoquin cara 'ati 'icë usoquian Nucën Papa Diosan 'acë 'iti 'icën. Usai 'itima cupí ax unitima ca 'iacëxa.

Mateo 26:24 ပူးပေါင်းရင်းမြစ်များ

Génesis 3:15

ꞌËn kana mixmi xanubë nishananun ꞌimiti ꞌain, ꞌën ꞌimikëx ka min rëbúnki ꞌimainun xanun rëbúnki nishananti ꞌikën. Aín rëbúnkinën ka min maxkánu mi amánuxun ꞌaia, ꞌakëxun kamina aín taë tsipútunu ꞌanuxun ꞌain.

Daniel 9:26

Usai sesenta ꞌimainun rabë́ semana ax ꞌinúkë ꞌain ka Diosanbia kaískë ꞌapu ax ꞌakë ꞌiti ꞌikën. Usa ꞌain ka Jerusalén ꞌimainun anuxun Dios rabikë xubu ax masókë ꞌiti ꞌikën. Achúshi ꞌapun ka aín suntárukamabë uxun ꞌatima okin masóti ꞌikën. Usakin ꞌakëx ka bakan ꞌishi kuatsinkin ñu mapurukë usaribi ꞌiti ꞌikën. Usa ꞌain ka uni ꞌakanankin ñu ꞌatima okin masókë ax usai ka ꞌiti ꞌikë kixun Diosan nankësabi oi ꞌiti ꞌikën.

Mateo 18:7

Ësaribiti ca ꞌia. Bëtsi unían ñu ꞌatima ꞌanun sinánmicëxun ꞌai ca uni aín ꞌucha cupí ꞌitsaira tëmëraia. Camabi unix ca ñu ꞌatima ꞌanun quixuan bëtsi unin sinánmicë ꞌicën. Usa ꞌaínbi ca an bëtsi uni ꞌatima ñu ꞌamicë ax ꞌuchañuira ꞌaish ꞌaisamaira oquin castícancë ꞌiti ꞌicën, aín ꞌucha cupí.

Mateo 26:31

Anu cuantancëxun ca Jesusan aín ꞌunánmicë unicama cacëxa: —Unin ꞌë bicëbë camina mitsux racuëti abati tsuáquiti ꞌain, Nucën Papa Diosan bana cuënëo ësai quicësabi oi: “An carnero bërúancë uni ꞌën ꞌacëbë ca carnerocamax abati tsuáquiti ꞌicën”.

Mateo 26:54

An aín ángelcama ꞌë ꞌië́minun xucëbë cana bamatima ꞌain. Usa ꞌaínbi cana ꞌëx aín bana quiásabi oi ꞌiisa tancë cupí an aín ángelcama xunun caiman.

Mateo 26:56

Anuxun ꞌë bixunmabimi mitsun bërí ꞌë bicë ënëx ca asérabia an Nucën Papa Dios quicë bana uni ñuixuncë unin cuënëo bana quicësabi oi ꞌia. Usoquian atu caia cuabiani ca aín ꞌunánmicë unicamax Jesús ëbiani abácëxa.

Marcos 14:21

Asérabi Nucën Papa Diosan bana cuënëosabi oi cana uni ꞌinux anuax uá, ꞌëx bamati ꞌain. Usa ꞌaínbi ca an ꞌatimonuxun binun uni ꞌë ꞌináncë uni, ax ꞌuchañuira ꞌaish uisoquin cara ꞌati ꞌicë usoquian Nucën Papa Diosan ꞌacë ꞌiti ꞌicën. Usai ꞌitima cupí ax unitima ca ꞌiacëxa.

Marcos 9:12

Cacëxun ca Jesusan cacëxa: —Elías ax pain ca uti ꞌicë quicë bana ax ca asérabi ꞌicën. Uxun ca unicama Nucën Papa Diosmia sinánun sinánmiti ꞌicën, usai quicë bana ca asérabi ꞌicën. ¿Usa ꞌaínbi cara axa Nucën Papa Diosnuax uni ꞌinux uá a ñuicë bana uisai quin? Ca quia, ax ca unin bëtsi bëtsi ocëx tëmërati ꞌicën.

Lucas 22:22

Nucën Papa Diosan mëníosabi oi cana uni ꞌinux anuax uá, ꞌëx bamati ꞌain. Usa ꞌaínbi ca an ꞌatimonuxun binun uni ꞌë ꞌináncë uni, ax ꞌuchañuira ꞌaish uisoquin cara ꞌati ꞌicë, usoquian Nucën Papa Diosan ꞌacë ꞌiti ꞌicën.

Lucas 24:46

ꞌUnánmiquin ca ësaquin cacëxa: —Ësai ca a bana quia, Cristo ca bamatancëx rabë́ ꞌiónxa pëcaratëcëncëbë baísquiti ꞌicën.

Juan 17:12

Ënë nëtënu atubë ꞌixun cana minmi ꞌë ꞌináncë unicama min cushínbi bërúan. ꞌËn bërúancëxun ca acama achúshinënbi ꞌëmi sinánti ëncëma ꞌicën. Usa ꞌaínbi ca achúshi uni axa usai ꞌiti ꞌia, an cuni ꞌëmi sinánti ëanxa, a ñuia min bana cuënëo quicësabi oquin.

Juan 19:24

a bitsi canancëxa: —Tucatima ca. Uin cara a tari biti ꞌicë quixun isti cananuna ñuratsu pain niquin tanti ꞌain. Nucën Papa Diosan bana cuënëo, axa ësai quiásabi oquin ca suntarucaman ꞌacëxa: “Ñuratsu pain niquin tantancëx ca ꞌën chupacama mëtícananxa”.

Juan 19:28

Usa ꞌain ca Jesus, ꞌën ꞌati ñucama cana cëñua quixun ꞌunani Nucën Papa Diosan bana cuënëo quicësabi oi, —cana shimain —quiacëxa.

Hechos 2:23

Usoquian ñu ꞌacëbi camina mitsun unían ꞌináncëxun bixun ꞌaisama uni rabë́cëñun i curúsocënu matásmitancëxun bamamian. Usai ca ꞌiti ꞌicë quixuan, ënë nëtë unitisama pain ꞌain Nucën Papa Diosan mëníosabi oi ca ꞌiaxa.

Hechos 28:23

Usa ꞌain ca a nëtë́an Pablonën bana ñuia cuacatsia quicë a nëtën ꞌaisamaira uni anua Pablo ꞌicënu uacëxa. Aía timëtia ca bari xamárutamainun ñuixuanan xupíopaquinribi bana ñuixuancëxa. Bana ñuixunquin ca uisari cara uni Nucën Papa Diosnan ꞌiti ꞌicë quixun canan —Moisés ꞌimainun an Nucën Papa Dios quicë bana uni ñuixuncë unicamaxribia, axa uti Cristo a ñui quiásabi oi ca Jesús uacëxa —quixun ñuixuancëxa.

Hechos 4:28

usai ca ꞌiti ꞌicë quixunmi mëníosabi oi ca usai ami ꞌiaxa.

1 Corintios 15:3

Jesusan aín bana ñuixunun caíscë unicaman ꞌë unánmicë bana, a paínmi ꞌunánun quixun cana ësaquin mitsu cacën: Nun ñu ꞌaisama ꞌacë nu tërë́nxunux ca Cristo bamacëxa. Usai ca ꞌiti ꞌicë quiax ca Nucën Papa Diosan bana cuënëo quia.