Mateo 26:18 - Kashibo-Kakataibo Biblia

¹⁸ Cacëxun ca Jesusan cacëxa: —Ëma ꞌuri cuantancëx bëbaquin camina ꞌën mitsu a ñuiquin cacë uni a ësoquin cati ꞌain: An nu ꞌunánmicë uni an ca ësaquin mi canun nu caxa, Anúan bamanun ꞌë bicanti nëtë ca uaxa. Usa ꞌain cana min xubunuxun pain ꞌën ꞌunánmicë unicamabëtan Pascua nëtën piti ñu piti ꞌain.

Nukën 'Ibu Diosan ain unikama 'inan ain bana

¹⁸ Cacëxun ca Jesusan cacëxa: —Ëma 'uri cuantancëx bëbaquin camina 'ën mitsu a ñuiquin cacë uni a ësoquin cati 'ain: An nu 'unánmicë uni an ca ësaquin mi canun nu caxa, Anúan bamanun 'ë bicanti nëtë ca uaxa. Usa 'ain cana min xubunuxun pain 'ën 'unánmicë unicamabëtan Pascua nëtën piti ñu piti 'ain.

Mateo 26:18 ပူးပေါင်းရင်းမြစ်များ

Mateo 21:3

Mitsúnmi tubuia isquian bëtsi unin mitsu ñucácëxun camina cati ꞌain: Nucën ꞌIbun ca ënë burra aín tuácëñun a buánxunun quixun nu caxa. Bënë́nquinshi ca mi bëmitëcënti ꞌicën. Cacëxuinshi ca mitsu cati ꞌicën: Ca buántan.

Mateo 23:10

ꞌËx Cristo ꞌaish cana ꞌëxëshi mitsun ꞌIbu ꞌain. Usa ꞌain camina, mix camina aín ꞌibu ꞌai quixuan bëtsi uni mitsu canun quitima ꞌain.

Mateo 23:8

Atúxa usai ꞌicëbëbi camina mitsux unían usaquin mitsu cati cuëëntima ꞌain. Mitsux camina xucë́onanti ꞌain. Mitsux camina achúshi ꞌibuñushi ꞌain, ax ca Cristo ꞌicën.

Mateo 26:19

Usaquian cacëx cuanxun ca aín ꞌunánmicë unicaman an cacësabi oquin an ñuicë xubu mëraxun anuxun Jesúsbëtan piti ñucama mëníocëxa.

Mateo 26:2

—Camina ꞌunanin, rabë́ nëtë ꞌicëbë ca Pascua anun carnero ꞌati nëtë ꞌiti ꞌicën. A nëtën ca unían binun uni itsin ꞌë ꞌinánti ꞌicën. ꞌInáncëxun ca i curúsocënu bamanun ꞌë matásti ꞌicën. Usaquin ca Jesusan aín ꞌunánmicë unicama cacëxa.

Mateo 26:49

Usaquian unicama cacësabi oquin ca anua Jesús ꞌicë anu bëbaquin Judas Iscariotenën ax pain anu cuanquin ¿ënu caina ꞌain? —caquin Jesús bëtsucucacëxa.

Marcos 5:35

Usaquian Jesusan cacëbëtanbi ca aín xubunuax uquin unin anua judíos unicama timë́ti xubunu ꞌicë ꞌapu, Jairo, a cacëxa: —Min bëchicë ca ñuaxa. Ca ꞌaíma ꞌicën. Usa ꞌain ca Jesús ñancábi buánxunma ꞌat.

Lucas 22:53

Camabi nëtën anuxun Nucën Papa Dios rabiti xubunu mitsubë ꞌiabi camina uisa ꞌixunbi ësoquin ꞌë bicáncëma ꞌain. Bërími mitsun ësoquin ꞌanun ca Nucën Papa Diosan mitsu ëanxa, ñunshin ꞌatimanën ꞌapun cushínbi camina ësoquin ꞌë ꞌain.

Juan 11:28

Usaquin cabiani aín xubunu cuanquin ca Martanën aín xucën María amo nitsinaxun munu cacëxa: —Unu ca Jesús ꞌicën, ca uaxa. Mi cuanun ꞌën mi canun ca quiaxa.

Juan 12:23

Cacëxun ca Jesusan Felipecëñun Andrés cacëxa: —Uni ꞌinux Nucën Papa Diosnuax uá ꞌaish cana ꞌëx bamatancëx baísquiti ꞌain. A nëtë ca bërí ꞌurama ꞌicën.

Juan 13:1

Pascua anun carnero ꞌati nëtëa ꞌicëma pan ꞌain ca Jesusan ꞌunáncëxa, anúan ënë menuax aín Papanu cuanti nëtë ca ꞌuramatia quixun. Jesusan ca ënë menuxuan aín bana cuacë unicama camabi nëtën upí oquin nuibacëxa. Usa ꞌain ca Jesús ax an atu nuibacë cupí bamaia aín unicaman —asérabi nu an nuibati ca usai bamaia —quixun ꞌunánti nëtë ꞌuramacëxa.

Juan 17:1

Usaquin aín ꞌunánmicë unicama caíshi manámi bësui abë banaquin ca Jesusan aín Papa cacëxa: —Papan, unían ꞌë ꞌati nëtë ca uaxa. Min camina ꞌëx, min Bëchicë ꞌicë, bamacëbi ꞌë baísquimiti ꞌain, ꞌë rabiquian camabi unin mix camina asérabi cushiira ꞌai quixun ꞌunánun.

Juan 20:16

Cacëxun ca Jesusan cacëxa: —María —ësaquinshi. Cacëx cuainacëquin ca Maríanën ratúquin, hebreo banan —Raboni —cacëxa. A banax ca an uni ñu ꞌunánmicë qui quicë ꞌicën.

Juan 7:30

Usaquian cacëxun sipuanuxun biisa tanquinbi ca anúan a unin biti nëtëa sënë́ncëma pain ꞌain achúshira unínbi biáma ꞌicën.

Juan 7:6

Cacëxun ca Jesusan cacëxa: —ꞌËn anun usaquin ñu ꞌati nëtë ca ucëma pain ꞌicën. Usa ꞌain ca mitsux cuainsa tani cuantan, camabi nëtëx ca mitsúnmi anun ñu ꞌati asábi ꞌicën.

Juan 7:8

ꞌËx anun anu ꞌiti nëtë ca ꞌicëma pain ꞌicën. Usa ꞌain cana cuaniman. Mitsux ca cuantan.