Mateo 24:44 - Kashibo-Kakataibo Biblia

⁴⁴ Usaribi oquin camina mitsúnribi ꞌë binuxun ꞌëx uti caínti ꞌain. Bërí ca utima ꞌicë quixunmi mitsun sináncëbëbi cana uti ꞌain. Usa ꞌain camina camabi nëtën, aia binuxun ꞌë caínti ꞌain.

Nukën 'Ibu Diosan ain unikama 'inan ain bana

⁴⁴ Usaribi oquin camina mitsúnribi 'ë binuxun 'ëx uti caínti 'ain. Bërí ca utima 'icë quixunmi mitsun sináncëbëbi cana uti 'ain. Usa 'ain camina camabi nëtën, aia binuxun 'ë caínti 'ain.

Mateo 24:44 ပူးပေါင်းရင်းမြစ်များ

Mateo 24:27

Mëríquin ca canacan anúan bari urucë ꞌimainun anúan bari cuabúcë, camabi naicamëꞌëo pëcaia. Usaribi ca uni ꞌinux Nucën Papa Diosnuax uá, ꞌëx utëcënti ꞌiti ꞌicën.

Mateo 24:42

Uisa nëtën carana min ꞌIbu ꞌaish ꞌëx utëcënti ꞌai quixun ꞌunánquinmabi camina upí oquin sinánquin —ꞌën ꞌibu ca uti ꞌicë —quixun ꞌunani cuëënquin caínti ꞌain.

Mateo 24:43

Camina ꞌunanin, uínsaran cara aia quixun ꞌunáncë ꞌixun ca xubuñu unin ꞌuxquinma an ñu mëcamacë uni caíntsianxa. Caíncëx uáxa ñu mëcamanux atsíntisa taniabi ca ꞌuxcëma ꞌixun xubu ꞌibun atsínmitsianma.

Mateo 25:10

Cacë́xa sinánñuma xanucama xënisa ñu bitsi cuancëbë ca an xanu biti uni uaxa. Aía atsíncëbë ca sinánñu xanucamaribi abëtan pinux xubunu atsíanxa. Atsíncëbëtan ca xëcuë xëocatëcëinsama oquin xëpuaxa.

Mateo 25:13

Usaquin catancëxun ca Jesusan cacëxa: —Mitsúnribi camina añu nëtë́inra ꞌianan uínsaran carana ꞌëx utëcënti ꞌai quixun ꞌunánquinmabi —ca uti ꞌicë —quixun sinani cuëënquin ꞌëx uti caínti ꞌain.

Lucas 12:39

Camina ꞌunanin, uínsaran cara aia quixun ꞌunáncë ꞌixun ca xubuñu unin ꞌuxquinma an ñu mëcamacë uni caíntsianxa. Caíncëx uáxa ñu mëcamanux atsíntisa taniabi ca ꞌuxcëma ꞌixun xubu ꞌibun atsínmitsianma.

Lucas 12:40

Usaribi oquin camina mitsúnribi ꞌë binuxun ꞌëx uti caínti ꞌain. Bërí ca utima ꞌicë quixunmi mitsun sináncëbëbi cana uti ꞌain. Usa ꞌain camina camabi nëtën, aia binuxun ꞌë caínti ꞌain.

Lucas 21:36

Usa ꞌain camina ꞌëx uti nëtë caini, ꞌën mitsu cacë ñucama ënë́xa ꞌicëbëbi ꞌëmi catamëti ëníma ꞌëmi cushicë ꞌinuxun, nëtë camabi Nucën Papa Dios ñucáti ꞌain. Usai ꞌi, ꞌëx utëcëncëbë ꞌën bëmánanuax añu ꞌuchañumabi ꞌinuxun camina Nucën Papa Dios ñucáti ꞌain.

Filipenses 4:5

Uisa ñu cara ꞌicëbëbi nishímami upí sinánñu ꞌicëa camabi unin mitsu isti cana cuëënin. Nucën ꞌIbu Jesús anun utëcënti nëtë ca ꞌuramatia.

Santiago 5:9

ꞌËn xucë́antu, Nucën Papa Diosan anun camabi uni aín nuitu ꞌunánquin uisoquin cara ñu ꞌaxa quixun isti nëtë ꞌurama ꞌain, camina mitsúxmi an ꞌuchocëma ꞌinun, uni raíribë ñuianani nishanantima ꞌain.

Apocalipsis 19:7

Cuëëinra cuëënquin a rabinun ca rabican. Anúan a Carnero ꞌicësaribitia unin ꞌucha cupí bama, ax aín unicamabë biránanti nëtë ca uaxa. Aín unicamax ca abë ꞌinux mëníocaxa, unían biti xanúxa aín bënëbë biránanux upiti mëníocacësaribiti.