Mateo 24:14 - Kashibo-Kakataibo Biblia

¹⁴ Uicamax cara ꞌëmi catamëtia acamax ca Nucën Papa Diosan nëtënu ꞌëbë ꞌiti ꞌicë quixun ꞌën mitsu cacë bana ënë ca ꞌën unicaman camabi menu ꞌicë unicaman cuanun ñuixunti ꞌicën. Usaquian camabi menu ꞌicë unicama ñuixuncëbë ca ꞌëx utëcëncëbë ënë mecama cëñúnuxun ꞌaia.

Nukën 'Ibu Diosan ain unikama 'inan ain bana

¹⁴ Uicamax cara 'ëmi catamëtia acamax ca Nucën Papa Diosan nëtënu 'ëbë 'iti 'icë quixun 'ën mitsu cacë bana ënë ca 'ën unicaman camabi menu 'icë unicaman cuanun ñuixunti 'icën. Usaquian camabi menu 'icë unicama ñuixuncëbë ca 'ëx utëcëncëbë ënë mecama cëñúnuxun 'aia.

Mateo 24:14 ပူးပေါင်းရင်းမြစ်များ

Mateo 10:7

Cuanquin camina —anúan Nucën Papa Diosan mitsu ainan ꞌimiti nëtë ca ꞌurama ꞌicë —quixun caquin bana ñuixunti ꞌain.

Mateo 18:19

ꞌËn unicamaxa ꞌëmi sinani timë́cëbë cana ꞌëx atu nëbë́tsi ꞌain. Rabë́ ꞌimainun achúshia ꞌëmi sinani timë́cëbë cana ꞌëx atu nëbë́tsi ꞌain. ꞌImainuan rabëtaxribi timë́cë ꞌain cana ꞌëx atubë ꞌain. ꞌËx atubë ꞌixun cana añu ꞌati cara asábi ꞌicë quixun ꞌunánmiti ꞌain. Usa ꞌain cana ësaquinribi ꞌën mitsu cain, mitsu rabëtan camina uisaínu ꞌiti cara Nucën Papa Dios cuëënti ꞌicë quixun upí oquin sinántancëxun an mitsu ꞌaxunun ñucáti ꞌain. Ñucácëxun ca an mitsúnmi cacësabi oquin mitsu ꞌaxunti ꞌicën.

Mateo 24:3

Usaquin atu cabiani cuanx matá me Olivos cacë anu tsóbutia ca uni ꞌaíma ꞌain, aín ꞌunánmicë unicaman a nëbë́tsioraquin cacëxa: —¿Uínsaran cara mixmi quicësabi oi anuxun Nucën Papa Dios rabiti xubu aín maxáxcama rurupacë ꞌiti ꞌic? ¿Mix anun utëcënti nëtë anúan ënë mecama cëñúti, a nëtëx ca ꞌuramacuatsinia quixun ꞌunánuxun caranuna uisa ñu ꞌia isti ꞌain? A camina nu ñuixunti ꞌain.

Mateo 24:6

Mitsun camina uni itsían —bëtsi menu ꞌicë unicamax ca bëtsibë ꞌacanania —quixun ñuia cuanuxun ꞌain. Cuanan —raíri unicamaxribi ca raíribë ꞌacánania —quixun ñuia cuatibi camina racuë́tima ꞌain. Asérabi ca usai ꞌiti ꞌicën. Usaía ꞌicëbëbi ca ënë mecama cëñúcëma pain ꞌiti ꞌicën.

Mateo 4:23

Usa ꞌain ca Jesusan Capernaúm anuax cuanxun Galilea mecamanuxun anua judíos unicama timë́ti xubucamanuxun bana ñuixuancëxa. —Nucën Papa Diosan ca ami catamëcë unicama abë ꞌinun ainan ꞌimiti ꞌicë —quixun caquin upí bana unicama ñuixuanan ca uni ñucëcama pëxcüacëxa.

Mateo 9:35

Usotancëxun ca ëma chacamanu ꞌimainun ëma chucúmaracamanuribi cuanquin anua judíos unicama timë́ti xubucamanu atsínquin anu timëtia Jesusan bana ñuixuancëxa. Bana ñuixunquin ca —ꞌëmi catamëcë unicama ca Nucën Papa Diosan ainan ꞌimiti ꞌicë —quixun caquin upí bana unicama ñuixuancëxa. Ñuixuanan ca uni ñucëcamaribi pëxcuquin an paëocëcama tërë́caxuancëxa.

Marcos 13:10

Usaía ꞌicëma pan ꞌain ca camabi menuxun uisai cara uni Nucën Papa Diosnan ꞌiti ꞌicë quiáxa quicë bana unin ñuixunti ꞌicën.

Lucas 2:1

Ënë menua Jesús uti ca ësai ꞌiacëxa: Romanu ꞌicë ꞌapu, César Augusto, aín bana ca cuacocancëxa, camabi unix ca aín anë quiricanu ꞌai cuanti ꞌicë quixun.

Lucas 24:47

Usa ꞌain ca aín unicaman Jerusalénuxun pain aín bana ñuitancëxun camabi menu cuanquin ësoquin caquin unicama ñuixunti ꞌicën, Nucën Papa Diosan atun ꞌatima ñu ꞌacëcama tërë́ncë ꞌinuxun ca sinanaquin bëtsi oquin sinánti ꞌicë quixun. Ësaía a ñui cuënëo bana quicë a ñuixuntancëxun ca Jesusan atu cacëxa:

Lucas 4:5

Usotancëxun ca amiribishi tantëcëncatsi quixun ñunshin ꞌatimanën ꞌapun aín bashi chairucë manan Jesús buáncëxa. Buántancëxun ca anuxun camabi me ꞌimainun a menu ꞌicë ëmacama cuainacëa bënë́nquinshi ismiacëxa.

Hechos 1:2

An ca naínu cuainsama pain ꞌixun Nucën Papa Diosan Bëru Ñunshin Upitan ꞌaquincëxun an aín bana unicama ñuixunun xuti unicama caísacëxa. Acamax ca aín ꞌunánmicë uni ꞌiacëxa. Caístancëxun ca añu cara ꞌati ꞌicë quixun ꞌunánmiacëxa.

Hechos 11:28

Acama achúshinëx ca Agabo caquin anëcë ꞌiacëxa. An ca Nucën Papa Diosan Bëru Ñumshin Upitan ꞌunánmicë ꞌaish niruquin anu ꞌicë unicama cacëxa, camabi menu ꞌicë unix ca pitiñuma ꞌiti ꞌicë quixun. Axa usai quicësabi oi ca Claudio cacë uníxa ꞌapu ꞌain ꞌiacëxa.

Hechos 17:31

Nucën Papa Diosan ca mëníocëxa, anúan achúshi uni, Jesucristonën camabi uni, aín nuitu cara upí ꞌicë, cara upíma ꞌicë quixun isti nëtë. Usaquian ꞌanun ca an caísacëxa quixuan camabi unin ꞌunánun, ca Nucën Papa Diosan Jesús bamacëbi baísquimiacëxa.

Hechos 17:6

Usai quiquinbi mëraquinma ca Jasóncëñun axa Jesucristomi catamëcë unicama raíri nirínbianquin a ëmanu ꞌicë unicaman ꞌapunu buáncëxa. Buani ca munuma sharati quicancëxa: —An camabi menu ꞌicë unicama tsuáquirumicë uni rabëtax ca ënu uaxa.

Hechos 19:27

Usoquian sinánmicëxun ca unin nun nu uniocë uxua manë ꞌacë xuburatsu bitima ꞌicën. ꞌImainun ca Diananëxa cushi ꞌaínbi unicaman anuxuan a rabicë xubu cha manuti ꞌicën. Diana axa Asianu ꞌicë unicama ꞌimainun camabi menu ꞌicë unicaman rabicë ꞌaíshbi ca rabicëma ꞌiti ꞌicën.

Hechos 20:25

Usaquin sinánquinbi cana ꞌunanin, uicama carana Nucën Papa Diosan uni ꞌinun bana ñuixuan acaman ca ꞌë istëcënuxunma ꞌaia quixun.

Romanos 10:18

Unicaman cara a bana cuaxa quixun cana sinanin. Camaxunbi ca asérabi cuaxa, ësai Nucën Papa Diosan bana quicësabi oi: Aín unicamax ca camabi mënuxun bana ñuixuni cuanxa. Usa ꞌain ca camabi menu ꞌicë unicaman a bana ñuixunia cuaxa.

Colosenses 1:23

Usa ꞌinuxun camina camabi nëtën Cristomishi catamëcë ꞌixun sinánbëquinquinma ainan ꞌaíshmi aín nëtënu abë ꞌiti ashi manuquinma sinánti ꞌain. Usai ꞌi ca uni asérabi Nucën Papa Diosnan ꞌicë quixunmi cuacë bana ca camabi menuxunribi ñuicania. ꞌËnribi cana unicama a bana ñuixunin.

Colosenses 1:6

Nucën Papa Diosan ca usaquin nu nuibatia quixun unin ñuia mitsun cuacë a banabi ca bëtsi bëtsi menu cuanquin ꞌitsaira unin ñuia. Usa ꞌain ca unin ñuia cuatishimi mitsux ꞌicësaribiti camabi menu ꞌicë uni a bana cuati —asérabi ca —quixun sinani Jesucristomi catamëtia.

Hebreos 1:6

Usa ꞌaish ca aín Bëchicë aratsushi ꞌicëbi ënë menu xuti ësai quiacëxa: ꞌËn ángelcaman ca a rabiti ꞌicën.

Hebreos 2:5

Aín unicama cara uisai ꞌiti ꞌicë quixun ñuiquin cana mitsu cain, Nucën Papa Diosan ca ángelcama —mitsux camina ꞌën unicaman ꞌapu ꞌiti ꞌai —quixun cáma ꞌicën.

Apocalipsis 14:6

Usa ꞌain cana bëtsi ángelribi isan. Camabi unin cuanun ca naínu nuani munuma banai, Cristo cupí ca unicamax xëníbua ꞌaínbi Nucën Papa Diosnan ꞌiti ꞌicë quiaxa. Camabi menu ꞌicë unicama bëtsi bëtsi unibu, bëtsi bëtsi menu ꞌicë, bëtsi bëtsi banan banacë an cuanun,

Apocalipsis 16:14

A ñunshin ꞌatimacama tuan tita iscësa, acaman ca unicama paránuxun unin ꞌacëma ñu ꞌaxa. Usoquin ꞌanan ca camabi menu cuanquin, anu ꞌicë ꞌapucama aín suntárucamaxa bëtsi menu ꞌicë suntárubë ꞌacananux tsuáquirunun sinánmiaxa. Usa ꞌixun ca camabi uni timëaxa, axa aín cushi chaira ꞌaish bëtsi cushisamaira Nucën Papa Dios, an anun ꞌaisamaira oquin atu castícanti nëtë sënë́ncëbëtan.

Apocalipsis 3:10

Mitsun camina uisa ñu cara ꞌicëbëtanbi ꞌëmi catamëanan ꞌën bana quicësabi oquin ꞌati ëncëma ꞌain. Usaími ꞌicë cupí cana anúan unicama paë tani tëmërati nëtëa ucëbëmi tëmëraxma ꞌinun mitsu ꞌimiti ꞌain.