Mateo 24:12 - Kashibo-Kakataibo Biblia

¹² Usai ꞌicëbëtan ca unin ꞌaisamaira ꞌatima ñu ꞌati ꞌicën, ꞌanan ca bëtsibëa nuibanani ꞌaquiananti a ënuxun ꞌaia.

Nukën 'Ibu Diosan ain unikama 'inan ain bana

¹² Usai 'icëbëtan ca unin 'aisamaira 'atima ñu 'ati 'icën, 'anan ca bëtsibëa nuibanani 'aquiananti a ënuxun 'aia.

Mateo 24:12 ပူးပေါင်းရင်းမြစ်များ

Mateo 24:11

Usai ꞌicëbëtan ca —ꞌën cana Nucën Papa Dios quicë bana unicama ñuixuni —quiquinbi anbi sináncë banaishi uni ñuixunuxun ꞌaia. Usaquin ñuixunquin ca ꞌitsaira uni paránquin Nucën Papa Diosmi sinánxma ꞌinun quixun ꞌimiti ꞌicën.

Mateo 24:13

Usai ñu ꞌicëbëtanbia ꞌëmi sinánquin ëncëma unicamax ca Nucën Papa Diosan nëtënu ꞌëbë ꞌiti ꞌicën.

Santiago 1:21

Usa ꞌain camina ñu ꞌatima ꞌaisamaira oquinmi mitsun ꞌacë a ëanan uisa ñucama cara ꞌaisama ꞌicë ënti ꞌain. A ënquin camina ami cuacë Nucën Papa Diosan bana a mitsun nuitu mëu racanaquin upí oquin sinánti ꞌain. Mitsúnmi cuacë bana ënë́xa quicësabi oquin, Jesucristomi catamëcë ꞌixun, ꞌacë ꞌaish camina Nucën Papa Diosnan ꞌinux ië́canti ꞌain.

Apocalipsis 2:10

Unían bëtsi bëtsi oquin ꞌatimocëxbi camina racuë́tima ꞌain. Ñunshin ꞌatimanën ꞌamicëxun ca raíri unin mitsu sipuati ꞌicën, caramina ꞌëmi sinánti ënti ꞌai quixun isnuxun. Mëcën rabë́ nëtën camina paë tani tëmërati ꞌain. Uisai cara ñu ꞌicëbëtanbi camina anúnmi mitsux bamati nëtë utámainun ꞌëmi sinánti ëntima ꞌain. Usaími ꞌia cana mitsu ꞌën nëtënuaxmi nëtë́timoi ꞌëbë cuëënun ꞌimiti ꞌain.

Apocalipsis 3:15

ꞌËn cana usaími mitsux ꞌicë acama ꞌunanin. Usa ꞌixun cana ꞌën ꞌunanin, mitsúnmi upí oquin sinánxun ax cuëëncësabi oquinra Nucën Papa Dios ꞌaxuniama. Usa ꞌixun camina mitsun sinanin, mitsúxbi usai ꞌia isquin sapi isa Nucën Papa Diosan upí oquin sinania quixun. Usa ꞌaish camina mitsux an Nucën Papa Diosan bana cuacë unicama ꞌicësai ꞌiman. Usa ꞌaish camina a Nucën Papa Diosan bana cuacëma unicama ꞌicësairibi ꞌiman. Usa ꞌain cana cuëënin, mitsux an asérabiira Nucën Papa Diosan bana cuacë ꞌiti. Usai ꞌicëma ꞌixun, mitsun ꞌaisama ñu ꞌacë ꞌixun, —ꞌaisama ñu ꞌacë cupí cana ainanma ꞌai —quixun ꞌunáncë ꞌiti cana cuëënin.