Mateo 23:8 - Kashibo-Kakataibo Biblia

⁸ Atúxa usai ꞌicëbëbi camina mitsux unían usaquin mitsu cati cuëëntima ꞌain. Mitsux camina xucë́onanti ꞌain. Mitsux camina achúshi ꞌibuñushi ꞌain, ax ca Cristo ꞌicën.

Nukën 'Ibu Diosan ain unikama 'inan ain bana

⁸ Atúxa usai 'icëbëbi camina mitsux unían usaquin mitsu cati cuëëntima 'ain. Mitsux camina xucë́onanti 'ain. Mitsux camina achúshi 'ibuñushi 'ain, ax ca Cristo 'icën.

Mateo 23:8 ပူးပေါင်းရင်းမြစ်များ

Mateo 10:25

Mitsux ꞌën ꞌunánmicë unicama ꞌain ca axa ꞌëmi nishcë unicamax mitsumiribi nishti ꞌicën. Atúan ꞌë bëtsi bëtsi ocësaribi oquin ca mitsuribi bëtsi bëtsi oti ꞌicën. Atun ꞌë ñunshin ꞌatimanën cushi, Beelzebú, caquin anëquin ca mitsúxmi ꞌën unicama ꞌicë, mitsuribi usaribi oquin anëti ꞌicën.

Mateo 17:5

Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca ꞌëx amiira sinani cuëëncë, ꞌën bacë bëchicë ꞌicën. Aín bana ca cuacan.

Mateo 23:10

ꞌËx Cristo ꞌaish cana ꞌëxëshi mitsun ꞌIbu ꞌain. Usa ꞌain camina, mix camina aín ꞌibu ꞌai quixuan bëtsi uni mitsu canun quitima ꞌain.

Mateo 23:7

ꞌIanan ca anuxun unin ñu marucë anuxuan a isquin bëtsi unin —ax ca nun cushi ꞌicë —quixun sinánquin atu mëcën ꞌinánquin biti cuëënia. Usai ꞌianan ca unían —an ca nu cuënëo bana ñuixunia —quixun cati cuëënia.

Mateo 26:25

Quia ca an a binun uni ꞌinánti Judas an Jesús ñucáquin cacëxa: —¿ꞌËx carana a ꞌain? Cacëxun ca Jesusan cacëxa: —Ca usa ꞌicën, mixmi quicësa.

Mateo 26:49

Usaquian unicama cacësabi oquin ca anua Jesús ꞌicë anu bëbaquin Judas Iscariotenën ax pain anu cuanquin ¿ënu caina ꞌain? —caquin Jesús bëtsucucacëxa.

Marcos 10:51

Usaria aia ca Jesusan cacëxa: —¿ꞌËn mi uisoti caina cuëënin? Cacëxun ca cacëxa: —Isnúnmi ꞌë bëpë́xcuti cana cuëënin.

Marcos 11:21

Usa isquin ca Pedronën a higuera caia conxun Jesús cacëxa: —Ca is. Minmi ñu concë higuera ca xanánxa.

Marcos 14:45

Usaquian unicama cacësabi oquin ca anua ꞌicë anu bëbaquin Judas Iscariotenën, —¿ënu caina ꞌain? —caquin Jesús bëtsucucacëxa.

Marcos 9:5

Usai banaia isi ꞌaisamairai racuëti —uisai carana quiti ꞌai —quiax sináncasmaquin ca Pedronën Jesús cacëxa: —Nuxnu ënu ꞌicë ca asábiira ꞌicën. ¿Uisa cara rabë́ ꞌimainun achúshi xubura mi ꞌaxunti ꞌiti ꞌic? Minan achúshi ꞌimainun Moisésnan achúshi ꞌimainun Elíasnanribi achúshi cananuna ꞌati ꞌain.

Lucas 22:32

Usa ꞌaínbi cana ꞌëmi catamëti ënxunma ꞌanun Nucën Papa Dios mi ñucáxuan. ꞌËmi ꞌuchaxbi sinanati ꞌëmi cushiquin camina axa ꞌëmi catamëcë uni raíri ꞌëmia asérabi upiti catamënun ꞌaquinti ꞌain.

Juan 1:38

Nuibiancëxun caxu bësuquin isquin ca Jesusan cacëxa: —¿Añu caramina barin? Cacëxun ca ñucácëxa: —¿Uinu cara min ꞌiti ꞌic, rabí? (Rabí quicë bana, ax ca an uni ꞌunánmicë uni qui quicë ꞌicën.)

Juan 1:49

Cacëxun ca Natanaelnën cacëxa: —Mix camina Nucën Papa Diosan Bëchicë ꞌianan Israel unicaman ꞌapu ꞌain.

Juan 11:8

Cacëxun ca aín ꞌunánmicë unicaman cacëxa: —¿Anu ꞌicë judíos unicamaxa maxaxan mi ꞌacatsi quiax ꞌësë́naënxanbi caina amiribishi Judea nëtënu cuantëcëncatsi quin?

Juan 20:16

Cacëxun ca Jesusan cacëxa: —María —ësaquinshi. Cacëx cuainacëquin ca Maríanën ratúquin, hebreo banan —Raboni —cacëxa. A banax ca an uni ñu ꞌunánmicë qui quicë ꞌicën.

Juan 3:2

Usa ꞌixun ca anu ñantan cuanxun Jesús cacëxa: —Unían mix camina cushiira ꞌai quixun ꞌunánun camina uinu ꞌicë unínbia ꞌacëma ñu ꞌain. Nucën Papa Diosa abëma ꞌain ca uinu ꞌicë unínbi minmi ꞌacësoquin ñu ꞌatima ꞌicën. Usa ꞌain cananuna ꞌunan, Nucën Papa Diosan ca minmi nu ꞌunánminun ënë menu mi xuacëxa quixun.

Juan 3:26

Usai cuëbicananquiani anu cuanxun ca Juan cacëxa: —A ñuiquinmi nu cacë uni axa mibë Jordán ꞌucë manan ꞌicë, Jesús, an unicama nashimicëbë ca camabi unix anu ricuatsinia.

Juan 4:31

A xanúa cuancëbëtan ca aín ꞌunánmicë unicaman Jesús —camina piti ꞌai —quixun cacëxa.

Juan 6:25

Usa ꞌain ca ꞌucë manan cuanxun bariquin mëraquin Jesús cacëxa: —¿Uinsaran caramina ënu uan?

Juan 9:2

Isia ca aín unánmicë unicaman Jesús ñucácëxa: —¿Ënë uníxa bëxuñu bacë́nun cara uin ñu ꞌatima ꞌacëx, aín papa, aín titan cara ꞌacëx, ënë unínbi cara ꞌacëx?

2 Corintios 1:24

Jesucristomi upiti sinani camina mitsux ami cushicë ꞌain. Mitsúxmi usai ꞌia cananuna nun cacësa oími ꞌinun mitsu caiman. Jesucristomi upiti catamëcë ꞌaíshmi chuámashirua tani cuëëni upitax bucunun quixuinshi cananuna mitsu ꞌaquinsa tanin.

2 Corintios 4:5

Nuxbi ñuiacaquin cananuna unicama bana ñuixuniman. Usoquin cananuna —Jesucristo ax ca Nucën ꞌIbu ꞌicë —quixun unicama bana ñuixunin. Nuxbi ñuiacaquinma cananuna Jesús, an nu nuibacë, an nu sinánmicësabi oquin aín bana mitsu ñuixunin.

Efesios 3:15

Ax ca menu ꞌicë unicama ꞌimainun naínu ꞌicë ángelcamaribi an unio ꞌaish acaman ꞌIbu ꞌicën.

Filemón 1:16

Min ñu mëëmicë unishi ꞌiá ꞌaíshbi ca bërí Onésimo Jesucristomi catamëcë ꞌaish min xucë́nsa ꞌiti ꞌicën. ꞌËn cana a nuibatin. Usa ꞌicëbi camina miinra ꞌën ꞌacësamaira oquin a nuibati ꞌain, min ëmanu ꞌicë cupishima, Jesucristomi catamëcë ꞌaísha min xucë́nsa ꞌicë.

Santiago 3:1

ꞌËn xucë́antu, mitsux camina camáxëshiira an axa Jesucristomi catamëcë unicama ꞌunánmicë uni ꞌitima ꞌain. Camina ꞌunanin, usa uni ꞌixunbi ꞌatima ñu ꞌai camina raíri unicama ꞌacësamaira oquin ꞌuchocë ꞌiti ꞌain.

1 Pedro 5:3

ꞌApúxa unían ax quicësa oquinshi ꞌanun quiax quicësaribiti camina banatima ꞌain. Usari ꞌíma camina mitsúnmi bana ñuixuncë unicamaxa usaribiti ꞌinun, upíshi ꞌiti ꞌain.

Apocalipsis 1:9

ꞌËx Juan ꞌaish cana mitsúxmi ꞌicësaribiti Jesúsnan ꞌaish mitsun xucë́nsa ꞌain. Mitsúxmi ꞌicësaribiti cana Jesucristonan cupí, unin ꞌatimocë ꞌaíshbi asérabi Nucën Papa Diosan uni ꞌain. Mitsu ꞌacësaribi oquian an cushiocëxun cana uisa ñu cara ꞌicëbëbi bënë́quin ami catamëti ëniman. Usa ꞌixun Nucën Papa Diosan bana ñuixuanan, Jesús ñui quicë banaribi uni ñuixuncë cupí cana Patmos cacë nasínu sipuacësa ꞌinun unin ëncë ꞌain.

Apocalipsis 19:10

Quicëbë cana a rabinux a ángel tanáin rantin purúan. Usai ꞌiabi ca ꞌë caxa: —Usai ꞌiáxma ca ꞌit. Uicaman cara Nucën Papa Dios quicë bana unicama ñuixunia an ca Jesús ñuiquin an ꞌunánmicë banacama uni ñuixunia. Mibëtan ax Jesús quicë banacama quicësabi oi ꞌicë unicaman ꞌacësaribi oquin cana ꞌënribi ax quicësaribi oquin ꞌaquin Nucën Papa Dios rabin. Usa ꞌain ca ꞌë rabixunma Nucën Papa Diosëshi rabit.

Apocalipsis 22:9

ꞌËn a rabicascëxunbi ca ꞌë caxa: —Usai ꞌiaxma ca ꞌit. Mibëtan, an min ꞌacësaribi oquin an Nucën Papa Diosan bana uni ñuixuncë unicama ꞌimainun an ënë quiricanu cuënëocë banacama upí oquin sinánquin cuacë unicaman ꞌacësaribi oquin cana ꞌënribi ax quicësabi oquin ꞌaquin Nucën Papa Dios rabin. Usa ꞌain ca ꞌë rabixunma Nucën Papa Diosëshi rabit.