Mateo 23:4 - Kashibo-Kakataibo Biblia

⁴ Moisésnën cuënëo banaishima atúnbi sináncë banaribi ca unicamax isa usai ꞌinun quixun ñuixunia. Usaquin ñuixuncëxbi ca a banacamax ax quicësabi oi ꞌiisama ꞌicën. Atúxribi ca usai ꞌima. Atúan ñuixuncë bana quicësabi oquian ꞌanun ca unicama ꞌaquinima.

Nukën 'Ibu Diosan ain unikama 'inan ain bana

⁴ Moisésnën cuënëo banaishima atúnbi sináncë banaribi ca unicamax isa usai 'inun quixun ñuixunia. Usaquin ñuixuncëxbi ca a banacamax ax quicësabi oi 'iisama 'icën. Atúxribi ca usai 'ima. Atúan ñuixuncë bana quicësabi oquian 'anun ca unicama 'aquinima.

Mateo 23:4 ပူးပေါင်းရင်းမြစ်များ

Isaías 46:1

Bel kakë dios ax kapumëmainun ka Nebo kakë axribi Babilonianuax menu pakëtia. Usa ꞌikë ka unínbia a rabinuxun ꞌakë ñukama a an ñu papikë ñuinakaman aín kaxunu nankë ꞌikë buania, usa ꞌaish ka ꞌiëira ñu ꞌikën axa atsankë ñuina kamanan.

Mateo 23:23

An Moisésnën cuënëo bana ꞌunáncë unicama ꞌimainun fariseo unicama, mitsux camina an unicama paráncë a ꞌain. Mitsu ca Nucën Papa Diosan uisa cara oti ꞌicë usoquin ꞌati ꞌicën. Mitsun camina an Nucën Papa Dios anuxun rabiti xubunuxun ñu ꞌacë unicama ñu ꞌinanin, Moisés quiásabi oquin. Usa ꞌixunbi camina a bana itsi, axa quicësabi oíira ꞌiti, a quicësa oquin ꞌaiman, Nucën Papa Diosmi upiti catamëanan ax cuëëncësabi oquin upí sinánñu ꞌixun unicama nuibaquin, ꞌaquinsa ꞌicë, ꞌaquinti, acama. Usaquinmi mitsun ꞌacëx ca asábiira ꞌitsíanxa. Usoquin ꞌaquinmi mitsun ñu mësúribi ꞌinánti ca asábi ꞌitsíanxa.

Mateo 23:3

Atun mitsu ñuixuncësabi oquin camina Moisésnën cuënëo bana ꞌati ꞌain. ꞌAnan camina atúan mitsu cacësabi oi ꞌiquinbi atúan a bana quicëma ñu ꞌacësaribi oquin ꞌatima ꞌain, mitsuma paránxun ꞌamia, usa ꞌain. Atux ca unicama bana ñuixunibi an uni ñuixuncë banaxa quicësabi oi ꞌima.

Lucas 11:46

Quia ca Jesusan cacëxa: —Mitsuribi upíma isquin ca Nucën Papa Diosan uisa cara oti ꞌicë usoquin mitsuribi ꞌati ꞌicën. Moisésnën cuënëo banaishima mitsúnbi sináncë banaribi camina unicamax isa usai ꞌinun quixun ñuixunin. Usaquinmi ñuixuncëxbi ca a banacamax mitsúxmi quicësabi oi ꞌiisama ꞌicën. Mitsúxribi camina usai ꞌiman. Mitsúnmi ñuixuncë bana quicësabi oquian ꞌanun camina unicama ꞌaquiniman.

Hechos 15:10

¿Usa ꞌaínbi caramina mitsux uisa cupí, usama ca quiax Nucën Papa Diosmi ꞌuchanan, judíosma unibu ca judíos unibu ꞌicësai ꞌiti ꞌicë quiax quin? Moisésnëan usai judíos unicama ꞌiti cuënëo bana cuacë ꞌaíshbi ca a banacama quicësabiira oi nucën raracamax ꞌiáma ꞌicën. Nuxribi cananuna atúxa ꞌiá usaribiti ꞌiacën.

Hechos 15:28

Nucën Papa Diosan Bëru Ñunshin Upitan sinánmicëxun cananuna sinan, ca asábi ꞌiti ꞌicën, mitsúnmi Moisésnën usai judíos unicama ꞌiti cuënëo banacama quicësabi oquin ꞌaquinma ënë ñuishi ꞌati:

Gálatas 6:13

Axa ꞌunántioracacë unicamanbi ca camabi Moisésnën usai ca judíos unicama ꞌiti ꞌicë quixun cuënëo banacama quicësabi oquiinra ꞌaima. Usa ꞌixunbi ca atun ꞌunánmicë cupí camina mitsux judíos uni ꞌicësaribiti ꞌunántioracacë ꞌai quiax rabiácati sinánquin usaími ꞌinun quixun mitsu ꞌunánmia.

1 Juan 5:3

Axa Nucën Papa Diosmi asérabi sináncë uni, an ca aín bana quicësabi oquin ꞌaia. Ax quicësabi oquin ꞌaisa ca a bana ꞌicën.

Apocalipsis 2:24

ꞌItsa uníxa usai ꞌicëbëtanbi camina Tiatíranu ꞌicë mitsu raírinën aín bana ca cëmë ꞌicë quixun ꞌunánquin a xanun bana cuacëma ꞌain. Bëtsi bëtsi uníxa, nun cananuna mitsun ꞌunáncëma ñu, ñunshin ꞌatimanën ꞌapúan nu ꞌunánmicë, a mitsu ꞌunánmiti ꞌai quiabi camina a ꞌunántisama tan. Mitsúxmi usai ꞌiti ca asábi ꞌicën. Usaíbi camina ꞌiti ꞌain. Bëtsi ñumi ꞌanun cana mitsu caiman.