Mateo 22:7 - Kashibo-Kakataibo Biblia

⁷ Usoquian ꞌacëbë ca ꞌapu xuamati nishaxa. Nishquin ca an aín ñu mëëmicë unicama ꞌacë unicama ꞌanan aín ëma nëënun quixun aín suntárucama xuaxa. Cacëx cuanxun ca ꞌapun cacëabi oquin ꞌaxa.

Nukën 'Ibu Diosan ain unikama 'inan ain bana

⁷ Usoquian 'acëbë ca 'apu xuamati nishaxa. Nishquin ca an aín ñu mëëmicë unicama 'acë unicama 'anan aín ëma nëënun quixun aín suntárucama xuaxa. Cacëx cuanxun ca 'apun cacëabi oquin 'axa.

Mateo 22:7 ပူးပေါင်းရင်းမြစ်များ

Daniel 9:26

Usai sesenta ꞌimainun rabë́ semana ax ꞌinúkë ꞌain ka Diosanbia kaískë ꞌapu ax ꞌakë ꞌiti ꞌikën. Usa ꞌain ka Jerusalén ꞌimainun anuxun Dios rabikë xubu ax masókë ꞌiti ꞌikën. Achúshi ꞌapun ka aín suntárukamabë uxun ꞌatima okin masóti ꞌikën. Usakin ꞌakëx ka bakan ꞌishi kuatsinkin ñu mapurukë usaribi ꞌiti ꞌikën. Usa ꞌain ka uni ꞌakanankin ñu ꞌatima okin masókë ax usai ka ꞌiti ꞌikë kixun Diosan nankësabi oi ꞌiti ꞌikën.

Joel 2:11

Nukën ꞌIbux ka aín suntárukama bëtanainuax kaná banakësari banai kiti ꞌikën. Usa ꞌain ka aín suntárukama ꞌaisamaira ꞌaish uínbi tupunkin sënëoinsamaira ꞌixunbi an kakësabiokin ꞌaia. ¡Usa ꞌain ka anun Nukën ꞌIbu ꞌuti nëtë ax chaiira ami rakuë́ti nëtë ꞌikën! Usa ꞌikë ka uínbi tënëtima ꞌikën.

Joel 2:25

“Ësai ka Dios kiaxa ꞌën kana a baritiakaman mitsun ñu ꞌapákë utabakin champun pía a pain amiribishi ꞌinántankëxun, kana amiribishi utëkëkin champun pitëkëan akamaribi inánti ꞌain, ꞌinanxunbi kana utëkënkia champun pía a ꞌinanxunbi kana anuishi sënë́nkian champun pía aribi ꞌinántëkënti ꞌain. ꞌËn kana suntárukaman ñu masókë usaribi okin ꞌanun mitsunu xuakën.

Joel 3:2

Usakin ꞌanan kana axa atumi nishkë bëtsi menu ꞌikë unikama, timëbiankin Josafat kakë me sapan anu uanti ꞌain, anuxun kana uisakin karana ꞌaisatani usakin ꞌën unikama Israel ꞌasaribiokin ꞌati ꞌain. (Josafat kikë bana ax ka Diosan uisa kara oisatania usakin ꞌati kikë bana ꞌikën.) Atun ka ꞌën uni Israelkama bëtsi bëtsi menu abístanun ꞌimianan, ꞌën atu ꞌinánkë me ꞌinánankin bikankëxa.

Mateo 22:6

Raírinën ca ꞌapúan ñu mëëmicë uni cuaniabi bixun mëëquin tënánquin rëaxa.

Mateo 22:8

Usoquian ꞌanun ꞌamitancëxun ca ꞌapun aín ñu mëëmicë unicama caxa: Piti ca mëníocë ꞌicën. Usa ꞌaínbi ca a ꞌën camicë unicamax utima nuituñu ꞌaish utima ꞌicën.

Lucas 19:27

Axa ꞌëmi nishi ꞌëx ꞌapu ꞌiti cuëëncëma unicama a camina ënu bëxun ꞌën ismainunbi ꞌati ꞌain.

Lucas 21:21

A ëmanu ꞌicë unicamaxa ami ꞌuchacë cupí ca castícancë ꞌiti ꞌicë quixun ca Nucën Papa Diosan aín uni cuënëomiacëxa. Usai ca bërí ꞌiti ꞌicë quixun camina a suntárucama isquin ꞌunánti ꞌain. Usai ꞌicëbë ca unicamax racuëti Judea menu ꞌicë ëmacamanuax abáquiani matánu cuanti ꞌicën. ꞌImainun ca axa Jerusalénu ꞌicë unicamaxribi anuax cuanti ꞌicën. Axa Jerusalénuax ꞌura nitsi cuancë unicamax ca racuëti Jerusalénu cuantëcëntima ꞌicën.

Lucas 21:24

Uni raíri ca unin abë ꞌacananquin ꞌanuxun ꞌaia, raírinëx ca bëtsi bëtsi menu buáncë ꞌiti ꞌicën. Usaquin ꞌaquin ca judíosma unicaman Jerusalén ꞌatimonan anu ꞌixun aín cuëëncësa oquin ꞌati ꞌicën, atúan usoquin ꞌati nëtëa sënë́ncëbëtan.

1 Tesalonicenses 2:16

Nun judíosma unicama Cristomi sinánun bana ñuixuinsa taniabi ca usaquinu bana ñuixunun nu ëncëma ꞌicën. Usai ꞌia aín ꞌucha cëxtutia ca Nucën Papa Diosan ꞌaisamaira oquin castícanti ꞌicën.