Mateo 22:21 - Kashibo-Kakataibo Biblia

²¹ Cacëxun ca atun cacëxa: —Ax ca Césarnën bëmánan tanquian ꞌacë ꞌimainun Césarnën anë ꞌicën. Usaquin cacëxun ca Jesusan cacëxa: —Ami mitsun ꞌatia César cuëëncë a ñu camina ꞌati ꞌain, axa mitsun ꞌapu ꞌain. ꞌAnan camina ami mitsun ꞌatia Nucën Papa Dios cuëëncë a ñu ꞌati ꞌain, axa mitsun Papa Dios ꞌain.

Nukën 'Ibu Diosan ain unikama 'inan ain bana

²¹ Cacëxun ca atun cacëxa: —Ax ca Césarnën bëmánan tanquian 'acë 'imainun Césarnën anë 'icën. Usaquin cacëxun ca Jesusan cacëxa: —Ami mitsun 'atia César cuëëncë a ñu camina 'ati 'ain, axa mitsun 'apu 'ain. 'Anan camina ami mitsun 'atia Nucën Papa Dios cuëëncë a ñu 'ati 'ain, axa mitsun Papa Dios 'ain.

Mateo 22:21 ပူးပေါင်းရင်းမြစ်များ

Romanos 13:7

Nucën Papa Dios cuëëncësabi oquin camina ꞌapu buánmiti curíqui buánmicë ꞌinun ꞌinánti ꞌain. Mitsun ëmanu ꞌicë uniribia ꞌapun anëcë ꞌain camina an cacësabi oquin ñu ꞌati ꞌain, mitsun ëmacamaxa upí ꞌinun. Mitsun cushibë cuëbicananquinma camina aín bana cuati ꞌain.

Hechos 4:19

Cacëxunbi ca Pedrobëtan Juanën atu cacëxa: —Mitsúnbi ca sinan, ¿Nucën Papa Dios cara cuëënti ꞌic, nun nu aín bana manuanan mitsun banaishi cuati?

Mateo 22:37

Quixuan cacëxun ca Jesusan ësaquin cacëxa: —Axa quicësabi oíira ꞌiti bana ax ca ësai quia: “Min ꞌIbu Diosmi camina asérabi cuëëni cëmëima sinánti ꞌain. Usa ꞌaish camina ami catamëti ax cuëëncësabi oíshi ꞌiti ꞌain”.

Lucas 23:2

Buanx bëbax aín bëmánon ꞌixun ca Jesús ñuiquin ësaquin Pilato cacëxa: —Ënë unían judíos unicama nun caibu bëtsi oquian sinánun quixun ꞌunánmia cananuna nunbi cuan. Nun nu a César buánmiti curíqui ꞌinánxunma ꞌanun nu canan ca ax isa Cristo ꞌaish ꞌapu ꞌicë quiaxa.

Hechos 5:29

Ësai quia ca Pedrobëtan Jesusan aín bana ñuixunun caíscë unicaman cacëxa: —Unin cacësa oquin ꞌaquinbi cananuna Nucën Papa Dios, a ꞌati cuëëncëma ñu a ꞌaquinma, a ꞌatia ax cuëëncë, a ñu cuni ꞌati ꞌain.

Mateo 4:10

Usaquian cacëxun ca Jesusan cacëxa: —Ñunshin ꞌatimanën ꞌapu, ënuax ca cuantan. Nucën Papa Diosan bana cuënëo ca ësai quia: “Min ꞌIbu Diosëshi camina rabiti ꞌain. Rabiquin camina ashi ax cuëëncësabi oquin ñu ꞌaxunti ꞌain”.

Mateo 22:20

Bëia isquin ca Jesusan cacëxa: —¿Uin bëmánan tanquin ꞌacë cara ënëx ꞌic? ¿Uin anë cara cuënëocë ënëx ꞌic?

Marcos 12:17

Usaquin cacëxun ca Jesusan cacëxa: —Ami mitsun ꞌatia César cuëëncë a ñu camina ꞌati ꞌain, axa mitsun ꞌapu ꞌain. ꞌAnan camina ami mitsun ꞌatia Nucën Papa Dios cuëëncë a ñu ꞌati ꞌain, axa mitsun Papa Dios ꞌain. Usaquian cacëxun cuati ca bëtsi unin banasama ca ënën bana ꞌicë quiax sináncasmai ratúcancëxa.

Lucas 20:25

Usaquin cacëxun ca Jesusan cacëxa: —Ami mitsun ꞌatia César cuëëncë a ñu camina ꞌati ꞌain, axa mitsun ꞌapu ꞌain. ꞌAnan camina ami mitsun ꞌatia Nucën Papa Dios cuëëncë a ñu ꞌati ꞌain, axa mitsun Papa Dios ꞌain.