Mateo 21:41 - Kashibo-Kakataibo Biblia41 Ñucácëxun ca judíos unibunën ꞌapucaman Jesús cacëxa: —Usa ꞌain ca a unicama cëñuquin ꞌati ꞌicën. Usoquin ꞌatancëxun ca bëtsi unicama aín naë bërúanxunun quixun cati ꞌicën. Cacëx cuanxun ca a unicaman naënu ꞌicë bimicamaxa bimia aín bimi mësú naë ꞌibu ꞌinánti ꞌicën. အခန်းကိုကြည့်ပါ။Nukën 'Ibu Diosan ain unikama 'inan ain bana41 Ñucácëxun ca judíos unibunën 'apucaman Jesús cacëxa: —Usa 'ain ca a unicama cëñuquin 'ati 'icën. Usoquin 'atancëxun ca bëtsi unicama aín naë bërúanxunun quixun cati 'icën. Cacëx cuanxun ca a unicaman naënu 'icë bimicamaxa bimia aín bimi mësú naë 'ibu 'inánti 'icën. အခန်းကိုကြည့်ပါ။ |
Usai sesenta ꞌimainun rabë́ semana ax ꞌinúkë ꞌain ka Diosanbia kaískë ꞌapu ax ꞌakë ꞌiti ꞌikën. Usa ꞌain ka Jerusalén ꞌimainun anuxun Dios rabikë xubu ax masókë ꞌiti ꞌikën. Achúshi ꞌapun ka aín suntárukamabë uxun ꞌatima okin masóti ꞌikën. Usakin ꞌakëx ka bakan ꞌishi kuatsinkin ñu mapurukë usaribi ꞌiti ꞌikën. Usa ꞌain ka uni ꞌakanankin ñu ꞌatima okin masókë ax usai ka ꞌiti ꞌikë kixun Diosan nankësabi oi ꞌiti ꞌikën.
An ñu ꞌapácë unin ꞌacësaribi oquin ca ꞌati ꞌicën. Ësa ca ꞌiti ꞌicën. Unin ca ñu bëru trigo ꞌapatia. ꞌApátancëxun ca bimia bitsia. Bitancëxun ca bucúnxun chacaia. Chacaquian tacaia ca aín xacá suñun amo putia. Pucëbë ca aín bëru ax tiquia. Usai ꞌia bërúanxun bixun bucúntancëxun ca aín xacácama tsi rëquirucë bënántisamanën nëënia. Usaribi oquin ca axa uti an aín ꞌacë ñucama ꞌunánquin, upí unicama abëa ꞌiti bianan ꞌatimacama a atun ñu ꞌatima ꞌacë cupí bimi xacá nëënti pucësa ꞌimiti ꞌicën.
Cacëxbi ca aín bana timanan ami ꞌatimati banai ami nishacëxa. Usaía ꞌia ca Pablonën anuax ca cuania quixuan atun ꞌunánun aín chupa tacaquin cacëxa: —Mitsúxbi ꞌiisama tani camina Nucën Papa Diosnan ꞌitima ꞌain. Usaími ꞌicëxbi ca ꞌën ꞌuchama ꞌicën. Mitsúnmi ënë bana cuaisama tancëbëtan cana judíosma unicama ñuixuni cuanin.
Cananuna ꞌunanin, Moisésnëan Nucën Papa Diosan bana ñuixuncëxunbia an a bana timaquin cuaisama tancë, nucën raracamax ca castícancë ꞌiacëxa. Moisésnën ñuiá banasamaira ca Jesucristo ñui quicë bana, Nucën Papa Diosan naínu ꞌixun nu ꞌinan, ax ꞌicën. Usa ꞌain ca nucën raracamaxa ꞌiásamaira oi an Jesucristo ñui quicë bana timaquin cuaisama tancë unicama ië́tima ꞌicën. Usa ꞌain camina asérabi Jesucristo, Nucën Papa Diosan a aín nëtënua xua, a ñui quicë bana timaquinma upí oquin cuati ꞌain.
¿Asérabi usa ꞌain caranuna nux —Jesucristomi catamëtia uni Nucën Papa Diosnan ꞌinun ië́ti bana a cuatíbi, a bana quicësabi oi ꞌicëma ꞌaish uisa tancëx ië́ti ꞌain? A bana anun nun ꞌucha tërë́ncë ꞌaish Nucën Papa Diosnan ꞌinux ië́ti, a ca Nucën ꞌIbu Jesucristonën pain unicama ñuixuancëxa. Usa ꞌain ca an cuacë uni raírinën, a bana ca asérabi ꞌicë quixun ꞌunánquin, nuribi ꞌunánmiacëxa.