Mateo 20:8 - Kashibo-Kakataibo Biblia

⁸ Usa ꞌain ca ñantánbucëbëtan cuënxun naë ꞌibun aín uni caxa: An ꞌë ñu mëëxuncë unicama cuëntancëxun camina camabi cupíoti ꞌain. Axa tsiáncuatsini ucë uni acama pain camina cupíoti ꞌain. Usotancëxun camina raíri unicamaribi cupíotancëxun axa bëráma upuncë unicamaribishi cupíoti ꞌain.

Nukën 'Ibu Diosan ain unikama 'inan ain bana

⁸ Usa 'ain ca ñantánbucëbëtan cuënxun naë 'ibun aín uni caxa: An 'ë ñu mëëxuncë unicama cuëntancëxun camina camabi cupíoti 'ain. Axa tsiáncuatsini ucë uni acama pain camina cupíoti 'ain. Usotancëxun camina raíri unicamaribi cupíotancëxun axa bëráma upuncë unicamaribishi cupíoti 'ain.

Mateo 20:8 ပူးပေါင်းရင်းမြစ်များ

Génesis 15:2

ꞌAínbi ka Abramnën kakëxa: —ꞌËn ꞌIbu ꞌimainun ꞌën Dios, ¿uisa karana minmi ñu ꞌinánkëxun, ñankáishibi bixun ꞌati ꞌain, minbi kamina ꞌëx kana achúshi bëchikëñumabi ꞌai kixun ꞌunanin minbi kamina achúshi bëchikëbi ꞌë ꞌinankëma ꞌain? Usa ꞌain ka kamabi ꞌën ñukama an biti Eliézer Damasconu ꞌikë uni ꞌën kaniokë, an ꞌëx ñukëbëtan ꞌën kasunania ñukama biti ꞌikën.

Génesis 43:19

Usa ꞌain ka nukuti aín xubu xëputi ꞌurama oí a rapasu kuani nirakëkin an ñu bërúankë uni abë banakin.

Levítico 19:13

Mi rapasu ꞌikë uni kamina ꞌatima okin mëëxun ꞌain ñu bikuantima ꞌain. ꞌIanan kamina an mi ñu mëëxunkë uni pëkarakëbëtan kupíoxun kakinma a nëtënbi kupíoti ꞌain.

Mateo 20:7

Cacëxun ca a unicaman caxa: Uinu ꞌicë unínbia nu ñu mëëxunun cacëma ꞌaish cananuna ënu bucüan. Cacëxun ca naë ꞌibun caxa: Mitsúxribi camina ꞌën naënu ñu mëëi cuanti ꞌain.

Mateo 20:9

Cacëxun ca axa bari xupíbucëbë ucë unicama cuëncëx aia achúshi nëtën cupíocësa oquin ꞌinánxa.

Mateo 25:19

Usaquian ꞌan ca ꞌitsa ꞌuxë ꞌicëbë an a unicama ñu mëëmicë unix utëcëanxa. Utëcënquin ca uisaquin cara aín unicaman a curíquinën ñu ꞌaxa quixun istisa tanxa.

Mateo 25:31

Usaquin catancëxun ca Jesusan aín uti nëtë ñuixuntëcënquin ësaquinribi aín ꞌunánmicë unicama cacëxa: —Uni ꞌinux Nucën Papa Diosnuax uá ꞌaish ꞌën cushínbi utëcëanx cana ꞌApuira ꞌinuxun ꞌain. Usa ꞌain ca ꞌëbë ꞌën ángelcamaribi ꞌiti ꞌicën.

Lucas 10:7

Camina xubu itsi xubu itsinu ꞌibë́quintima ꞌain, anu paínmi atsíncë xubu anuishi camina ñantan ñantan ꞌuxti ꞌain. Anuxun camina piti ñu ꞌimainun xëati ñu a anu ꞌicë xanúan mitsu ꞌináncëxun piti ꞌain. An ñu mëëxuncë uni a ca an ñu mëëmicë unin cupíoia. Usa ꞌain camina atúan mitsu ꞌináncë ñu a piishiti ꞌain.

Lucas 12:42

Cacëxun ca ësoquinribi Jesusan cacëxa: —Ënëx ca ësaribi ꞌicën. Achúshi unin ca aín xubunu ꞌicëcama upí oquin piminun quixun aín ñu mëëmicë unicama achúshi caísaxa. Caísquin ca, an ca asérabi ꞌën cacësabi oquin ꞌati ꞌicë, quixun sinánxa. Sinánquin usoquin ñu ꞌanun quixun catancëx ca bëtsi menu cuanxa.

Lucas 8:3

a ꞌimainun Juana, Chuza, an Herodes ꞌaquincë uni aín xanu, a ꞌimainun Susana, acama ꞌimainun an Jesús ñu ꞌinánquin ꞌaquincë xanu raíriribi ꞌiacëxa.

2 Corintios 5:10

Utëcëntancëxun ca Cristonën unicama achúshi achúshi uisaquin cara ënë nëtënuxun ñu ꞌaxa quixun isti ꞌicën. Usoquin ca, atun ñu ꞌacë cara upí ꞌicë, cara upíma ꞌicë quixun isti ꞌicën. Atun ñu ꞌacësabi oquin istancëxun ca raíri ax cuëëncësabi oquin ꞌacë, axa cuëënun ꞌimianan raíri an aín bana quicësabi oquin ꞌacëma uni a uisoquin cara ꞌati ꞌicë usoquin ꞌati ꞌicën.

Deuteronomio 24:15

Usokin ꞌakinma kamina ñu mëbaitiaishi a nëtënbi kupíoti ꞌain, an ka ñuñuma ꞌixun anun aín piti maruti a kuríki kuëënia. Usokin bënë́kin kupíokëxuma ami tëmikë ñuñuma uni an ñukákëxun ka Nukën ꞌIbun mitsúxmi ꞌuchakë ꞌikë isti ꞌikën.

Tito 1:7

Usa ꞌicëmi mitsun caíscë unicaman ca atun cushi ꞌixun aín unicama Nucën Papa Dios cuëëncësabi oquin bërúanti ꞌicën. Usa ꞌaish ca upí ñuishi ꞌai —ñu ꞌaisama ca ꞌaia —quixuan unin ñuicëma ꞌiti ꞌicën. ꞌIanan ca bëtsi uni ñuuma ca quixun sinánquin ashi ñu ꞌaxunun cacë ꞌitima ꞌicën. ꞌIanan ca bënëtishi masáquin sinani nishtima ꞌicën. ꞌIanan ca paë́ntima ꞌicën. ꞌIanan ca unibë mëëananti sinánñu ꞌitima ꞌicën. ꞌIanan ca curíquiñu ꞌinuxun uni paránti sinántima ꞌicën.

Hebreos 9:28

Usaribiti ca Cristo ënë menuax achúshitishi bamacëxa. Ax ꞌuchañuma ꞌaíshbi ca camabi unin ꞌucha ainansa ꞌaish tërë́ncë ꞌinun bamacëxa. Bamatancëx baísquitancëx ca aín Papa Diosnu cuan ꞌaish amiribishi ënë nëtënu utëcënti ꞌicën. Camabi unin ꞌucha cupí bamatëcëni aima ca an aín uti caíncë unicama abëa ꞌinun bitsi utëcënuxun ꞌaia.

1 Pedro 4:10

Mitsúnmi raíri uni ꞌaquinun ca Nucën Papa Diosan uisa ñu caramina ꞌati ꞌai quixun mitsu ꞌimia. Usa ꞌain camina Nucën Papa Diosan mitsu achúshi achúshi bëtsi bëtsi ñu mëëti ꞌanun ꞌimicë ꞌixun mitsun ñu mëëti upí oquin ꞌati ꞌain.

Rut 2:6

Kixuan ñukákëxun ka an tëia uni bërúanti anëkë unin kakëxa: —Ax ka moabita xanu axa Noemíbë Moab kakë ëmanuax ukë a ꞌikën.