Mateo 20:2 - Kashibo-Kakataibo Biblia

² Bariquin mëraxun ca uiti cara nëtë camabi cupíoti ꞌicë quixun atubëtan mëníotancëxun aín naënuxuan ñu mëënun xuaxa.

Nukën 'Ibu Diosan ain unikama 'inan ain bana

² Bariquin mëraxun ca uiti cara nëtë camabi cupíoti 'icë quixun atubëtan mëníotancëxun aín naënuxuan ñu mëënun xuaxa.

Mateo 20:2 ပူးပေါင်းရင်းမြစ်များ

1 Reyes 18:12

Usa ꞌaínbi ka bërí ꞌëx mi ëbiani kuankëbëtan Diosan bëru ñunshinan anua ꞌën mi ꞌunántima menu buánti ꞌikën. Usa ꞌain ka mi ñuikin kakëx ukinbi mi mërakinma Ahabnën ꞌë rëtëti ꞌikën. An mi ñu mëëxunti uni ënën ka bëná ꞌixunbi Dios kuëënkësa okinshi ñu ꞌakëxa.

Eclesiastés 12:1

An kamabi ñu unio min ꞌIbu Dios a kamina mix bëná ꞌixuinshi sinánti ꞌain, anun tëmërati nëtë ka ꞌinuxun ꞌaia usa ꞌain; ꞌianan ka anunmi ësai ki banati baritiaribi ꞌiti ꞌikën: “ꞌËn ënë nëtënu tsókin ꞌakë ñukama anbi ka ꞌë kuëënmitima ꞌikën.”

Mateo 18:28

Cacëx cuanquinbi ca an abëtan a uni ñu mëëxuncë uni mëraxa. Mëraquin ca —ënën ca ꞌë ribinia —quixun sinánquin ꞌitsamashi curíquia ribíncëxunbi aín tëxatan biquin tëtsë́caquin caxa: Minmi ꞌë ribíncë ca ꞌë cupíot.

Mateo 20:1

Ësaquinribi ca Jesusan aín ꞌunánmicë unicama cacëxa: —Nucën Papa Diosan uni ainan ꞌimiti ax ca ësaribi ꞌicën: Achúshi unix ca aín naë anu uvas ꞌapácëñu ꞌiaxa. Usa ꞌaish ca pëcaracëma ꞌaínshi, an a naë mëníoti uni bari cuanxa.

Mateo 20:13

Cacëxun ca an unicama ñu mëëmicë unin caxa: ꞌËn cana mi paraniman. Mibëtan mëníopuncësabi oquin cana mi cupíon.

Mateo 20:3

Xutancëx bari manámi ꞌain cuantëcënxun ca raíri uníxa ñu mëëtiñuma ꞌaish anuxun unin ñu marucë anu bucucë isaxa.

Mateo 20:9

Cacëxun ca axa bari xupíbucëbë ucë unicama cuëncëx aia achúshi nëtën cupíocësa oquin ꞌinánxa.

Mateo 22:19

Uisa cara isnun ca a César buánmiti manë curíqui achúshi ꞌë bëxun. Cacëxun ca bëacëxa.

Mateo 9:37

Nuibaquin atu ꞌaquinsa tanquin ca Jesusan aín ꞌunánmicë unicama cacëxa: —ꞌAisamaira uníxa ëmi sinánti ꞌaínbi ca an atu ꞌëmi sinánun ꞌaquinti uni ꞌitsamashi ꞌicën. Usa ꞌaish ca naënua ꞌaisamaira ñu bimi ꞌaínbia an biti uni ꞌitsamashi, usaribi ꞌicën.

Marcos 12:15

Cacëxun ca Jesusan —uisai caraisna qui quixun ꞌëmi manánuxun cuacatsi quixun ca ꞌë ñucatia —quixun ꞌunánquin cacëxa: —ꞌËmi manánuxun ꞌëx caraisna uisai qui cuacatsi quixun camina ꞌë usoquin cain. Uisa cara isnun ca ꞌapu buánmiti manë curíqui achúshi ꞌë bëxun.

Lucas 1:15

Ax ca Nucën Papa Diosan iscëx uni itsisama ꞌiti ꞌicën. ꞌIanan ca an vino ꞌimainun ñu cachacë xëatima ꞌicën. Aín titaxa bacë́ncëma pain ꞌaíshbi ca Nucën Papa Diosan Bëru Ñunshin Upíñu ꞌiti ꞌicën, usabi ꞌinux.

Lucas 10:35

Usoquian ꞌoon pëcaracëbë cuanquin ca a unin, curíqui ꞌinánquin xubu ꞌibu caxa: Ënë uni camina ꞌë bërúanxunti ꞌain. Bërúanquinmi ënë curíqui cëñuquin minanënribi ꞌaquinia cana utëcënquin mi cupíotëcënti ꞌain.

Lucas 20:24

Uisa cara isnun ca ꞌapu buánmiti manë curíqui achúshi ꞌë bëxun. Cacëxuan bëia isquin ca Jesusan atu cacëxa: —¿Uin bëmánan tanquin ꞌacë cara ënëx ꞌic? ¿Uin anë cara cuënëocë ënëx ꞌic? Cacëxun ca atun cacëxa: —Ax ca Romanu ꞌicë ꞌapu, Césarnën bëmánan tanquin ꞌacë ꞌimainun Césarnën anë ꞌicën.

2 Timoteo 3:15

Chamará ꞌixunbi ꞌá ꞌixun camina Nucën Papa Diosan bana ꞌunanin. A banacama ꞌunánquin camina uisai caramina ꞌiti ꞌai quixun ꞌunánan, uisari caramina Jesucristomi catamëti Nucën Papa Diosnan ꞌinux ië́ti ꞌai quixun ꞌunánti ꞌain.

Apocalipsis 6:6

Isquin cana ꞌitsa bëruñu rabë́ ꞌimainun rabë́ ñu, axribia bamatimoi tsócë, acama nëbë́tsinuaxa banaia cuan, piti ñu cupíira ꞌaían ësai quia: —Achúshi nëtën ñu mëëtancëxun bicë curíquinën camina achúshi kiloishi trigo biti ꞌain. A biquinma camina rabë́ ꞌimainun achúshi kilo cebada biti ꞌain. Usa ꞌaínbi ca i bimin xëni ꞌimainun vinoribi aín cupí usabi ꞌiti ꞌicën.

1 Samuel 2:18

Usokia atun ꞌamainun ka, bëná ꞌixun Samuelnën efod kakë chupa upíira lino ꞌakë a pañukë ꞌixun Nukën ꞌIbun ñu mëëti ënkinma abi ꞌakëxa.

1 Samuel 2:26

Usa ꞌain ka Samuel bërunani kanikin upíokin ñu ꞌaia Nukën ꞌIbun ismainun unikamanribi upí tuá ꞌixuan upíokin ñu ꞌaia ꞌunánkëxa.

1 Samuel 3:1

Samuelnën ka uni bëná ꞌixun Elínën ꞌamikëxun Nukën ꞌIbun ñu mëëti ꞌakëxa. A nëtë kaman ka ꞌitsaira abë banakin uibi bana ñuixuanan namákësa okían isnun Nukën ꞌIbun ismiama ꞌikën.

1 Samuel 3:21

ꞌImainun ka Nukën ꞌIbun amiribishi abë banakin Siló, kakë ëmanu anuxun Dios rabiti xubu ꞌikë anuxun katëkëankëxa. Anuxun ka aín bana ꞌunánkin Samuel ꞌunánmiakëxa.