Mateo 2:19 - Kashibo-Kakataibo Biblia

¹⁹ Usa ꞌain ca Herodes bama ꞌain Egiptonuxun namáquin Josénën Nucën ꞌIbu Diosan ángel achúshi isacëxa.

Nukën 'Ibu Diosan ain unikama 'inan ain bana

¹⁹ Usa 'ain ca Herodes bama 'ain Egiptonuxun namáquin Josénën Nucën 'Ibu Diosan ángel achúshi isacëxa.

Mateo 2:19 ပူးပေါင်းရင်းမြစ်များ

Salmos 139:7

¿Uinu karana ꞌëx min bëru ñunshin ëbiani kuanti ꞌain? ¡Kana uinubi kuantima ꞌain! ¿Uinu karana mi ëbiani ꞌëx abati kuanti ꞌain? ¡Uinubi kana kuantima ꞌain!

Mateo 1:20

Usoquin sinántancëx ꞌuxun ca Josénën namáquin Nucën ꞌIbu Diosan xucë aín ángel achúshi isacëxa. Iscëxun ca cacëxa: —José, Davitan rëbúnqui, cana mi cain. Maríanën tuá ax ca Nucën Papa Diosan Bëru Ñunshin Upitan ꞌimicëxëshia ꞌicë ꞌicën. Usa ꞌain camina timaquinma min xanu ꞌinun María biti ꞌain.

Mateo 2:20

Iscëxun ca amiribishi cacëxa: —Niruquiani ca aín titacëñun a tuá bibiani amiribishi Israel nëtënu cuantëcëntan. An a tuá ꞌaisa tancë unicama ca bamaxa. Usa ꞌain camina cuantëcënti ꞌain.

Mateo 2:22

Usa ꞌain ca José cuantëcënti ꞌaíshbi —Herodes axa bama ꞌain ca aín bëchicë Arquelao, ax Judea menu ꞌapu ꞌicë —quixun ñuia cuax anu cuantëcënti racuë́acëxa. Racuëti ca namáquin istancëx Judea me anu Arquelao ꞌicë anu cuaníma Galilea menu cuancëxa, aín namácësabi oi.

Mateo 27:19

Pilatoa anuxun uni manania cuati, anu ꞌain ca aín xanun achúshi uni xuquin Pilato ësoquin camiacëxa: —Ënë uni cupí cana masáquin namáan. Ax ca ꞌuchañuma ꞌicën. Usa ꞌain camina a ꞌanun uni ꞌinántima ꞌain. Ësaquian aín xanun camicë banaribi sinánquin ca Pilatonën Jesús chiquíntisa tancëxa.

Hechos 5:19

Usocëbi ca Nucën ꞌIbu Diosan xucëx, imë́ uxun, aín ángel achúshinën sipu xëócaxun chiquínquin cacëxa: