Mateo 2:15 - Kashibo-Kakataibo Biblia

¹⁵ Anu ca Herodes pan bamatamainun ꞌiacëxa. Nucën ꞌIbu Diosan ꞌamicëxuan aín unin cuënëosabi oi ca Egipto menu ꞌiacëxa. A banax ca ësai quia: “Egiptonua cana ꞌën Bëchicë bëan”.

Nukën 'Ibu Diosan ain unikama 'inan ain bana

¹⁵ Anu ca Herodes pan bamatamainun 'iacëxa. Nucën 'Ibu Diosan 'amicëxuan aín unin cuënëosabi oi ca Egipto menu 'iacëxa. A banax ca ësai quia: “Egiptonua cana 'ën Bëchicë bëan”.

Mateo 2:15 ပူးပေါင်းရင်းမြစ်များ

Éxodo 4:22

Usa ꞌain kamina ꞌë ñuikin, faraón kati ꞌain: Ësai ka Nukën ꞌIbu kiaxa: Israel unibunëx ka ꞌën rëkuë́n bëchikësa ꞌikën, usa ꞌikë kana atu nuibatin.

Oseas 11:1

ꞌËn kana Israelkama ꞌën uni ꞌikë tuá xura ꞌakësokin nuibakën; usa ꞌixun kana atu Egipto menuax chikitia ꞌën bëchikë ka ax ꞌikë kixun kakën:

Números 24:8

Dios an Egipto menua chikinbëtsikin atu bëa ax ka atun Dios ꞌikën, usa ꞌaish ka vaca ain bënë raëkëma manchañu aín kushisa ꞌikën. Usa ꞌixun ka Israel unibunën axa ami nishkë unikama ñuina raëkëman nami pikësa okinshi abë ꞌakanankin; kupitanuma aín pian ꞌakin këñuti ꞌikën.

Mateo 1:22

An Nucën Papa Dios quicë bana uni ñuixuncë unían cuënëosabi oquin ca ángelnën José usaquin cacëxa. A bana ca ësai quia:

Mateo 2:14

Usoquian ángelnën cacëx niruquin aín titacéñun a tuá bibiani ca José imë́ Egipto menu cuancëxa.

Mateo 2:17

Usaquin ꞌacëbë ca Jeremíasnën cuënëo bana quiásabi oi ꞌiacëxa. A banax ca ësai quia:

Mateo 2:19

Usa ꞌain ca Herodes bama ꞌain Egiptonuxun namáquin Josénën Nucën ꞌIbu Diosan ángel achúshi isacëxa.

Mateo 2:23

Galilea menu bëbatancëx ca Nazaret ëmanu tsoti cuancëxa, usai ꞌitioquian an Nucën Papa Dios quicë bana uni ñuixuncë unicaman ñuiasabi oi. A banax ca ësai quia, Jesús ca Nazaretnu ꞌicë uni ꞌicë quixun ca unin caia.

Mateo 21:4

Usaía ꞌiácama ax ca Nucën Papa Diosan aín uni cuënëomiasabi oía ꞌiá ꞌicën. Ësai ca a bana quia:

Mateo 26:54

An aín ángelcama ꞌë ꞌië́minun xucëbë cana bamatima ꞌain. Usa ꞌaínbi cana ꞌëx aín bana quiásabi oi ꞌiisa tancë cupí an aín ángelcama xunun caiman.

Mateo 26:56

Anuxun ꞌë bixunmabimi mitsun bërí ꞌë bicë ënëx ca asérabia an Nucën Papa Dios quicë bana uni ñuixuncë unin cuënëo bana quicësabi oi ꞌia. Usoquian atu caia cuabiani ca aín ꞌunánmicë unicamax Jesús ëbiani abácëxa.

Mateo 27:35

Usaía ꞌia anu matástancëxun ca suntárunën anuaxa Jesús bamanun i curúsocë nitsíancëxa. Nitsíntancëx ca uin cara isa aín chupa bëtsi bëtsi biti ꞌicë iscatsi quixun ñuratsu pain niquin tantancëx Jesusan chupa mëtíquiacëxa. Usa ꞌain ca a Nucën Papa Dios quicë bana uni ñuixuncë uni quiásabi ꞌiacëxa, ësai quicë: “ꞌËn chupa ca ñuratsu pain niquin tantancëx mëtíquiaxa”.

Mateo 8:17

Isaías quiásabi oquin ca usaquin ꞌacëxa, ësai quicë: “An ca nun ñucë pëxcüanan an nu paëocëcama nu tërë́caxuanxa”.

Lucas 24:44

Pitancëx sënë́nxun ca Jesusan atu cacëxa: —ꞌËx bamacëma pain ꞌixun ꞌën mitsu cacësabi oi ca ꞌiaxa. ꞌË ñuiquin cuënëo banacama Moisésnën ꞌa, ꞌimainun an Nucën Papa Dios quicë bana uni ñuixuncë unicaman cuënëo banacama, ꞌimainun Salmosribi, acamaxa ꞌë ñui quicë bana axa quicësabi oi ca ꞌiti ꞌicë quixun ꞌën mitsu cacësabi oi cana ꞌian.

Juan 19:28

Usa ꞌain ca Jesus, ꞌën ꞌati ñucama cana cëñua quixun ꞌunani Nucën Papa Diosan bana cuënëo quicësabi oi, —cana shimain —quiacëxa.

Juan 19:36

Nucën Papa Diosan bana cuënëosabi oi ca ënë ñucama ꞌiacëxa. Ax ca ësai quia: “Aín xo achúshibi ca tëcë́ntima ꞌicën”. A bana quicësabi oquin ca uínbi aín xo achúshibi tëcë́anma ꞌicën.

Hechos 1:16

—ꞌËn xucë́antu, ësaquin cana mitsu cain. Nucën Papa Diosan Bëru Ñumshin Upitan sinánmicëxuan Davidnën cuënëo bana quicësabi oi ca Judas, an Jesús uni bimicë, ax ꞌiaxa.