Mateo 2:13 - Kashibo-Kakataibo Biblia

¹³ An ñu ꞌunáncë unicamaxa aín menu cuantëcëan ca Nucën ꞌIbu Diosan ángelnën José namámiquin cacëxa: —Herodesnën ca a tuá ꞌaminuxun bariminuxun ꞌaia. Usa ꞌain camina niruquianquin aín titacëñun a tuá bibiani Egipto menu cuanti ꞌain. Cuantancëx camina ꞌën mi cacë́xmi utëcënun anu ꞌiti ꞌain.

Nukën 'Ibu Diosan ain unikama 'inan ain bana

¹³ An ñu 'unáncë unicamaxa aín menu cuantëcëan ca Nucën 'Ibu Diosan ángelnën José namámiquin cacëxa: —Herodesnën ca a tuá 'aminuxun bariminuxun 'aia. Usa 'ain camina niruquianquin aín titacëñun a tuá bibiani Egipto menu cuanti 'ain. Cuantancëx camina 'ën mi cacë́xmi utëcënun anu 'iti 'ain.

Mateo 2:13 ပူးပေါင်းရင်းမြစ်များ

1 Reyes 3:5

Achúshi ñantan ka Gabaón ëmanuxun, ꞌuxkë namámikin Diosan Salomón kakëxa: Añu ñu kaina kuëënkin ꞌë ñukáti akana mi ꞌinánti ꞌai kixun ka Diosan kakëxa.

Éxodo 1:22

Usaia ꞌikëbëtan a kuëënkinma faraónën, aín unikama kakëxa: Kamina Israel bëbu tuá bakënia bakami niti ꞌain, nianan kamina xanu tuakamaishi kania ꞌuakamë ꞌëotanun ënti ꞌain.

Mateo 1:20

Usoquin sinántancëx ꞌuxun ca Josénën namáquin Nucën ꞌIbu Diosan xucë aín ángel achúshi isacëxa. Iscëxun ca cacëxa: —José, Davitan rëbúnqui, cana mi cain. Maríanën tuá ax ca Nucën Papa Diosan Bëru Ñunshin Upitan ꞌimicëxëshia ꞌicë ꞌicën. Usa ꞌain camina timaquinma min xanu ꞌinun María biti ꞌain.

Mateo 10:23

Achúshi ëmanuxun bana ñuixuniabi unin mitsun bana cuaisama tanquin bëtsi bëtsi ocëx camina bëtsi ëmanu cuanti ꞌain. Anuxunribi bana ñuixunia unin mitsu bëtsi bëtsi ocëx camina anuaxribi bëtsi ëmanu cuanti ꞌain. ꞌËn cana asérabi mitsu cain, anu Israel unibu ꞌicë ëmacamanuxun mitsun unicama bana ñuixuncëma pain ꞌain cana ꞌëx uni ꞌinux Nucën Papa Diosnuax uá ꞌëx utëcënti ꞌain.

Mateo 2:12

Usoquian ꞌináncë ca namámiquin Nucën Papa Diosan anua Herodes ꞌicë anun cuanxma ꞌinun cacëx bai itsin cuantancëx aín nëtënu bëbacëxa.

Mateo 2:14

Usoquian ángelnën cacëx niruquin aín titacéñun a tuá bibiani ca José imë́ Egipto menu cuancëxa.

Mateo 2:16

Usa ꞌain ca —an ñu ꞌunáncë unicaman ca ꞌë paránxa —quiax Herodes ꞌaisamairai nishacëxa. Nishquin ca an ñu ꞌunáncë unin ñuicë bana sinánquin Jesús isa rabë́ baritia aín bacë́ncë ꞌicë quixun sináncëxa. Sinánxun ca aín uni xuacëxa, camabi Belénu ꞌicë rabë́ baritiañu bëbu tuácama ꞌanan rabë́ baritiañuma bëbu tuácamaribi ꞌabianxun a ꞌurama ꞌicë ëmacamanuaribi bariquin cëñunun quixun.

Mateo 2:22

Usa ꞌain ca José cuantëcënti ꞌaíshbi —Herodes axa bama ꞌain ca aín bëchicë Arquelao, ax Judea menu ꞌapu ꞌicë —quixun ñuia cuax anu cuantëcënti racuë́acëxa. Racuëti ca namáquin istancëx Judea me anu Arquelao ꞌicë anu cuaníma Galilea menu cuancëxa, aín namácësabi oi.

Hechos 10:22

Cacëxun ca a unicaman Pedro cacëxa: —Cornelio cacë suntárnunën cushi, ax upí uni ꞌianan an Nucën Papa Diosan bana cuacë ꞌicëa upí uni ꞌicë judíos unicaman ꞌunáncë, a ca Nucën Papa Diosan xucë ángelnën caxa, min bana cuanuxuan aín xubunumi cuanun mi caminun quixun.

Hechos 10:7

Ësoquin catancëx ángel cuan ca Cornelionën, an ñu mëëxuncë uni rabë́cëñun ax ꞌicësaribitia ax Nucën Papa Diosmi sináncë suntáru achúshi aribi cuëancëxa.

Hechos 12:11

Nëtë́cëbë ca upí oquin sinani Pedro quiacëxa: —Asérabi cana bërí ꞌunanin, judíos unicamax cuëëncësabi oquian Heródesnën ꞌë ꞌati ꞌicëbi ca aín ángel xuquin Nucën ꞌIbu Diosan ꞌë ië́miaxa —quixun.

Hechos 12:7

Usa ꞌaínbi ca Nucën ꞌIbu Diosan xucë́xa aín ángel ucëbëshi aín cushían sipu pëcacë ꞌiacëxa. Usaía ꞌicëbëtan aín pichánpurunu ratícaquin bësúnquin ca ángelnën Pedro cacëxa: —Bënëtishi ca nirut. Quixuan cacëbëshi ca anun mëtëcërëcacë manë risi tubucuti nipacëacëxa.

Hechos 16:36

Usaquin caxun xucëx cuanxuan cacëxun ca an sipuacë unicama bërúancë unin Pablo cacëxa: —An uníxa uni itsimi manania cuacë unicaman ca mi chiquínun quixun ꞌë camiaxa. Usa ꞌain camina chuámashirua ꞌaish cuanti ꞌain.

Hechos 5:19

Usocëbi ca Nucën ꞌIbu Diosan xucëx, imë́ uxun, aín ángel achúshinën sipu xëócaxun chiquínquin cacëxa:

Hechos 7:19

Usa ꞌixun ca a ꞌapux uni paránti ꞌunáncë ꞌianan upíma ꞌixun, bëbuaquin bëchicë tuácama bamatanuan ꞌura racánun quixun nucën raracama cacëxa.

Josué 3:13

Uínsaran kara sacerdotekaman bunántisa okin ꞌakë kurin ratakakakë anua Nukën ꞌIbun kamabi men ꞌibu ain bana a buani tapukikiankëbë ka tëarabëti amo rabë́ chairui aín rëbumiax ꞌia ubúkë ax tikimainun kuabúkë ax amorabë́ chitëti nunkuruti ꞌikën.

Josué 3:17

Usakian Jordán kakë baka ëskinun ꞌimikëbë Israel unibu sikarakëmainun ka sacerdote unikama anua a tanti Diosan bana ꞌikë bunántisa okin ꞌakë, kurin ratakakakë buánkë unikama ax Jordán kakë baka ë́skia me rakákë a nëbëtsi kamabi uníxa sikarakëmainun nirakëakëxa.

Josué 4:10

Usa ꞌain ka sacerdotekama bunántisa okin ꞌakë kurin ratakakakë anua usai ꞌiti bana ꞌikë an uankë akamaxa Jordán kakë baka tëarabëti me rakákë anu sëtë́mainun Israel unibunën usokin ꞌanúan Nukën ꞌIbun Josué kakësabiokin ka kamabi ñu ꞌakëxa. Usakin ꞌaminuan Moisésnën Josué kakësabiokin. ꞌAkëbë ka anuax unikama bënëtishi sikarakëakëxa,

Josué 4:18

kakëxa bënëtishi Jordán kakë baka anua atux sëtë́kë anuax kuaini këñurukin me amákëbëishi baka chitë́kë ax anubi rakarakëtëkënkin kamabi maputëkëankëxa.

Apocalipsis 12:14

Nuicëxbi ca a xanux Nucën Papa Diosan ꞌimicëx, tëtëcamëꞌëon pëchisa rabë́ ꞌaish aín pëchi chaira ꞌiaxa. Anun anu uni ꞌicëma me, anu a ñuina chaira capë́sa ax cuantima, anu nuánti cupí ca usaquin Nucën Papa Diosan ꞌimiaxa, anuxun an mëníosabi oquin rabë́ ꞌimainun achúshi baritia ꞌimainun mëcën achúshi ꞌimainun achúshi ꞌuxën piti ꞌinánuxun.

Apocalipsis 12:4

Aín ina chaira anun ca maë́ncësoquin ꞌispacama nëbë́tsi, rabë́ ꞌimainun achúshi oquin tëacësa ꞌaíshbi amo ꞌicë achúshi menua nipacënun rëupaxa. Usoquin ꞌispa rëupatancëx ca bacënia aín tuá ꞌenux, tuñu xanu bëmánon niracëaxa.

Apocalipsis 12:6

Bacë́ntancëx ca a xanu anu uni ꞌicëma menu cuanxa, anua ax ꞌiti Nucën Papa Diosan mënío anu. Mil doscientos sesenta nëtën ꞌi anu ꞌia ca an mëníosabi oquin Nucën Papa Diosan anúan ax upitax tsónun piti ꞌinánti ꞌicën.