Mateo 18:7 - Kashibo-Kakataibo Biblia

⁷ Ësaribiti ca ꞌia. Bëtsi unían ñu ꞌatima ꞌanun sinánmicëxun ꞌai ca uni aín ꞌucha cupí ꞌitsaira tëmëraia. Camabi unix ca ñu ꞌatima ꞌanun quixuan bëtsi unin sinánmicë ꞌicën. Usa ꞌaínbi ca an bëtsi uni ꞌatima ñu ꞌamicë ax ꞌuchañuira ꞌaish ꞌaisamaira oquin castícancë ꞌiti ꞌicën, aín ꞌucha cupí.

Nukën 'Ibu Diosan ain unikama 'inan ain bana

⁷ Ësaribiti ca 'ia. Bëtsi unían ñu 'atima 'anun sinánmicëxun 'ai ca uni aín 'ucha cupí 'itsaira tëmëraia. Camabi unix ca ñu 'atima 'anun quixuan bëtsi unin sinánmicë 'icën. Usa 'aínbi ca an bëtsi uni 'atima ñu 'amicë ax 'uchañuira 'aish 'aisamaira oquin castícancë 'iti 'icën, aín 'ucha cupí.

Mateo 18:7 ပူးပေါင်းရင်းမြစ်များ

Génesis 13:7

an Abramnën vacakama bërúankë unikamabë Lotnën vaca an bërúankë unikama nishanani ubionankëxa. Usa ꞌain ka a nëtëkaman, cananeo ꞌimainun ferezeo unikamax pain anu tsókë ꞌiakëxa.

2 Samuel 12:14

ꞌAínbi kamina minbi ꞌaisamaira oí ami kuaikin Diosan kakëxun kuaisama tankin aín bana parëkin an kuëënkëma ñu ꞌan, usa ꞌain ka min bakë bëchikë bërí náchikikë ax chamara ꞌaíshbi ñuti ꞌikën.

Mateo 16:23

Usaquin cacëx cuainacëquin ca Jesusan Pedro ñu caquin cacëxa: —Min camina ñunshin ꞌatimanën ꞌapu, Satanás, an sináncësa oquin sinanin. Usaquin sinánxunma ca ꞌat. Min camina ꞌë ñu ꞌatima ꞌamitisa tanin. ꞌËn Papa Dios cuëëncësabi oi ꞌiáxma ꞌëx ꞌinun quixun sinánquin camina unin sináncësa oquinshi sinanin.

Mateo 26:24

Asérabi Nucën Papa Diosan bana cuënëosabi oi cana uni ꞌinux anuax uá, ꞌëx bamati ꞌain. Usa ꞌaínbi ca an ꞌatimonuxun binun uni ꞌë ꞌináncë uni, ax ꞌuchañuira ꞌaish uisoquin cara ꞌati ꞌicë usoquian Nucën Papa Diosan ꞌacë ꞌiti ꞌicën. Usai ꞌitima cupí ax unitima ca ꞌiacëxa.

Marcos 13:7

Mitsun camina uni itsían —bëtsi menu ꞌicë unicamax ca bëtsibë ꞌacánania quixun ñuia cuanuxun ꞌain. Cuanan camina —raíri unicamaxribi ca raíribë ꞌacánania —quixun ñuia cuatíbi racuë́tima ꞌain. Usaía ꞌicëbëbi ca ënë mecama cëñúcëma pain ꞌiti ꞌicën.

Lucas 17:1

Jesusan ca aín ꞌunánmicë unicama cacëxa: —Camabi nëtënu ca an uni itsi ꞌatima ñu ꞌanun quixun sinánmicë uni ꞌiti ꞌicën. Usa ꞌaínbi ca an sinánmiquin bëtsi uni ꞌatima ñu ꞌamicë, ax ꞌuchañuira ꞌaish ꞌaisamaira oquin castícancë ꞌiti ꞌicën.

Juan 17:12

Ënë nëtënu atubë ꞌixun cana minmi ꞌë ꞌináncë unicama min cushínbi bërúan. ꞌËn bërúancëxun ca acama achúshinënbi ꞌëmi sinánti ëncëma ꞌicën. Usa ꞌaínbi ca achúshi uni axa usai ꞌiti ꞌia, an cuni ꞌëmi sinánti ëanxa, a ñuia min bana cuënëo quicësabi oquin.

Hechos 1:16

—ꞌËn xucë́antu, ësaquin cana mitsu cain. Nucën Papa Diosan Bëru Ñumshin Upitan sinánmicëxuan Davidnën cuënëo bana quicësabi oi ca Judas, an Jesús uni bimicë, ax ꞌiaxa.

1 Corintios 11:19

Usaquin bëtsi bëtsi oquin sinania raírinëx cuamiananmainunbi raírinëx nishananiama isquin ca unin isti ꞌicën, uicamax cara asérabi Cristonan ꞌicë quixun.

1 Timoteo 6:1

An uni ñu mëëxuncë uni, ax Jesucristomi catamëcë ꞌixun ca an ñu mëëmicë uni ñuiquinma upíxuinshi ñu mëëxunti ꞌicën, unían Nucën Papa Dios ñuianan aín banaribi ꞌatimaquin ñuiti rabanan.

Tito 2:5

Ñu ꞌaisama ꞌacëma ꞌianan ca bëcántapun ꞌitima ꞌicën. ꞌIanan ca aín xubu upí oquin bërúancë ꞌianan upiti abë cananquin bëtsi xanu ꞌaquincë ꞌiti ꞌicën. Aín bënën bana ca cuati ꞌicën. Unínma Nucën Papa Diosan bana ca upíma ꞌicë quixun caia, usa ꞌain ca an aín bana cuacë xanucamax usai ꞌi upí ꞌiti ꞌicën.

Tito 2:8

ꞌUnánmiquin camina upí oquin ꞌunánquin Nucën Papa Diosan bana quicësabi oía ꞌinun upí oquin unicama ñuixunti ꞌain, bëtsi unían —min bana ca ꞌaisama ꞌicë —quixun ñuiti rabanan. Usoquinmi ꞌacëbë ca axa mimi nishtisa tancë unicama ax a cupía mi ñuiti bana ꞌaíma ꞌain, rabínti ꞌicën.

Judas 1:4

Uni raírinëx ca parani mitsubë timëtia. Mitsubë timë́xunbi ca mitsun sináncësabi oquin sinanima. A unicamax ca ësai quia: Nucën Papa Dios upí ꞌixun ca nux cuëëncësa oquinshi ñu ꞌaiabi nu uisabi oimá. Usaquin sinánquin ca ꞌaisama ñu ꞌaia. ꞌAi ca —ꞌëx cana Nucën Papa Diosnan ꞌai —quibi axëshi nun ꞌIbu, ax cuëëncësabi oi ꞌima. —ꞌËx cana Nucën ꞌIbu Jesucristonan ꞌai —quixunbi ca aín bana quicësabi oquin ꞌaima. Usa uni ñui ca Nucën Papa Diosan bana cuënëo quia, usaía ꞌicë unicamax ca ꞌaisamaira oquin ꞌuchocë ꞌiti ꞌicë quiax.

1 Samuel 2:17

Usokia Elínën bakë bëchikëkaman Dios ꞌinainshiti ꞌikëbi ꞌakë ax ka Nukën ꞌIbun iskëx ꞌaisama ꞌiakëxa, usokian atun ꞌakëx ka Nukën ꞌIbu ꞌaxunkë ñu ax ꞌaisama okin ꞌakë ꞌiakëxa.