Mateo 18:4 - Kashibo-Kakataibo Biblia

⁴ Ui unix cara ënë tuásaribi ꞌaish cha ꞌiti sinanima ꞌëmi catamëtia, ax ca Nucën Papa Dios naínu ꞌicë an iscëx aín uni raírisamaira ꞌicën.

Nukën 'Ibu Diosan ain unikama 'inan ain bana

⁴ Ui unix cara ënë tuásaribi 'aish cha 'iti sinanima 'ëmi catamëtia, ax ca Nucën Papa Dios naínu 'icë an iscëx aín uni raírisamaira 'icën.

Mateo 18:4 ပူးပေါင်းရင်းမြစ်များ

Mateo 18:1

Usai ꞌicëbëtan ca anu cuanquin aín ꞌunánmicë unicaman Jesús ñucáquin cacëxa: —¿Nucën Papa Diosan nëtënu cara uix anu ꞌicë unicamabëtan sënë́nmaira ꞌiti ꞌic?

Mateo 18:3

—Asérabi cana mitsu cain, mitsux cha ꞌiisa tanquin usaquin ꞌë ñucati camina sinanati ꞌain. Sinanacëma ꞌianan tuácamaxa cha ꞌiti sinanima an a bërúancë unimi catamëcë, usaribiti ꞌëmi catamëcëma ꞌaish camina mitsux Nucën Papa Diosnan ꞌitima ꞌain.

Mateo 18:5

Uicaman cara ꞌëmi sinánquin ënë tuásaribi ꞌicëa —ñuumara ca —quixun unin sináncë uni a ꞌaquinsa ꞌicë nuibaquin ꞌaquinia, an ca ꞌëribi ꞌaquinia.

Marcos 10:43

Usa ꞌaínbi camina mitsux usai ꞌitima ꞌain. Uix cara bëtsi unisama ꞌiisa tania, an ca mitsúxmi upitax bucunun ñu mëëquin ꞌaquinti ꞌicën.

Marcos 9:34

Cacëxunbi ca bain cuani —uinu ꞌicë nucama achúshinëxira cara nubë sënë́nma ꞌicë —quiax atúxbi ñucacanánpuni rabínquin cáma ꞌicën.

Lucas 14:11

Usaribi oquin ca anbia rabíquin —ꞌëx cana cha ꞌai —quixun sináncë uni a Nucën Papa Diosan aín uni itsicamabëtan sënë́nmara ꞌimiti ꞌicën. ꞌImainun ca cha ꞌiti sinani rabícëma uni, a cuni Nucën Papa Diosan cha ꞌimiti ꞌicën.

Lucas 9:48

Nitsínxun ca aín ꞌunánmicë unicama cacëxa: —Uicaman cara ꞌëmi sinánquin ënë tuásaribi ꞌicëa, ñuumara ca, quixun unin sináncë uni a ꞌaquinsa ꞌicë nuibaquin ꞌaquinia, an ca ꞌëribi ꞌaquinia. Usaquin ꞌaquin ca ꞌëishima, ꞌën Papa Dios, an ënu unun ꞌë xua, aribi ꞌaquinia. An cha ꞌiti sinánquinma uni itsi ꞌaquincë uni a ca Nucën Papa Diosan bëtsi unibëtan sënë́nmaira isia.

Santiago 4:10

—ꞌËx cana an iscëx ꞌaisamaira ꞌuchañu ꞌai —quixun sinánquinmi cacëxun ca Nucën ꞌIbu Jesucristonën mitsun ꞌuchacama tërë́nquin upíira ꞌaíshmi cuëënun mitsu ꞌimiti ꞌicën.

1 Pedro 5:5

Usaribi oquin cana bëná unicama ësaquin cain, mitsun cushicaman bana camina timaquinma cuati ꞌain: Nucën Papa Dios ca unia rabíti cuëënima. Usa ꞌixunbi ca axa rabícëma unicama nuibaquin ꞌaquinia. Usa ꞌain camina —ꞌëx cana bëtsi unisamaira ꞌai —quixun sinanima camáxbi bëtsin sináncësaribi oquin sinani upiti ꞌësëananti ꞌain.