Mateo 18:16 - Kashibo-Kakataibo Biblia

¹⁶ Min cacëxuan cuaisama tancëbë camina bëtsi uni an a ñucama ꞌunáncë, a buani, axa mimi nishcë uni anu cuantëcënti ꞌain. Abëmi cuancë uni anribia cacëxun ca axa mimi nishcë uni an, asérabi ca minmi ñuicë bana ax ꞌicë quixun ꞌunánti ꞌicën. ꞌUnánan ca mix camina asérabi abë upí ꞌiisa tani quixun ꞌunánti ꞌicën.

Nukën 'Ibu Diosan ain unikama 'inan ain bana

¹⁶ Min cacëxuan cuaisama tancëbë camina bëtsi uni an a ñucama 'unáncë, a buani, axa mimi nishcë uni anu cuantëcënti 'ain. Abëmi cuancë uni anribia cacëxun ca axa mimi nishcë uni an, asérabi ca minmi ñuicë bana ax 'icë quixun 'unánti 'icën. 'Unánan ca mix camina asérabi abë upí 'iisa tani quixun 'unánti 'icën.

Mateo 18:16 ပူးပေါင်းရင်းမြစ်များ

1 Reyes 21:13

Usokia ꞌan ka axa ami këmëi banai usaisa kiaxa kitia anëkë uni rabë́ axribi anua timëkankë anuax, usaisa Nabot kiaxa kiax kamabi unin kuamainun ësai kiakëxa. Nabot ënëx ka Dios ñui kianan ka ꞌapu ñuiribi ami ꞌatimati banaxa kiakëxa. Usai uni rabë́ ax kikëbëtan ka Nabot anua ꞌikankë atun ëmanua chikinbianxun a ꞌurinxun maxáxan ꞌakin rëkankëxa.

Juan 8:17

Moisésnën cuënëo bana ca quia, achúshi unin banaxa bëtsix quicësaribi ꞌain ca, a uni rabëtan banax ca asérabi ꞌicë quixun unin ꞌunánti ꞌicën.

2 Corintios 13:1

Mitsu isi rabëti cuan ꞌaíshbi cana amiribishi mitsu isi cuantëcënti ꞌain. Camabi ñu ca unin, rabë́ unían ñuia cuapánti ꞌicën. Rabë́ ꞌimainun achúshi unían ñuiaira ca asérabi ca quixun ꞌunánti ꞌicën.

Deuteronomio 19:15

Ësokin ka Moisésnën Israel unikama katëkëankëxa: Achúshi uníxa këmëi banai a unin ka ꞌatima ñuira ꞌakin a tanti bana kikësokin ꞌakinma uni ꞌaxa kikëbëtan kamina asérabi ka ax ꞌikë kixun sinántima ꞌain. Usa ꞌaínbi kamina rabë́ ꞌimainun achúshi uni an usai ka asérabi ꞌiaxa kixun bana ñuiti bëkë axa asérabi ka usakin ꞌaxa kikëbëtan usa ka kixun kati ꞌain.

1 Timoteo 5:19

Axa Jesucristomi catamëcë unicaman cushia, usai ca ꞌia quixun uni achúshinën ñuia camina cuashiti ꞌain. Rabë́ unían ñuia camina cuapánti ꞌain. Rabë́ ꞌimainun achúshi unían ñuiaíra camina —asérabi ca —quixun ꞌunánti ꞌain.

Hebreos 10:28

An usai ca judíos unicama ꞌiti ꞌicë quixun Moisésnën cuënëo bana quicësabi oquin ꞌacëma uni a ñuia, rabë́ ꞌimainun achúshi uni —asérabi ca usa ꞌicë —quicëbëtan ca nuibati sinanaquinma a uni uni itsin ꞌaia. Rabë́ uníxëshia a ñui usai quicëbëtanribi ca usaquin ꞌaia.

Apocalipsis 11:3

A unicamaxa ꞌatimati anu nimainun cana an ꞌë ñuiquin unicama canun rabë́ uni xuti ꞌain. A uni rabë́ ax ca rabë́ olivos cacë iisa ꞌimainun rabë́ anu lamparín nanti ñusa ꞌicën. An ca ꞌën xucëxun ꞌaisamaira nëtë, mil doscientos sesenta, a nëtëcama ꞌë ñuiquin bana unicama ñuixunti ꞌicën. Atux ca masá nuitucë unían pañucësaribi chupa pañucë ꞌiti ꞌicën.