Mateo 18:14 - Kashibo-Kakataibo Biblia

¹⁴ Usaribiti ca mitsun Papa Dios naínu ꞌicë ax aín unicama achúshiratsunënbia a ënti cuëënima.

Nukën 'Ibu Diosan ain unikama 'inan ain bana

¹⁴ Usaribiti ca mitsun Papa Dios naínu 'icë ax aín unicama achúshiratsunënbia a ënti cuëënima.

Mateo 18:14 ပူးပေါင်းရင်းမြစ်များ

Isaías 40:11

ꞌIanan ka an ñuina bërúankë unían aín ñuina bërúankin; aín ñuinakama nuibakin aín shikami okin ꞌikúkin bixun tuianan, axa bërí bakënkëkamaribi bëruinra okë usaribi okin ꞌaia.

Mateo 18:13

ꞌËn cana asérabi mitsu cain, bariquin mërax ca bëtsi carnerocama isia cuëëncësamaira oi axa nëtë́cë a mërax cuëënia.

Mateo 18:15

Jesusan ca ësaquinribi aín ꞌunánmicë unicama cacëxa: —Axa mix ꞌicësaribiti Nucën Papa Diosmi sináncë uníxa mimi ꞌuchaia camina abëishi banaquin —ësai camina ꞌëmi ꞌucha —quixun a cati ꞌain. Usoquinmi cacëxun cuati sinanati ca mibë upí ꞌitëcënti ꞌicën.

Mateo 5:16

Usaribi oquin camina mitsun mibë ꞌicë unicama upiti bucuti ꞌunánun ꞌaquincë ꞌaish lamparínsaribi ꞌiti ꞌain. Mitsun ñu upí ꞌaia isquin ca cuëënquin a unicaman min Papa Dios naínu ꞌicë a rabiti ꞌicën.

Mateo 6:32

An Nucën Papa Dios ꞌunáncëma unicaman ca ñuñu ꞌitishi sinánan aín piti bitishi sinánan aín chupa bitishi sinania. A unicaman usaquin sináncë ꞌaínbi ca mitsun Papa Dios naínu ꞌicë an ꞌunania, mitsux chupañu ꞌianan pitiñu ꞌaish cuni camina upitax bucuti ꞌai quixun.

Mateo 6:9

Usa ꞌain camina ësaquin cai Nucën Papa Diosbë banati ꞌain: Nucën Papa Dios, naínu ꞌicë, mix camina asérabi min sinan upíira ꞌain. Usa camina mix ꞌai quixun ca camabi uni mi ñui upí banáinshi banati ꞌicën.

Lucas 12:32

Ësaquinribi ca Jesusan aín ꞌunánmicë unicama cacëxa: —Mitsux camina ꞌënan ꞌain. Usa ꞌaish ꞌitsairama ꞌaínbi ca mitsux ainan ꞌianan aín nëtënu abë ꞌiti Nucën Papa Dios cuëënia. Usaquin ꞌunani camina racuë́tima ꞌain.

Juan 17:12

Ënë nëtënu atubë ꞌixun cana minmi ꞌë ꞌináncë unicama min cushínbi bërúan. ꞌËn bërúancëxun ca acama achúshinënbi ꞌëmi sinánti ëncëma ꞌicën. Usa ꞌaínbi ca achúshi uni axa usai ꞌiti ꞌia, an cuni ꞌëmi sinánti ëanxa, a ñuia min bana cuënëo quicësabi oquin.

Juan 21:15

Pia sënë́ncë ca Jesusan Simón Pedro cacëxa: —¿Jonásnën bëchicë, Simón, min ñucama sináncësamaira oi caramina ꞌëmi sinánquin ꞌë nuibatin? Cacëxun ca cacëxa: —ꞌËn ꞌIbu, min camina ꞌunanin, ꞌën cana mi nuibatin. Quia ca cacëxa: —ꞌËn carnero bacë ca piminuxun ꞌat.

2 Timoteo 2:10

An sinánmicëx ca ꞌitsa uni Nucën Papa Diosnan ꞌinux Cristo Jesúsmi sinánti ꞌicën. Acamaxa aín ꞌuchacama tërë́ncë ꞌianan Cristo Jesúsbë ꞌaish xënibua ꞌaínbi Nucën Papa Diosnan ꞌinun cana unían tëmëramicëxunbi tanshiti cuëënquin a bana ñuin.

Hebreos 12:13

Usa ꞌixunmi mitsun aín cuëëncësa oquin ꞌaia isquin ca raíri uniribi ami catamëti upí oquin ꞌunáncëma ꞌaíshbi a ëníma mitsux ꞌicësaribiti ꞌiti ꞌicën. Usaía atux ꞌinun camina Jesucristomi catamëquin aín cuëëncësa oquin ꞌati ꞌain.

2 Pedro 3:9

Usa ꞌain ca —ca uti ꞌicë quiá ꞌaíshbi ca Jesucristo xënibutia —quiáxa uni quicë ꞌaínbi uti ꞌixúnbi Jesucristonën achúshira uníxbia ainanma ꞌaish castícancë ꞌiti cuëënima, camabi unia sinanati ami catamëti cuëënia.