Mateo 18:12 - Kashibo-Kakataibo Biblia

¹² Ësaribi oquin ca Jesusan cacëxa: —Ca ësa ꞌicën. ¿Cien carneroñua ꞌaínbia achúshi amanu cuani nëtëtia cara unin a baritima ꞌic? Raíri noventa y nueve an matá menuxun pasto piia ëbianxun ca axa nëtë́cë a bariti ꞌicën, ¿usa cat?

Nukën 'Ibu Diosan ain unikama 'inan ain bana

¹² Ësaribi oquin ca Jesusan cacëxa: —Ca ësa 'icën. ¿Cien carneroñua 'aínbia achúshi amanu cuani nëtëtia cara unin a baritima 'ic? Raíri noventa y nueve an matá menuxun pasto piia ëbianxun ca axa nëtë́cë a bariti 'icën, ¿usa cat?

Mateo 18:12 ပူးပေါင်းရင်းမြစ်များ

1 Reyes 21:17

Usa ꞌain ka Diosan Tisbé ëmanua tsóa uni Elías a kakëxa:

Isaías 53:6

Kamabi nukamax kananuna ovejakama nëtë́kësa ꞌinun, nukamax achúshi achúshinëx nun kuëënkësoishi niakën, ꞌaínbi ka Nukën ꞌIbun ainansa ꞌikë nun ñu ꞌatima ꞌakëkama kamabi nukamanua mëníokëxa.

Ezequiel 34:12

An ñuina bërúankë uníxa aín ovejakama abisi nëtë́an ami sinánkësaribi oi kana ꞌëx ꞌën unikamaxa ovejasa ꞌain ami sinánti ꞌain; usai atumi ꞌikin kana achúshi nëtë́an atumi nishkë unikaman nëtë tunankuatsinkësa usairibi ꞌikin axa atumi nishkë unikaman bibiankin anu buan me anuabi atux timë́nun ꞌimitëkënti ꞌain.

Ezequiel 34:16

ꞌËnbi kana ꞌën unikama ovejakama ꞌarakakë ꞌikësaia amami amami kuani nëtë́këkama a bëtëkënti ꞌain, bëkin kana axa ꞌinsínkë akamaribi ronkin chupa sanin aín taëmi ñukë tëkërëkaxuanan, axa ñusmakëkamaribi kushinun bërúanti aín, ꞌanan kana xuabu ꞌimainun aín kushibu akamaribi bërúankin. ꞌËn kamabi atu bërúanti ꞌain.

Ezequiel 34:28

Usa ꞌain ka bëtsi ëmanu ꞌikë unikaman atu ꞌibuatëkëntima ꞌikën, ꞌimainun ka raëkëma ñuinakamanribi atu pitëkëntima ꞌikën. Usa ꞌain ka uínbi rakuëokëma upitax tsókanti ꞌikën.

Ezequiel 34:4

Mitsux kamina an ñuina bërúankë unia aín ñuina bërúankinbi ꞌinsíanxa kushikëma akamaribi ronkima ꞌanan axa aín taëmi ñuax tatimakë a nëaxunkëma usa ꞌianan, axa amami kiax nëtë́kë a barixun upioxun bëkima rishkikin ꞌatima okë usaribi ꞌain.

Ezequiel 34:6

Usakin ꞌakëx ka amami amami kuani aín bashikama ꞌimainun matá me kamanu kuani ꞌianan, mekamanu kuani abisi nëtë́akëxa, usai ꞌiabi ka uínbi ami sinánkin ꞌakinuxun baritisama tankëxa.

Mateo 12:11

Cacëxun ca Jesusan cacëxa: —¿Micama uinu ꞌicën caramina anun ñu mëëtima nëtë́an mitsun ꞌaracacë ñuina quininu nipacëtia biquinma isëshiti ꞌain? Camina isëshiquinma biti ꞌain, ¿usa cat?

Mateo 18:13

ꞌËn cana asérabi mitsu cain, bariquin mërax ca bëtsi carnerocama isia cuëëncësamaira oi axa nëtë́cë a mërax cuëënia.

Mateo 21:28

Usaquin catancëxun ca Jesusan judíos unibunën ꞌapucama ësaquinribi cacëxa: —¿Uisai quicë cara ënë bana ꞌic? ësai quicë. Achúshi unix ca bëchicë rabë́ñu ꞌiaxa. ꞌIxun ca achúshi caxa: Bërí nëtën camina naënu ñu mëëi cuanti ꞌain.

Mateo 22:42

—¿Mitsun sináncëx cara Cristo, axa ꞌapu ꞌitia judíos unibunën caíncë, ax uisa uni ꞌic? ¿Uin rëbúnqui cara ax ꞌiti ꞌic? Cacëxun ca cacëxa: —Ax ca Davitan rëbúnqui ꞌiti ꞌicën. Usa ꞌaish ca Davidbë sënën ꞌiti ꞌicën.

1 Corintios 10:15

Mitsúxmi sinánñu uni ꞌicë cana usaquin mitsu cain. Usa ꞌixun camina ꞌën mitsu cacëxun cuaquin ënë banax ca asérabi ꞌicë quixun ꞌunánti ꞌain.

1 Pedro 2:25

Carneronëxa ꞌibuñuma ꞌaish ꞌicësari camina mitsux ꞌiacën. Usa ꞌiá ꞌaíshbi camina sinanati Cristomi catamëan. Amia catamëcëxuan aín ꞌibun carnero bëruancësa oquin ca an upími ꞌinun mitsu bërúanquin ꞌaquinia.