Mateo 18:10 - Kashibo-Kakataibo Biblia

¹⁰ ꞌËn unicamax ca tuáratsusa ꞌaish ñuuma ꞌicë quixun camina sinántima ꞌain. ꞌËn cana mitsu cain, ca ñuumama ꞌicën. An a bërúancë ángelcamax ca Nucën Papa Diosbëbi ꞌicën.

Nukën 'Ibu Diosan ain unikama 'inan ain bana

¹⁰ 'Ën unicamax ca tuáratsusa 'aish ñuuma 'icë quixun camina sinántima 'ain. 'Ën cana mitsu cain, ca ñuumama 'icën. An a bërúancë ángelcamax ca Nucën Papa Diosbëbi 'icën.

Mateo 18:10 ပူးပေါင်းရင်းမြစ်များ

2 Samuel 14:28

Rabë́ baritia ꞌimi Jerusalénnu tsókinbi ka Absalónnën aín papa ꞌisama ꞌikën,

1 Reyes 22:19

Kia ka Micaíasnën kakëxa: —Mix kamina usai kian, usa ꞌain kamina ꞌën ꞌIbun iskë ñu ñuikin mi kamainun upíokin kuati ꞌain: ꞌËn kana Nukën ꞌIbu anua tsótinua tsókë isan, isanan kana aín ángel naínua ꞌikë kamaribi a rapasu sëtë́kë aín mëkeu raíri ꞌimainun aín mëmiu sëtë́kë isan.

Salmos 15:4

an ñu ꞌatima ꞌati kuëënkë uni abi iskinma, Dios ishi rabia ashi nuibakë uni ꞌianan; uisa ñu kara ꞌakatsi kiaxa añu uisa ñu kara inúkinbi ꞌakë uni;

Salmos 34:7

Nukën ꞌIbun ka aín ángel kushiira an rabikë unikama ꞌakianan ië́minun kixun xutia.

Salmos 91:11

an ka aín ángelkama uinu karamina kuani anuabi mi bërúanun xuti ꞌikën.

Mateo 1:20

Usoquin sinántancëx ꞌuxun ca Josénën namáquin Nucën ꞌIbu Diosan xucë aín ángel achúshi isacëxa. Iscëxun ca cacëxa: —José, Davitan rëbúnqui, cana mi cain. Maríanën tuá ax ca Nucën Papa Diosan Bëru Ñunshin Upitan ꞌimicëxëshia ꞌicë ꞌicën. Usa ꞌain camina timaquinma min xanu ꞌinun María biti ꞌain.

Mateo 12:20

Pëcú pëchi sitan oquin pësínpacë a ca xanun ꞌaisama ꞌicë putia. Usa ꞌaínbi ca ꞌën Bëchicënën uni ꞌaisama ꞌaísha ꞌuchañu ꞌaíshbi ainan ꞌiisa tania cuantánun xutima ꞌicën. Lamparín bënabuti cuíncësa ca axa ami sinanibi ami cushiiracëma uni ax ꞌicën. Usa unibi ca ainan ꞌiaxma cuantánun xutima ꞌicën. Anun camabi ñu ꞌaisamacama cëñuti nëtë utámainun ca aín cushínbi ami catamëcë unicama ꞌaquinti ꞌicën.

Mateo 18:14

Usaribiti ca mitsun Papa Dios naínu ꞌicë ax aín unicama achúshiratsunënbia a ënti cuëënima.

Mateo 18:6

Usa ꞌain ca an ꞌëmia sináncë uni ꞌimainun tuá ꞌëmia sinánti ënun quixun ꞌatima ñu ꞌamiquin ꞌuchamicë unix aín ꞌucha chaira ꞌicën. Usa ꞌaish ca ꞌaisamaira oquin castícancë ꞌiti ꞌicën. A unix ca anun ñu rënti maxax ami tëtëcërëcatancëxun parúnmapa nëbë́tsi nicë́xa uni nanë́cësamaira oi castícancë ꞌiti ꞌicën.

Mateo 2:13

An ñu ꞌunáncë unicamaxa aín menu cuantëcëan ca Nucën ꞌIbu Diosan ángelnën José namámiquin cacëxa: —Herodesnën ca a tuá ꞌaminuxun bariminuxun ꞌaia. Usa ꞌain camina niruquianquin aín titacëñun a tuá bibiani Egipto menu cuanti ꞌain. Cuantancëx camina ꞌën mi cacë́xmi utëcënun anu ꞌiti ꞌain.

Mateo 2:19

Usa ꞌain ca Herodes bama ꞌain Egiptonuxun namáquin Josénën Nucën ꞌIbu Diosan ángel achúshi isacëxa.

Mateo 24:31

Manë banañu bana ocëbë uquin cana ꞌën ángelcama xuti ꞌain, ꞌënan ꞌinun ꞌën caíscë unicama camabi menua ꞌëbëa ꞌinun ꞌë timëxunun.

Lucas 1:19

Cacëxun ca ángelnën cacëxa: —ꞌËx cana abë ꞌixuan an cacësabi oquin Nucën Papa Dios ñu ꞌaxuncë ángel, Gabriel, a ꞌain. Usa ꞌicë ca an upí bana ënë ñuiquin mi canun quixun ꞌë xuaxa.

Lucas 10:16

Caxun ca a xuti unicama ësaquinribi cacëxa: —An mitsun bana cuacë uni, an ca ꞌën banaribi cuatia. ꞌImainun ca an mitsun bana cuaisama tancë uni, an ꞌën banaribi cuaisama tania. An ꞌën bana cuaisama tancë uni, an ca Nucën Papa Dios, an ënë menu ꞌë xua, aín banaribi cuaisama tania.

Lucas 16:22

A ñuñuma uníxa bamaia ca ángelcaman anu Abraham ꞌicë anu buáncëxa, buáncëx ca Abrahambë ꞌiacëxa. Usa ꞌain ca ñuñu uni axribi bamacëxa, bamacë ca maíncancëxa.

Hechos 10:3

Usa ꞌixun ca bëtsi nëtën bari cuabutia, a las tres ꞌain, namáquin iscësoquin ángel achúshi Nucën Papa Diosan xucëx anu aia upí oquin isacëxa. Iscëx anua ꞌicënu atsínquin ca —Cornelio —caquin cuëancëxa.

Hechos 12:15

Abáquianquian cacëxunbi ca cacancëxa: —Sapi camina ñunshían —quixun. Usaquin cacëxbi ca quiacëishiacëxa: —Asérabi ca Pedro ꞌicën. Quia ca: —Ama ca. Aín ángel sapi ca —quixun cacancëxa.

Hechos 12:23

Usaía quicancëbëbi ca Herodes: ꞌËx cana diosma ꞌain, ꞌë rabixunma ca Diosëshi rabican —quiama ꞌicën. Usa ꞌain ca unicaman a rabicëbëtan, Nucën ꞌIbu Diosan bënë́nquinshi xucëxuan, aín ángelnën ꞌimicëx Herodes ꞌinsíancëxa. ꞌInsíanx ca xënan picëx bamacëxa.

Hechos 27:23

Ënë imë́ cana ainan ꞌixun ꞌën a rabicë, Nucën Papa Diosan xucë́xa ucë ángel isan.

Hechos 5:19

Usocëbi ca Nucën ꞌIbu Diosan xucëx, imë́ uxun, aín ángel achúshinën sipu xëócaxun chiquínquin cacëxa:

Romanos 14:10

Anúan ax uti nëtë sënë́ncëbëtan ca Cristonën uisai caranuna ꞌia, uisa ñu caranuna ꞌa quixun nu isti ꞌicën. ¿Usa ꞌain caramina uisacasquin Nucën Papa Diosan uni itsíxa miisaribi uni ꞌaínbi, a ñui manánti ꞌain? Camina ꞌitima ꞌain. ¿Uisacasquin caramina a ñuiti ꞌain? Camina ꞌatima ꞌain.

Romanos 14:21

—Usaquin ñu ꞌati ca ꞌaisama ꞌicë —quixun sinánquinbi usa ñu ꞌai ca uni ꞌuchanan Cristomi cushicëma ꞌia. Usa ꞌain camina nami piti, ñu xëati, uisa ñu ꞌati cara, a mitsun ꞌaia isía uni itsi ꞌuchati rabanan usa ñu ꞌatima ꞌain. Usaquinmi ꞌatima ca Nucën Papa Dios cuëënia.

Romanos 15:1

Bëtsi bëtsi ñu ꞌati ca asábi ꞌicë quixun nun ꞌunáncë ꞌixunbi cananuna uni itsían, usa ñu ꞌati ca Nucën Papa Dios cuëënima quixun sináncë cupí a ñu ꞌaisa tanquinbi ꞌatima ꞌain.

1 Corintios 11:22

Mitsux camina anuxun pianan xëati xubuñu ꞌain. Axa Jesucristomi catamëcë unicamabë timë́axmi usai mitsux ꞌicëbë ca uni raírinëx Nucën Papa Dios timai ainan ꞌiisama tanti ꞌicën. Usami ocëx ca anu ꞌicë ñuñuma unicamax ñuñuma ꞌaish rabinia. ¿Uisoquin carana mitsu cati ꞌain? ¿Usaími ꞌia carana uisa ꞌixun mitsu —asábi camina ꞌai —quixun cati ꞌain? Cana catima ꞌain.

1 Corintios 16:11

Usa ꞌain camina a ñui uisaíbi banacantima ꞌain. Axa nucën xucë́antu raíribë aia cana cainin. Usa ꞌain camina mitsubë ꞌitancëxa ënu unun anúan uti ñu ꞌinánan upí oxun xuti ꞌain.

1 Corintios 9:22

Jesucristomi catamëcë ꞌixunbi upí oquin ami catamëti ꞌunáncëma unicama Jesucristomi upiti catamënun quixun cana atun sináncë ñu timaquinma bana ñuixunin. Camabi uni cana uisai cara atux ꞌia usairibi ꞌiquin, Cristomi upiti catamënun ꞌaquinin.

2 Corintios 10:1

ꞌËx Pablo ꞌicë Cristonën sinánmicëxun an ꞌacësaribi oquin mitsu nuibaquin upí oquin cati cana cuëënin. Uni raírinëx caísa quia, ꞌëx mitsubë ꞌaish isana mitsu ñu caíma upitishi banain. Bëtsi ëmanuxun quirica buánmiquin cuni isana ñu caquin cacësa oquin mitsu cain.

2 Corintios 10:10

Uni raírinëx caísa quia, ꞌën quiricanu cuënëocë bana ax cushi ꞌaínbi isana ꞌëx mitsubë ꞌaish cushima ꞌianan ꞌëx quicësa oquin unin ꞌaisama ꞌai quiax.

Gálatas 6:1

ꞌËn xucë́antu, axa Jesucristomi catamëcë unían manúxun ñu ꞌaisama ꞌaia camina mitsux asérabi Nucën Papa Diosan Bëru Ñunshin Upitan sinánmicë ꞌixun axa upí ꞌinun quixun nuibaquin ꞌaquinti ꞌain, rabíquin —ꞌëx cana ꞌuchañuma ꞌai —quixun sinánquinma. Mixribi usai ꞌitin rabanan camina bërúancati ꞌain.

1 Tesalonicenses 4:8

Usa ꞌain ca, ui unin cara nun mitsu ꞌunánmicë banacama ënë cuaisama tania an, unin banama, Nucën Papa Dios, an aín Bëru Ñunshin Upí nu ꞌináncë, aín bana timaia.

1 Timoteo 4:12

Usoquin ꞌanan camina mix mëcó unima cupía unin timaquin min bana cuaisama tanti rabanan upí uni ꞌiti ꞌain. Mixmi ꞌicësaribitia axa Jesucristomi catamëcë unicamaxribi upí ꞌinun camina upiti bananan, upitishi ꞌianan, unicama nuibanan, uisa ñu cara ꞌicëbëbi Jesucristomi catamëanan, min xanuma ꞌain xanubë ꞌitima ꞌain.

Hebreos 1:14

Camabi ángelnëx ca an Nucën Papa Dios ñu ꞌaxuncë ꞌicën. Usa ꞌixun ca an xucëxun, uicamax cara an mëníosabi oi Nucën Papa Diosnan ꞌinux ië́nuxun ꞌaia, acama ꞌaquinia.

Hebreos 9:24

Ax ca tabernáculo, anua Nucën Papa Dios ꞌicë tanquian unin ꞌacë, anuma, anua Nucën Papa Dios ꞌicë anubi atsíancëxa, anuxuan nu Nucën Papa Dios ñucáxuncë anu.

Apocalipsis 8:2

Usaía ꞌicëbëtan cana mëcën achúshi ꞌimainun rabë́ ángel Nucën Papa Dios bëmánon nicë isan. Iscëxun ca Nucën Papa Diosan ꞌináncëxun, a ángelcama achúshi achúshinën manë banañu biaxa.