Mateo 17:5 - Kashibo-Kakataibo Biblia

⁵ Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca ꞌëx amiira sinani cuëëncë, ꞌën bacë bëchicë ꞌicën. Aín bana ca cuacan.

Nukën 'Ibu Diosan ain unikama 'inan ain bana

⁵ Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca 'ëx amiira sinani cuëëncë, 'ën bacë bëchicë 'icën. Aín bana ca cuacan.

Mateo 17:5 ပူးပေါင်းရင်းမြစ်များ

Job 38:1

Usa ꞌain ka ax kikë banakama ñuikin suñúan chaiira ꞌikuatsini bëkikë anuxun Diosan Job kakëxa:

Éxodo 19:19

Usaia ꞌimainun ka aín manë bana okë a munu paian bania kuakëxbi amiribi amiribi ꞌi kushiira ꞌinun banakëxa; banamainun ka Diosan abë banakin Moisés kaná banakësai banakin kakëxa.

Isaías 42:1

Ësai ka Nukën ꞌIbu kiakëxa. Ënu ka ꞌën kuëënkësabi okin ꞌati ꞌën kaískë uni ax ꞌikën, ënëx ka ꞌëx a isi ꞌitsaira kuëënkë a ꞌikën, usa ꞌain kana ꞌën bëru ñunshin a ꞌinan, usa ꞌixun ka kamabi menu ꞌikë unikama upíokian ñu ꞌanun ꞌamiti ꞌikën.

Isaías 42:21

Nukën ꞌIbu an ka ax Dios ië́mianankë ꞌixun, aín bana ax ka chaiira ꞌianan kushi ꞌikë kixun ꞌunánmisa tankëxa:

Mateo 12:18

Ënëx ca ꞌëx cuëëncësabi oquin ꞌanun ꞌën caíscë ꞌianan ꞌën nuibairacë a ꞌicën. A isi cana cuëënin. ꞌËn cushi cana a ꞌinánti ꞌain. ꞌInáncëxun ca judíosma unicamaribi uisoquin carana ꞌën atúxa upí ꞌinun ꞌimiti ꞌai quixun ñuixunti ꞌicën. Ñuixuanan ca ꞌën cana camabi unían ñu ꞌaia isquin uisa carana oti ꞌai usoquin ꞌati ꞌai quixun ñuixunti ꞌicën.

Mateo 17:6

Ësai quia cuati ca ꞌaisamairai racuëti memi bëúmpucuti racábuacëxa.

Mateo 3:17

Usai ꞌicëbëtan ca Jesusan naínuaxa banaia cuacëxa, ësai qui: “Ënëx ca ꞌëx amiira sináncë bacë bëchicë ꞌicën. Ami sinani cana chuámarua tani cuëënin”.

Marcos 1:11

Usaía ꞌicëbëtan ca Jesusan naínuaxa banaia cuacëxa, ësai qui: —Mix camina ꞌëx amiira sináncë bacë bëchicë ꞌain. Mimi sinani cana chuámarua tani cuëënin.

Marcos 9:7

Usaquian Pedronën cacëbëtainshia cuinan atu tupë́oncëxun ca Pedro, Jacobo, Juan, acaman cuin mëucüaxa ësai banaia cuacëxa: —Ënëx ca ꞌëx amiira sináncë, ꞌën bacë bëchicë ꞌicën. Aín bana ca cuacan.

Lucas 3:22

Usacëbë ca Nucën Papa Diosan Bëru Ñunshin Upí numacuru iscësa ꞌaish uax anu ꞌiruacëxa. Usaía ꞌicëbëtan ca Jesusan naínuaxa banaia cuacëxa, ësai qui: —Mix camina ꞌëx amiira sináncë bacë bëchicë ꞌain. Mimi sinani cana chuámarua tani cuëënin.

Juan 3:16

Camabi uni asérabi nuibaquin ca Nucën Papa Diosan aín Bëchicë achúshi ënë menu xuacëxa, uicamax cara ami catamëtia axa nëtë́timoi abë ꞌinun.

Juan 3:35

Nucën Papa Diosan ca aín Bëchicë nuibaquin axa aín ꞌibu ꞌinun camabi ñu a ꞌináncëxa.

Juan 5:37

Mitsun aín bana cuacëma ꞌixunmi uisa cara ax ꞌicë quixun iscëma ꞌaínbi ca Nucën Papa Dios, an ꞌë xuá, aín banax ꞌë ñui asérabi quia.

Hechos 1:9

Ësaquin aín ꞌunánmicë unicama caíshi ca atun ismainunbi manámiquishi naí cuinan mapucëx istëcëntimoi nëtë́acëxa.

Hechos 7:37

Usaquin caxun ca ësaquinribi Estebanën catëcëancëxa: —Moisés ax ca an Israel unicama ësaquin cá a ꞌicën: “An ꞌë ꞌimicësaribi oquin ca mitsun rëbúnqui achúshi, an ax quicë bana unicama ñuixunti uni Nucën Papa Diosan ꞌimiti ꞌicën. ꞌImicëxuan an atu cacësabi oi ca ꞌicanti ꞌicën”.

Efesios 1:6

Usaquin ainan ꞌinun caístancëxun an nu nuibaquin, aín nuibacë Bëchicë nubë ꞌaínu ainan ꞌaish upí ꞌinun nu ꞌimicë ꞌixun cananuna ami catamëquin, xënibua ꞌaínbi a rabin.

Deuteronomio 18:15

Usa ꞌaínbi ka Nukën ꞌIbu Diosan mitsunuaxa achúshi uni an Dios kikë bana ñuikë ꞌën mitsu ñuixunkësaribi okían ñuixunun ꞌimiti ꞌikën, aka mitsun rëbúnki kaman aín bana tanti ꞌikën.

Deuteronomio 18:19

Uikaman kara an ꞌën bana ñuikë unix ꞌën anë ñui kia kuaisamatankin ax kikësa okin ꞌaisama tania a kana ꞌën ꞌatimokin uisa karana oisatani usokin ꞌati ꞌain.

Colosenses 1:13

Ñu ꞌatima ꞌatishi sinánan nux cuëëncësabi oíshi ꞌiisa taniabi ca Nucën Papa Diosan aín nuibacë Bacë Bëchicënan ꞌinun nu ꞌimiaxa.

Hebreos 5:9

Ax tëmëraibi aín Papa Dios cuëëncësabi oi ꞌiá ꞌixun ca an aín bana cuaquin ax quicësabi oquin ꞌacë unicama a aín ꞌucha tërë́nquin Nucën Papa Diosnan ꞌaish xënibua ꞌaínbi abë ꞌinun ië́mia.

Apocalipsis 1:7

Ca is, Cristo, ax ca naí cuin mëu bëbacuatsini unuxun ꞌaia. Aia ca camabi unicaman isti ꞌicën, an manë xëtocën taro, acamánbi ca aia isti ꞌicën. Ax ucëbë ca camabi menu ꞌicë unicama ami sináncëma ꞌaish masá nuituti inti ꞌicën. Asérabi ca usai ꞌiti ꞌicën.

Apocalipsis 14:14

Usaquin istancëxun istëcënquin cana nëtë cuin uxuanua unisa ꞌaish tsócë isan. Aín maxcánu curi ꞌacë mañuti ꞌimainun ca aín mëcënan machítusa ꞌaíshbi tëntúñu manë cuënucë tuíncë ꞌiaxa.