Mateo 17:27 - Kashibo-Kakataibo Biblia

²⁷ Usa ꞌain curíqui ꞌinántima ꞌaínbi camina an curíqui bicë unínma numi nishquin masá sinania quixun ësaquin ꞌati ꞌain. Camina parúmpapanu mishqui cuanti ꞌain. Mishquiquinmi a pain bicë tsatsa, aín ana ꞌucë mëu isquin camina anua curíqui mërati ꞌain. Mëraquin a curíqui bixun camina an curíqui bicë uni ꞌinánti ꞌain. A curíquinëx ca ꞌiti ꞌicën, minan ꞌinánanmi ꞌëribi ꞌinánxuncë.

Nukën 'Ibu Diosan ain unikama 'inan ain bana

²⁷ Usa 'ain curíqui 'inántima 'aínbi camina an curíqui bicë unínma numi nishquin masá sinania quixun ësaquin 'ati 'ain. Camina parúmpapanu mishqui cuanti 'ain. Mishquiquinmi a pain bicë tsatsa, aín ana 'ucë mëu isquin camina anua curíqui mërati 'ain. Mëraquin a curíqui bixun camina an curíqui bicë uni 'inánti 'ain. A curíquinëx ca 'iti 'icën, minan 'inánanmi 'ëribi 'inánxuncë.

Mateo 17:27 ပူးပေါင်းရင်းမြစ်များ

2 Corintios 6:3

Uinu ꞌicë unínbia nun bana —ꞌaisama ca —quixun caquin cuaisama tanunma cananuna ñu ꞌatima ꞌaquinma Nucën Papa Dios cuëëncësabi oquinshi ꞌain.

2 Corintios 8:9

Uisaira oquin cara Nucën ꞌIbu Jesucristonën nu nuibatia quixun camina ꞌunanin. Mitsúxmi chuámarua ꞌianan aín nëtënu xënibua ꞌaínbi abë ꞌiti cupí ca ax aín Papan nëtë upí ëbëtsini ënë menu ñuñuma ꞌinux uacëxa.

1 Corintios 8:9

ꞌAisa tanquin camina uni itsin usa ñu rabiquin ñuina ꞌacë aín nami piti ꞌain. Usa ꞌaínbi camina an upí oquin —a ñux ca unin ꞌacë ꞌaish ñuishi ꞌicë —quixun ꞌunáncëma uni a ꞌuchamiti rabanan sinánti ꞌain, —cana pitima ꞌai —quixun.

1 Corintios 8:13

Usaquin ꞌën a nami piquin axa Jesúsmi sináncë uni itsi ꞌuchamiti rabanan cana xënibua ꞌaínbi unin ꞌacë ñu rabiquin pitia ꞌacë ñu a pitima ꞌain.

Jonás 1:17

ꞌAínbi ka Diosan bakanu ꞌikë ñuina chaiira bainanmë ꞌëo achúshi an Jonás éti nankë ꞌiakëxa. Usokian ꞌakëx ka Jonás rabë́ ꞌimainun achúshi nëtë ꞌianan rabë́ ꞌimainun achúshi imë́ ñuina chaiira bainanmë ꞌëo aín pukunu ꞌiakëxa.

Salmos 8:8

ñuina pëchiñu manan nuánkë a ꞌimainun bakanu ꞌikë ñuina ꞌianan, parúmpapanu ꞌikë ñuina akama ꞌikën.

1 Reyes 17:4

Anu ꞌixun kamina xëxá ꞌumpax a xëati ꞌain, usa ꞌain kana anumi ꞌikëbëtan anuxunmi piti ñu mi uanxunun kana ñumakuru kan.”

Romanos 14:21

—Usaquin ñu ꞌati ca ꞌaisama ꞌicë —quixun sinánquinbi usa ñu ꞌai ca uni ꞌuchanan Cristomi cushicëma ꞌia. Usa ꞌain camina nami piti, ñu xëati, uisa ñu ꞌati cara, a mitsun ꞌaia isía uni itsi ꞌuchati rabanan usa ñu ꞌatima ꞌain. Usaquinmi ꞌatima ca Nucën Papa Dios cuëënia.

Jonás 2:10

Usa ꞌain ka Diosan bakanu ꞌikë bainanmë ꞌëo chaiira axa parúmpapa kuëbí me ꞌurama anu Jonás ëni anákin chikinun ꞌimiakëxa.

Santiago 2:5

ꞌËn nuibacë xucë́antu, ꞌën mitsu camainun ca cuat. Nucën Papa Diosan ca axa ënë menuax ñuñuirama unicama a caísia, atúxa ami upiti catamëcë ꞌianan aín nëtënu abë ꞌinun, an nuibacë unicamax ca usai ꞌiti ꞌicë quiáxa aín bana quicësabi oquin.

Génesis 1:28

Uniotankëxun ka upíokin sinánxunkin kakëxa: Bakë bëchipati kamina mekama tsitsirui ꞌuákamë ꞌëoti ꞌain; baka mëu ꞌikë ñuinakama ꞌimainun manan nuánkë pëchiñu ñuinakama, ꞌimainun axa men niríkë ñuinakama aín ꞌibu kamina ꞌiti ꞌain.

1 Tesalonicenses 5:22

Uisa ñucamax cara ꞌatima ꞌicë, acama ënquin camina uisa ñu ꞌatimaratsubi ꞌatima ꞌicanin.

Juan 6:61

Usaía canania ꞌunánquin ca Jesusan cacëxa: —¿Mitsúnmi cuacëx cara ënë bana cuaisama ꞌic?

Mateo 5:29

Min bëru mëqueu anun ñu isi ꞌatima ñu ꞌati cuëëncë ꞌixunbi camina ashiquin manuquin ënti ꞌain. Usoquin ꞌai camina min bëru achúshi ëchíxun nicësa ꞌiti ꞌain. Mix bëru rabë́ñu ꞌaíshmi manë tsinu anuax tëmërai cuantima cupími min bëru achúshi ëchíxun niti ca asábi ꞌicën.

Mateo 5:30

Min mëcën mëqueu anun ꞌaisama ñu ꞌati cuëëncë ꞌixunbi camina ashiquin manuquin ënti ꞌain. Usoquin ꞌai camina min mëcën achúshi tëaxun nicësa ꞌiti ꞌain. Mix mëcën rabë́ñu ꞌaíshmi manë tsinu anuax tëmërai cuantima cupími min mëcën achúshi tëaxun niti ca asábi ꞌicën.

Mateo 17:26

Cacëxun ca Simón Pedronën cacëxa: —Aín aintsicamama, bëtsi unicama ca a curíqui ꞌinánun quixun caia. Cacëxun ca Jesusan cacëxa: —Ca usa ꞌicën. Aín aintsicaman ca a curíqui ꞌinanima.

Mateo 18:6

Usa ꞌain ca an ꞌëmia sináncë uni ꞌimainun tuá ꞌëmia sinánti ënun quixun ꞌatima ñu ꞌamiquin ꞌuchamicë unix aín ꞌucha chaira ꞌicën. Usa ꞌaish ca ꞌaisamaira oquin castícancë ꞌiti ꞌicën. A unix ca anun ñu rënti maxax ami tëtëcërëcatancëxun parúnmapa nëbë́tsi nicë́xa uni nanë́cësamaira oi castícancë ꞌiti ꞌicën.

Mateo 18:8

Min mëcën, min taë anun ꞌaisama ñu ꞌati cuëëncë ꞌixun camina ashiquin manuquin ënti ꞌain. Usoquin ꞌai camina min mëcëm, min taë tëaxun nicësa ꞌiti ꞌain. Mix mëcën rabë́ñu ꞌaíshmi manë tsinu anuax tëmërai cuantima cupími min mëcën, min taë tëaxun niti ca asábi ꞌicën.

Marcos 9:42

Ësaquinribi ca Jesusan cacëxa: —An uni ꞌimainun tuá ꞌëmia sinánti ënun quixun ꞌatima ñu ꞌamiquin ꞌuchamicë unix ca aín ꞌucha chaira ꞌicën. Usa ꞌaish ca aín ꞌucha cupíbi ꞌaisamaira oquin castícancë ꞌiti ꞌicën. A unix ca anun ñu rënti maxax ami tëtëcërëcatancëxun parúmpapa nëbë́tsi nicë́xa uni nanë́cësamaira oi ꞌatimaira ocë ꞌiti ꞌicën.

Marcos 9:43

Min mëcën anun ꞌaisama ñu ꞌati cuëëncë ꞌixun camina ashiquin manuquin ënti ꞌain. Usoquin ꞌai camina min mëcën tëaxun nicësa ꞌiti ꞌain. Mix mëcën rabë́ñu ꞌaíshmi bënamëtima manë tsinu anuax tëmërai cuantima cupími min mëcën tëaxun niti ca asábi ꞌicën.

Lucas 17:2

An ꞌënan ꞌaíshbia ꞌëmi cushiiracëma pain ꞌicën, a uni ꞌuchamicë uni ax ca ꞌuchañuira ꞌicën. A unix ca anun ñu rënti maxax ami tëtëcërëcatancëxuan parúnpapa nëbë́tsi nicë́xa nanë́cësamaira oi ꞌatimaira ocë ꞌiti ꞌicën.