Mateo 17:22 - Kashibo-Kakataibo Biblia

²² Usoxun ca abëa Galilea menu cuania Jesusan aín ꞌunánmicë unicama cacëxa: —Uni ꞌinux Nucën Papa Diosnuax uá ꞌicë ca ꞌë unin an raíri uni ꞌaminun uni ꞌinánti ꞌicën.

Nukën 'Ibu Diosan ain unikama 'inan ain bana

²² Usoxun ca abëa Galilea menu cuania Jesusan aín 'unánmicë unicama cacëxa: —Uni 'inux Nucën Papa Diosnuax uá 'icë ca 'ë unin an raíri uni 'aminun uni 'inánti 'icën.

Mateo 17:22 ပူးပေါင်းရင်းမြစ်များ

Mateo 16:21

Ësaquin caquin sënë́ontancëxun ca aín bamati ñuixuntabaquin Jesusan aín ꞌunánmicë unicama ësaquin cacëxa: —ꞌËn Papa Dios cuëëncësabi oi cana Jerusalénu cuanin. Cuanx bëbacë ca anu ꞌicë uni apáncamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax ꞌën bana cuaisama tani ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ nëtë ꞌiónxa pëcaracëbë baísquiti ꞌain.

Mateo 16:28

ꞌËn cana asérabi mitsu cain, axa ënu ꞌëbë ꞌicë uni raírinën ca bamacëma pain ꞌixun, uni ꞌinux Nucën Papa Diosnuax uá ꞌicë, ꞌëx cana asérabi ꞌën unicaman cushi ꞌai quixun isti ꞌicën.

Mateo 17:12

Asérabi ꞌaínbi cana mitsu cain, Elías pain ca uaxa. Ucëbi ca judíos unicaman ui cara ax ꞌicë quixun ꞌunáncëma ꞌicën. ꞌUnánquinma ca atúxa cuëëncësa oquinshi a ꞌatimoxa. A ꞌatimocësaribi oquin ca uni ꞌinux Nucën Papa Diosnuax uá ꞌicë ꞌëribi ꞌatimoti ꞌicën.

Mateo 17:23

ꞌInáncëxun bixun ca ꞌë ꞌati ꞌicën. ꞌAcëx bamatancëx cana rabë́ nëtë ꞌiónxa pëcaracëbë baísquinuxun ꞌain. Quixuan cacëxun cuati ca aín ꞌunánmicë unicamax masá nuituacëxa.

Mateo 17:9

Usaquiani matánuax cuanquin ca Jesusan atu cacëxa: —Mitsúnmi isanan cuacë ënë ñucama camina uinu ꞌicë unibi ñuixuntima ꞌain. Uni ꞌinux Nucën Papa Diosnuax uá ꞌaish, ꞌëx bamatancëx baísquicëbëtan cuni camina ënë ñucama unicama ñuixunti ꞌain.

Mateo 24:10

Unían ami nishquin ꞌatimocëxun ca ꞌitsa unin ꞌëmi catamëti ënti ꞌicën. Usai ꞌi abë nishánanquin ca uni raíri, bëtsi unin ꞌatimonuxun binun ꞌinánti ꞌicën.

Mateo 26:16

ꞌInáncëxun ca Judasnë, uisaxun carana ënë unicama Jesús bimiti ꞌai quixun sináncëxa.

Mateo 26:46

Cuanun ca nirucuatsin. An ꞌë unin binun ꞌinánti uni ca aia.

Marcos 8:31

Ësaquin catancëxun ca aín bamati ñuiquin Jesusan aín ꞌunánmicë unicama ësaquin cacëxa: —Uni ꞌinux Nucën Papa Diosnuax uá, ꞌëx cana ꞌatimocë ꞌiti ꞌain. ꞌImainun ca caniacëcëcamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax ën bana cuaisama tani ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ ꞌimainun achúshi nëtë ꞌicëbë baísquiti ꞌain.

Lucas 24:26

¿A bana quicësabi oi cara Cristo, ax aín Papabë ꞌApu ꞌi cuancëma pan ꞌaish, paë tani tëmërati ꞌiax?

Lucas 24:46

ꞌUnánmiquin ca ësaquin cacëxa: —Ësai ca a bana quia, Cristo ca bamatancëx rabë́ ꞌiónxa pëcaratëcëncëbë baísquiti ꞌicën.

Lucas 9:22

Canan ca cacëxa: —Uni ꞌinux Nucën Papa Diosnuax uá, ꞌëx cana ꞌatimocë ꞌiti ꞌain. ꞌImainun ca caniacëcëcamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax, ꞌën bana cuaisama tani, ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ nëtë ꞌiónxa pëcaracëbë baísquiti ꞌain.

Lucas 9:43

Usaquin ꞌaia isi ca anu ꞌicë unicama —Nucën Papa Diosan cushínshi ca Jesusan usaquin ꞌaxa —quixun sinánan —aín cushix ca bëtsi cushisamaira ꞌicë —quixun sinani ratúacëxa. An ca bëtsi unían ꞌacëma ñu ꞌaia quixuan unicaman ñuimainun ca Jesusan aín ꞌunánmicë unicama ësaquin cacëxa:

Hechos 7:52

An Nucën Papa Dios quicë bana uni ñuixuncë unicama ca mitsun raracaman bëtsi bëtsi ocëxa. Bëtsi bëtsi onan ca axa, Nucën Papa Diosan Bëchicë Upíira ca uti ꞌicë quicë unicama aribi ꞌacëxa. A unicama quiásabi oía uá ꞌicëbi camina mitsun a bamamicasquin unían i curúsocënu matásnun ꞌinan.

1 Corintios 11:23

Nucën ꞌIbu Jesusan ꞌë cacë bana ñuiquin cana ësaquin mitsu can, anúan uni itsin ꞌanun quixun unin a ꞌinánti, a ñantan ca Nucën ꞌIbu Jesusan pán biacëxa.