Mateo 17:20 - Kashibo-Kakataibo Biblia

²⁰ Cacëxun ca Jesusan cacëxa: —Mitsun camina uisaira cushi cara Nucën Papa Diosan cushi icë quixun sinaniman. Mostaza bëru ax ca chamaratsu ꞌicën. Asaribi ꞌaish ꞌitsamaratsushi Nucën Papa Diosmi sináncë ꞌixun, Ënë ñu cana ꞌatima ꞌai, quixun sinánquinbi asérabi ami catamëquin ñucáquin camina uisa ñu caramina ꞌaisa tani a ꞌati ꞌain. Mitsux ami ꞌitsamashi catamëcë ꞌixunbimi ënë matá, Ënuax ca ꞌuri tacút, cacëx ca ꞌuri tacúti ꞌicën.

Nukën 'Ibu Diosan ain unikama 'inan ain bana

²⁰ Cacëxun ca Jesusan cacëxa: —Mitsun camina uisaira cushi cara Nucën Papa Diosan cushi icë quixun sinaniman. Mostaza bëru ax ca chamaratsu 'icën. Asaribi 'aish 'itsamaratsushi Nucën Papa Diosmi sináncë 'ixun, Ënë ñu cana 'atima 'ai, quixun sinánquinbi asérabi ami catamëquin ñucáquin camina uisa ñu caramina 'aisa tani a 'ati 'ain. Mitsux ami 'itsamashi catamëcë 'ixunbimi ënë matá, Ënuax ca 'uri tacút, cacëx ca 'uri tacúti 'icën.

Mateo 17:20 ပူးပေါင်းရင်းမြစ်များ

Mateo 13:31

Bana itsi ñuicësoquin ñuixunquin ca Jesusan anu ꞌicë unicama ësaquinribi cacëxa: —Nucën Papa Dios naínu ꞌicë, an cara ainan ꞌiti unicama uisoquin ainan ꞌimiti ꞌicë quiax cana mostaza bëru ñui quin. Ca ësa ꞌicën. Axa chamaratsu ꞌicëbi ca mostaza bëru bitancëxun unin aín naënu ꞌapatia.

Mateo 14:29

Cacëxun ca Jesusan cacëxa: —Ca ut. Cacëx ca Pedro manë nuntinuax ꞌibúquiani parúmpapa camánanën niquiani Jesúsnu cuancëxa.

Mateo 17:17

Quia cuaquin ca Jesusan anu ꞌicë unicama cacëxa: —Mitsun camina Nucën Papa Dios ax ca asérabi cushi ꞌicë quixun sinaniman. Camina ami catamëisama tanin. ¿Mitsúxmi ami catamënun carana uiti nëtën mitsu ꞌunánmiti ꞌain? ¿Uitishi nëtën carana ꞌëx mitsu cupí masá nuituti ꞌain? ꞌË ca a tuá bëxun.

Mateo 17:19

Usaquian ꞌacë ca atúxëshi abë ꞌixun aín ꞌunánmicë unicaman Jesús ñucácëxa: —¿Uisa cupí caranuna nun a tuánu ꞌicë ñunshin ꞌatima chiquíncasman?

Mateo 17:9

Usaquiani matánuax cuanquin ca Jesusan atu cacëxa: —Mitsúnmi isanan cuacë ënë ñucama camina uinu ꞌicë unibi ñuixuntima ꞌain. Uni ꞌinux Nucën Papa Diosnuax uá ꞌaish, ꞌëx bamatancëx baísquicëbëtan cuni camina ënë ñucama unicama ñuixunti ꞌain.

Mateo 21:21

Cacëxun ca Jesusan cacëxa: —ꞌËn cana asérabi mitsu cain, Nucën Papa Diosax ca cushiira ꞌianan ca ax quicësabi oquin ꞌaia quixun ꞌunáncë ꞌixun camina —ca ꞌatima ꞌicë —quixun sinánquinma —ca asérabi ꞌati ꞌicë —quixun sinánti ꞌain. Usaquin sináncë ꞌixunmi ꞌën ënë higuera ꞌacësoquinshi ñu ꞌaquinma ënë matáribi “ënuax ca parúmpapanu racati cuantan” quixun cacëx ca usai ꞌiti ꞌicën.

Mateo 8:26

Quia ca Jesusan bësuquin cacëxa: —¿Uisacatsi caramina racuëtin? Mitsun camina Nucën Papa Diosan ca asérabi nu bërúanquin ꞌaquinia quixun sinaniman. Cai niruquin ca suñúan —ca nëtë́t —canan parúmpaparibi —ca bucubut —quixun cacëxa. Cacëxëshia suñu nëtë́ishimainun ca baca bëchúnribi nëtë́acëxa.

Marcos 11:22

Cacëxun ca Jesusan cacëxa: —Ax cushiira ꞌixun ca Nucën Papa Diosan ax quicësabi oquin ꞌaia quixun sinani ca ami catamët.

Marcos 11:23

Asérabi cana mitsu cain, unían —sapi ca ꞌatima ꞌicë —quixun sinánquinma —asérabi ca Nucën Papa Diosan ꞌati ꞌicë —quixun sinánquin, ënë matá —ënuax ca parúmpapanu racati cuantan —quixun cacëx ca usai ꞌiti ꞌicën.

Marcos 4:31

Ësa ca. Mostaza bëru, menu ꞌapácë, ax ca chamaratsuira ꞌicën, bëtsi ñu bëru chamaratsusamaira ca ax ꞌicën,

Marcos 9:23

Cacëxun ca Jesusan cacëxa: —Minmi ꞌë, ca ꞌaxunti ꞌicë quixun sináncëbëtan cana ꞌati ꞌain. An ꞌëmi catamëquin, ꞌën cana asérabi ꞌaxunti ꞌai quixun sináncë uni a cana uisa ñu cara abi ꞌaxunti ꞌain.

Lucas 1:37

ꞌAíma ca Nucën Papa Diosan ꞌacasmati ñu ꞌicën.

Lucas 17:6

Cacëxun ca Jesusan cacëxa: —Mostaza bëru ax ca chamaratsu ꞌicën. Asaribi ꞌaish ꞌitsamaratsushi Nucën Papa Diosmi sináncë ꞌixun, ënë ñu cana ꞌatima ꞌai quixun sináncëbëtanbi ca mitsúnmi a ñucácëxun mitsu ꞌaxunti ꞌicën. Mitsux ami ꞌitsamashi catamëcë ꞌixunbimi ënë i, ënuax ca ëchiquit, parunpapanu ca tacut, cacëx ca usai ꞌiti ꞌicën.

Lucas 18:27

Cacëxun ca Jesusan cacëxa: —Axbi ië́tisama ꞌicëbi ca Nucën Papa Diosan usa uniribi ië́miti ꞌicën.

Juan 11:40

Usaquian cacëxunbi ca Jesusan Marta cacëxa: —ꞌËn cana mi can, asë́rabi ꞌëmi catamëquin camina Nucën Papa Diosan aín cushin ñu ꞌaia isti ꞌain. ¿Usa cat?

1 Corintios 12:9

Nucën Papa Diosan ca aín Bëru Ñunshin Upitan ꞌimicëxuan uni raírin ami catamëquin —Nucën Papa Diosan ca asérabi ꞌë ꞌaquinia —quixun ꞌunánquin upí ñu ꞌanun ꞌamia. ꞌAmianan ca aín Bëru Ñunshin Upitan ꞌamicëxuan bëtsi bëtsi unin uni ꞌinsíncë pëxcunun quixun ꞌamia.

1 Corintios 13:2

ꞌËn Nucën Papa Diosan a sinánmicë ñu ñuiquin unicama ñuixuanan, camabi ñu ꞌunánquin uni itsin ꞌunáncëma ñuribi ꞌunánan, —Nucën Papa Diosan ca ꞌë ꞌaquinti ꞌicë —quixun sinánquin aín cushin aín bashibi amanu tacuiabi, ca uni itsi nuibaquin ꞌacëma ꞌicë Nucën Papa Diosan ꞌë upí isima.

Hebreos 3:19

Usa ꞌain cananuna a ñucama sinánquin ꞌunanin, atúan aín bana ca asérabi ꞌicë quixun sináncëma ꞌianan ami catamëcëma cupí ca Nucën Papa Diosan a unicama anua chuámarua tani ꞌitia ñuixuncë menu bëbamiama ꞌicën.