Mateo 17:2 - Kashibo-Kakataibo Biblia

² Anu cuantancëx ca a unicaman ismainunbi Jesús bëtsiacëxa. Bëtsii ca barin pëcacësa ꞌinun aín bëmánan ichúacëxa. Aín chuparibi ca uxuira ꞌaish bari upí uruia iscësa ꞌiacëxa.

Nukën 'Ibu Diosan ain unikama 'inan ain bana

² Anu cuantancëx ca a unicaman ismainunbi Jesús bëtsiacëxa. Bëtsii ca barin pëcacësa 'inun aín bëmánan ichúacëxa. Aín chuparibi ca uxuira 'aish bari upí uruia iscësa 'iacëxa.

Mateo 17:2 ပူးပေါင်းရင်းမြစ်များ

Salmos 104:2

ꞌianan kamina tirítan pëkakë chupan rabumëkësaira ꞌain. ¡Min kamina chupa pëninkësa usa okinshi naí kamë ꞌëo uniokën!

Mateo 17:1

Usaquin aín ꞌunánmicë unicama catancëx ca mëcën achúshi ꞌimainun achúshi nëtë ꞌicëbë aín ꞌunánmicë uni raíri ëbiani, Pedrocëñun Jacobo ꞌimainun aín xucën Juan, acamaishi buani Jesús matánu cuancëxa.

Mateo 17:3

Usa ꞌicë isanan ca Elíasbëa Moisés chiquiracëti Jesúsbë banaia isacëxa.

Mateo 28:3

A ángelnëx ca caná mëritia iscësa ꞌianan aín chupa uxuira uxu ꞌiacëxa, matsi uxuira iscësaribi ꞌiacëxa.

Marcos 9:3

Bëtsicëbë ca aín chupa uxuira ꞌaish chabachabaquicësa ꞌiacëxa. Usa ꞌaish ca ënë menu ꞌicë unínbia chupa chacaquinbi uxuocësamaira ꞌaish uxuira ꞌiacëxa.

Lucas 9:29

Anu cuantancëx bëbatancëx aín Papa Diosbë banai ca aín bëmánan bëtsiacëxa. Bëtsicëbë ca aín chuparibi uxuira ꞌaish ichu ichuquicë ꞌiacëxa. Usaía ꞌia ca Pedro, Juan, Jacobo, acaman isacëxa.

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Juan 17:24

Papan, ënë nëtë unitisama pan ꞌain camina ꞌë nuibaquin misaribi ꞌinun min cushi ꞌë ꞌináncën. Usa cana ꞌëx ꞌai quixun isnúxa minmi ꞌë ꞌináncë unicamax anu ꞌëx ꞌicë anuribi ꞌëbë ꞌiti cana cuëënin.

Romanos 12:2

An ënë nëtënu ꞌicë ñuishi sináncë unicaman sináncësa oquin camina sinántima ꞌain. Usaquin sinánquinma camina sinanaquin uisairaimi upí ꞌiti cara Nucën Papa Dios cuëënia, usai ꞌiti ꞌunánan an ꞌaquincëx usai ꞌiti ꞌain.

Apocalipsis 10:1

Bëtsi ángel cushiira, axribia naínuax aia cana isan. Ax ca nëtë cuin mëu nicësa ꞌianan aín maxcá manámi nónbai ꞌimainun aín bëmánan bari pëquicësa ꞌiaxa. ꞌIanan ca aín quisi rabë́ tsi rëquiruia iscësa ꞌiaxa.

Apocalipsis 20:11

Usaquin istancëxun cana anua ꞌapu tsóti uxua chaira isan, anu tsócë aribi cana isan. Iscëxbi ca ax anu ꞌain, me ꞌimainun naícama ꞌimainun anu ꞌicë ñucama nëtë́axa, nëtëti ca anua ax ꞌiti ꞌaíma ꞌiaxa.