Mateo 17:17 - Kashibo-Kakataibo Biblia

¹⁷ Quia cuaquin ca Jesusan anu ꞌicë unicama cacëxa: —Mitsun camina Nucën Papa Dios ax ca asérabi cushi ꞌicë quixun sinaniman. Camina ami catamëisama tanin. ¿Mitsúxmi ami catamënun carana uiti nëtën mitsu ꞌunánmiti ꞌain? ¿Uitishi nëtën carana ꞌëx mitsu cupí masá nuituti ꞌain? ꞌË ca a tuá bëxun.

Nukën 'Ibu Diosan ain unikama 'inan ain bana

¹⁷ Quia cuaquin ca Jesusan anu 'icë unicama cacëxa: —Mitsun camina Nucën Papa Dios ax ca asérabi cushi 'icë quixun sinaniman. Camina ami catamëisama tanin. ¿Mitsúxmi ami catamënun carana uiti nëtën mitsu 'unánmiti 'ain? ¿Uitishi nëtën carana 'ëx mitsu cupí masá nuituti 'ain? 'Ë ca a tuá bëxun.

Mateo 17:17 ပူးပေါင်းရင်းမြစ်များ

Salmos 95:10

ꞌËx kana cuarenta baritia ꞌimi ꞌitsaira atumi nishakën, usai ꞌikin kana a unikama ꞌatimati kananuna tsóti kixuan unánun ꞌunánmiakën; ¡usai ꞌikin ka ax kikësabi oi ꞌiti ꞌën bana a tankama ꞌikën!

Éxodo 10:3

Usa ꞌain ka Moisés ꞌimainun Aarónën anu kuanxun ꞌapu faraón kakëxa: —Ësai ka hebreos unikaman Dios kiaxa: ¿Uínsaran kaina ꞌëx kana Diosmi rakuë́timami kikë a ëni ꞌëmi rakuë́ti ꞌain? ꞌËn unikama kamina, ꞌë rabi kuantanun xuti ꞌain;

Éxodo 16:28

Atux usai ꞌia iskin ka Nukën ꞌIbun Moisés kakëxa: —¿Uínsaran kaina mitsux ꞌën bana kuaisama tanan ꞌën ꞌunánmikësabi oi ꞌiti ꞌain?

Proverbios 1:22

Uni bënákama mitsux kamina usai ꞌiti ka kixun bënë́kinshi ñu ꞌatima ꞌaisa ꞌianan, usakin ñu ꞌakëxa asábi ꞌikë kiax ami kuaianan bana kuakëma ꞌikanin, ¿usa sinanbu ꞌixun kaina uínsarainra mitsun usai ꞌikin ñu unántisama tani ami kuaikë akama ënkanti ꞌain?

Proverbios 6:9

¡Uínsaran kaina chikishimi ꞌuxtisashi tankë anuax niruti ꞌain! ¡ꞌIanan kaina uínsaran mitsux ꞌuxi rakábukë anuax nirukanti ꞌain!

Números 14:11

Usai ꞌikëbëtan ka Nukën ꞌIbun Moisés kakëxa: —¿Uínsaran ira kara ënë unikaman ꞌën ꞌakinkëxunbia ꞌën kana ꞌakinima kixun sinánkë a ënti ꞌik? ¿Uínsaran ira kara ënë unikamax ꞌën kushínbi atun ismainun bëtsi ñukama ꞌa a sinani ꞌëmi katamëti ꞌik?

Números 14:27

—¿Uitishi okin karana Israel unikama an ꞌatima ñuishi ꞌati sinánkë ënëkamax ꞌatimati ꞌëmi banakëxun tënëti ꞌain? ꞌËnbi kana ꞌëmia ꞌatimati banaia kuan.

Mateo 13:58

Usaquian Jesús quicësabi oquin ca anu ꞌicë unicaman —an ca asérabi Nucën Papa Diosan cushínbi ñu ꞌaia —quixun sinánma ꞌicën. Usa ꞌain ca Jesusan ꞌitsa ñu ꞌaquinma uni itsían ꞌacëma ñu ꞌitsamashi ꞌacëxa.

Mateo 16:8

Canania ꞌunánquin ca Jesusan cacëxa: —¿Uisa cupí caramina mitsux, pán cananuna bëcëma ꞌai quiax cananin? Mitsux camina ꞌëmi catamëcëmasa ꞌain.

Mateo 17:16

Usaia ꞌia cana min ꞌunánmicë unicamanu ꞌëa pëxcuxunun quixun bëan. Bëiabi ca ꞌë pëxcuxuncëma ꞌicën.

Mateo 17:18

Cacëxuan bëcëbëtan ca Jesusan a tuánu ꞌicë ñunshin ꞌatima chiquínun caquin chiquíancëxa. Chiquícëbë ca pëxcuti asábi ꞌiacëxa.

Mateo 6:30

Upíira upí ꞌitancëxbia xanania unin tsin nëëncëx ca a ro ua cëñutia. Usai ꞌinunbi ca Nucën Papa Diosan aín ua upíira upí ꞌimia. Usoquin ꞌacë ꞌain camina ꞌunánti ꞌain, ro ua ꞌacësamaira oquin ca an mitsúnmi pañuti chupa mitsu ꞌinánti ꞌicën. Mitsux usaquin sináncëma ꞌaish camina upiti Nucën Papa Diosmi catamëcëma ꞌain.

Mateo 8:26

Quia ca Jesusan bësuquin cacëxa: —¿Uisacatsi caramina racuëtin? Mitsun camina Nucën Papa Diosan ca asérabi nu bërúanquin ꞌaquinia quixun sinaniman. Cai niruquin ca suñúan —ca nëtë́t —canan parúmpaparibi —ca bucubut —quixun cacëxa. Cacëxëshia suñu nëtë́ishimainun ca baca bëchúnribi nëtë́acëxa.

Marcos 16:14

Usai ꞌitancëx ca Jesús aín ꞌunánmicë unicama mëcën rabë́ ꞌimainun achúshi ami atúxa mesanu bucubuan chiquiracëacëxa. Atumi chiquiracëquin ca Jesusan atu cacëxa: —An ꞌë baísquicë iscëcaman, asérabi ꞌëx baísquicë isun cacëxunbi camina, asérabi ca baísquiaxa quixun ꞌë sinántisama tan.

Marcos 9:19

Quia cuaquin ca Jesusan anu ꞌicë unicama cacëxa: —Mitsun camina Nucën Papa Dios ax ca asérabi cushi ꞌicë quixun sinaniman. ¿Mitsúxmi ꞌëmi catamënun carana uiti nëtën mitsu ꞌunánmiti ꞌain? ¿Uitishi oi carana ꞌëx mitsu cupí masá nuituti ꞌain? ꞌË ca a tuá bëxun.

Lucas 24:25

Usaquian cacëxun ca Jesusan cacëxa: —Upí oquin camina sinaniman. An Nucën Papa Dios quicë bana uni ñuixuncë unin cuënëo banax ca asérabi ꞌicë quixun camina sináncëma ꞌain.

Lucas 9:41

Quia cuaquin ca Jesusan anu ꞌicë unicama cacëxa: —Mitsun camina Nucën Papa Dios ax ca asérabi cushi ꞌicë quixun sinaniman. Camina ami catamëisama tanin. ¿Mitsúxmi ami catamënun carana uiti nëtën mitsu ꞌunánmiti ꞌain? ¿Uitishi oi nëtën carana ꞌëx mitsu cupí masá nuituti ꞌain? Usaquin caquin ca a uni —ꞌënu ca min bëchicë bët —quixun cacëxa.

Juan 20:27

Atu catancëxun ca Tomásribi cacëxa: —Min mëcën rëbun ca ënu ticat, ꞌën mëcën rabë́ribi ca is. ꞌËn pichánpurunu min mëcën atsínmiquin ca tan. ꞌËx cana ama ꞌai quixun sinánxunma ca ꞌëx cana asérabi Jesús ꞌai quixun sinan.

Hechos 13:18

Bëquin ca cuarenta baritian anu uni ꞌicëma men aia, atux ami catamëisama tancëxunbi bërúancëxa.

Hechos 2:40

Usoquin canan ca bana raíriribi ñuixunquin Pedronën ꞌësëquin cacëxa: —Ënë nëtënu ꞌicë unían a ꞌunáncëma ꞌaínbi camina mitsux Jesucristomi sinanati Nucën Papa Diosnan ꞌinux ië́ti ꞌain.

2 Corintios 11:1

Sinánñuma uni ꞌicësai ꞌëx rabiti banaiabi mitsun ꞌën bana cuati cana cuëënin. Usai banaiabi ꞌën bana cuatibi camina ꞌicanin.

Deuteronomio 32:5

Israel unikama ꞌimainun kamabi unin bakë bëchikëma upíokin sinanima ñu ꞌatima ꞌai Diosmi banai kia, usai banai ka aín bëchikë ꞌisama ꞌikania: