Mateo 17:1 - Kashibo-Kakataibo Biblia

¹ Usaquin aín ꞌunánmicë unicama catancëx ca mëcën achúshi ꞌimainun achúshi nëtë ꞌicëbë aín ꞌunánmicë uni raíri ëbiani, Pedrocëñun Jacobo ꞌimainun aín xucën Juan, acamaishi buani Jesús matánu cuancëxa.

Nukën 'Ibu Diosan ain unikama 'inan ain bana

¹ Usaquin aín 'unánmicë unicama catancëx ca mëcën achúshi 'imainun achúshi nëtë 'icëbë aín 'unánmicë uni raíri ëbiani, Pedrocëñun Jacobo 'imainun aín xucën Juan, acamaishi buani Jesús matánu cuancëxa.

Mateo 17:1 ပူးပေါင်းရင်းမြစ်များ

Mateo 17:2

Anu cuantancëx ca a unicaman ismainunbi Jesús bëtsiacëxa. Bëtsii ca barin pëcacësa ꞌinun aín bëmánan ichúacëxa. Aín chuparibi ca uxuira ꞌaish bari upí uruia iscësa ꞌiacëxa.

Mateo 26:37

Usaquin cabiani Pedro ꞌimainun Zebedeonën bëchicë rabë́, Jacobocëñun Juan, acama buani cuaníbi ca Jesús —uisai carana ꞌiti ꞌai —quixun sinani masá nuituacëxa.

Marcos 13:3

Usaquin cacëx abë cuanquin ca anuxun Nucën Papa Dios rabiti xubu ꞌuria ꞌicë matá, Olivos, anu tsóbutia Pedro, Jacobo, Juan, Andrés, acaman, unia ꞌaíma ꞌain, atúxëshi abë ꞌixun Jesús cacëxa:

Marcos 5:37

Usaquin cabiani cuanbaiti a ꞌapun xubunu bëbaquin ca Pedro ꞌimainun Jacobo ꞌimainun Jacobonën xucën Juan, acamaishi abëa cuanun cacëxa.

Lucas 8:51

Usaquin cabiani cuanbaiti a ꞌapun xubunu bëbaquin ca Pedro, Juan, Jacobo, acama ꞌimainun xu xanun papa ꞌimainun aín tita, acamaxëshi abë atsínun atsínmiquin, uni raíricama ëmáinshi bërúnun quixun cacëxa.

2 Corintios 13:1

Mitsu isi rabëti cuan ꞌaíshbi cana amiribishi mitsu isi cuantëcënti ꞌain. Camabi ñu ca unin, rabë́ unían ñuia cuapánti ꞌicën. Rabë́ ꞌimainun achúshi unían ñuiaira ca asérabi ca quixun ꞌunánti ꞌicën.

2 Pedro 1:16

Nucën ꞌIbu Jesucristonën cushi ñuixuanan aín utëcënti ñuiquin nun mitsu cacë bana ax ca unían anbi sinánxun ñuicë banama ꞌicën. Nucën bërúnbi cananuna Nucën ꞌIbu Jesucristonëan aín cushínbi ñu ꞌaia isacën.

2 Pedro 1:18

Anua Nucën Papa Diosan cushi ꞌain cananuna matánu Nucën ꞌIbu Jesúsbë ꞌixun, Nucën Papa Dios naínuax usai Jesucristo rabi quia asérabi cuacën.