Mateo 16:7 - Kashibo-Kakataibo Biblia

⁷ Cacëx ca —nunu pán bëcëma cupí ca nu usaquin caia —quiax aín ꞌunánmicë unicamax canancëxa.

Nukën 'Ibu Diosan ain unikama 'inan ain bana

⁷ Cacëx ca —nunu pán bëcëma cupí ca nu usaquin caia —quiax aín 'unánmicë unicamax canancëxa.

Mateo 16:7 ပူးပေါင်းရင်းမြစ်များ

Mateo 16:6

Manubiancëbë ca Jesusan cacëxa: —Fariseo unibu ꞌimainun saduceo unibunëxa anua pán chamiti ñusa ꞌicë ax ꞌicësa usaribi ꞌitin rabanan camina bërúancati ꞌain.

Mateo 16:8

Canania ꞌunánquin ca Jesusan cacëxa: —¿Uisa cupí caramina mitsux, pán cananuna bëcëma ꞌai quiax cananin? Mitsux camina ꞌëmi catamëcëmasa ꞌain.

Mateo 21:25

¿Uin cara Juan unicama nashiminun cacëx? ¿Nucën Papa Diosan cara cacëx? ¿Unin cara usaquian ꞌanun cacëx? Usaquian Jesusan ñucáquin cacëxbi ca uisaquin cara cati ꞌicë quixun ꞌunanima atúxbi ñucacanani quicancëxa: —¿Uisaquin caranuna cati ꞌain? Nun nu —Nucën Papa Diosan ca cacëxa —quixun cati ꞌaínbi ca usaquin nun cacëxun nu —usa ꞌain caramina uisa cupí aín bana cuama ꞌai —quixun nu cati ꞌicën.

Marcos 9:10

Usaquian Jesusan cacësabi oquin a ñucama ui unibi ñuixunímabi ca atúxbi cuni canani quiacëxa: —¿Uisai quicë cara, bamatancëx cana ꞌëx baísquiti ꞌai, quicë ax ꞌic?

Lucas 24:15

Usaía cananquiancëbëbi ca Jesús a caxu cuani, atubë biránanquiani cuancëxa.

Lucas 9:46

Jesusan ꞌunánmicë unicamax ca —uinu ꞌicë nucama achúshinëxira cara nubë sënë́nma ꞌicë —quiax atúxbi ñucacanáncëxa.

Hechos 10:14

Cacëxun cuaquin ca Pedronën cacëxa: —ꞌËn ꞌIbu, cana ꞌaiman, pitima ñu cana ꞌën uisa ꞌixunbi picëma ꞌain.