Mateo 16:23 - Kashibo-Kakataibo Biblia

²³ Usaquin cacëx cuainacëquin ca Jesusan Pedro ñu caquin cacëxa: —Min camina ñunshin ꞌatimanën ꞌapu, Satanás, an sináncësa oquin sinanin. Usaquin sinánxunma ca ꞌat. Min camina ꞌë ñu ꞌatima ꞌamitisa tanin. ꞌËn Papa Dios cuëëncësabi oi ꞌiáxma ꞌëx ꞌinun quixun sinánquin camina unin sináncësa oquinshi sinanin.

Nukën 'Ibu Diosan ain unikama 'inan ain bana

²³ Usaquin cacëx cuainacëquin ca Jesusan Pedro ñu caquin cacëxa: —Min camina ñunshin 'atimanën 'apu, Satanás, an sináncësa oquin sinanin. Usaquin sinánxunma ca 'at. Min camina 'ë ñu 'atima 'amitisa tanin. 'Ën Papa Dios cuëëncësabi oi 'iáxma 'ëx 'inun quixun sinánquin camina unin sináncësa oquinshi sinanin.

Mateo 16:23 ပူးပေါင်းရင်းမြစ်များ

Génesis 3:17

Ësakin xanu katankëxun ka bëburibi kakëxa: —Min kamina min xanun kakëxun kuan. Usa ꞌixun kamina a pixunma ꞌanun ꞌën mi kakë i bimi a pian, ënë pixunma ka ꞌat ꞌën kakëxunbi, usa ꞌain ka bërí me ꞌaisama min ꞌucha kupí ꞌiti ꞌikën; usa ꞌain kamina ꞌitsaira ñu mëëkin menu ñu ꞌapáxun anun mix bamati nëtë ꞌitámainun pinuxun ꞌain.

2 Samuel 19:22

Kiabi ka Davidtan kakëxa: —¡Ënë ñux ka mitsun isti ñuma ꞌikën, Seruiánën bakë tuákama, ꞌëx kana usakinmi ꞌaisa tankë a kuëëniman! ¿Uisa ꞌixun kaina mitsun ꞌën ꞌakë ñu isti ꞌain? Bërí kana upíokin ꞌunanin ꞌëx kana Israel unikaman ꞌapu ꞌain, usa ꞌain ka israel uni achúshibi bërí nëtën bamatima ꞌikën.

Isaías 8:14

Ax ka mitsunan achúshi ñu ami ꞌia ñu biti nankë usa ꞌiti ꞌikën; ꞌianan ka maxá ami tatíkia uni chakákë usaribi ꞌiti ꞌikën, usa ꞌain ka ami Israel ñaká rabë́ ax ꞌiti ꞌikën; usai ka ami ꞌia ñu biti nankë usaribi ax ꞌain ami Jerusalénnu tsókë unikamax ꞌiti ꞌikën.

Mateo 16:22

Usaria quia oquin ca Pedronën Jesús amo nitsinaxun ñu caquin cacëxa: —Usai camina ꞌitima ꞌain, Nucën Papa Diosax ca mixmi usai ꞌiti cuëëntima ꞌicën.

Mateo 18:7

Ësaribiti ca ꞌia. Bëtsi unían ñu ꞌatima ꞌanun sinánmicëxun ꞌai ca uni aín ꞌucha cupí ꞌitsaira tëmëraia. Camabi unix ca ñu ꞌatima ꞌanun quixuan bëtsi unin sinánmicë ꞌicën. Usa ꞌaínbi ca an bëtsi uni ꞌatima ñu ꞌamicë ax ꞌuchañuira ꞌaish ꞌaisamaira oquin castícancë ꞌiti ꞌicën, aín ꞌucha cupí.

Mateo 4:10

Usaquian cacëxun ca Jesusan cacëxa: —Ñunshin ꞌatimanën ꞌapu, ënuax ca cuantan. Nucën Papa Diosan bana cuënëo ca ësai quia: “Min ꞌIbu Diosëshi camina rabiti ꞌain. Rabiquin camina ashi ax cuëëncësabi oquin ñu ꞌaxunti ꞌain”.

Marcos 8:33

Cacëx cuainacëquin aín ꞌunánmicë unicama isquin ca Jesusan Pedro ñu caquin cacëxa: —Min camina ñunshin ꞌatimanën ꞌapu, Satanás, an sináncësa oquin sinanin. Usaquin sinánxunma ca ꞌat. ꞌËn Papa Dios cuëëncësabi oi ꞌiaxma ꞌëx ꞌinun quixun sinánquin camina unin sináncësa oquinshi sinanin.

Lucas 4:8

Usaquian cacëxun ca Jesusan cacëxa: —Ñunshin ꞌatimanën ꞌapu, ënuax ca cuantan. Nucën Papa Diosan bana cuënëo ca ësai quia: “Min ꞌIbu Diosëshi camina rabiti ꞌain. Rabiquin camina ashi ax cuëëncësabi oquin ñu ꞌaxunti ꞌain”.

Juan 6:70

Cacëxun ca Jesusan cacëxa: —¿ꞌËn carana ꞌën ꞌunánmicë uni ꞌinun micama mëcën rabë́ ꞌimainun rabë́ caísama ꞌain? Usai ꞌinun caísa ꞌaíshbi camina micama achúshinëx ñunshin ꞌatimanën ꞌapun sinánmicë ꞌain.

Romanos 14:13

Usa ꞌain cananuna nux Cristonan ꞌaish raíri ñui —an ca ñu ꞌaisama ꞌaia —quiax manántima ꞌain. Usai ami manánquinma camina sinánti ꞌain, uni raírinëxa —usa ñu piti ca ꞌaisama ꞌicë —quixun sinánxbi ꞌën piia isquin anribi pi ꞌuchatin rabanan cana ꞌën a ñu pitima ꞌain.

Romanos 14:21

—Usaquin ñu ꞌati ca ꞌaisama ꞌicë —quixun sinánquinbi usa ñu ꞌai ca uni ꞌuchanan Cristomi cushicëma ꞌia. Usa ꞌain camina nami piti, ñu xëati, uisa ñu ꞌati cara, a mitsun ꞌaia isía uni itsi ꞌuchati rabanan usa ñu ꞌatima ꞌain. Usaquinmi ꞌatima ca Nucën Papa Dios cuëënia.

Filipenses 3:19

Atúan ñunshínquin aín cuëëncësabi oquinshi ñu ꞌaia isquian unin —ñu ꞌaisama ca ꞌaia —quixun ñuicëxbi rabínquinma an ꞌacësabi oquin ꞌai ca rabitia. Jesucristomi sinánquinma ca ënë menu ꞌicë ñuishi sinania. Usaía ꞌicë cupí ca ainanma ꞌaish xënibua ꞌaínbi Nucën Papa Diosbë ꞌitima ꞌicën.

Colosenses 3:2

Camina ënë menu ꞌicë ñuishi sinánquinma Cristo cuëëncësa oishi ꞌiti sinánti ꞌain.