Mateo 16:20 - Kashibo-Kakataibo Biblia

²⁰ Usaquin Pedro catancëxun ca aín ꞌunánmicë unicama Jesusan cacëxa: —ꞌËx cana ax utia judíos unibunën caíncë Cristo a ꞌai quixun camina uinu ꞌicë unibi catima ꞌain.

Nukën 'Ibu Diosan ain unikama 'inan ain bana

²⁰ Usaquin Pedro catancëxun ca aín 'unánmicë unicama Jesusan cacëxa: —'Ëx cana ax utia judíos unibunën caíncë Cristo a 'ai quixun camina uinu 'icë unibi catima 'ain.

Mateo 16:20 ပူးပေါင်းရင်းမြစ်များ

Mateo 1:16

Jacob ax ca Josénën papa ꞌiacëxa. José ax ca María an Jesús, Cristo cacë, a tuua, aín bënë ꞌiacëxa.

Mateo 16:16

Quia ca Simón Pedronën cacëxa: —Mix camina axa bamatimoi tsócë Nucën Papa Dios aín Bëchicë, Cristo, axa utinu nun caíncë, a ꞌain.

Mateo 17:9

Usaquiani matánuax cuanquin ca Jesusan atu cacëxa: —Mitsúnmi isanan cuacë ënë ñucama camina uinu ꞌicë unibi ñuixuntima ꞌain. Uni ꞌinux Nucën Papa Diosnuax uá ꞌaish, ꞌëx bamatancëx baísquicëbëtan cuni camina ënë ñucama unicama ñuixunti ꞌain.

Mateo 8:4

Pëxcutia ca Jesusan a uni ꞌësëquin cacëxa: —ꞌËn mi pëxcucë ñuiquin camina uinu ꞌicë unibi catima ꞌain. Caíma cuanxun camina min nami pëxcúcë judíos sacerdote ismiti ꞌain. Ismianan camina Nucën Papa Dios rabiquin Moisés quiásabi oquin a ñu ꞌinánti ꞌain, camina asérabi pëxcúa quixun camabi unin ꞌunánun.

Marcos 8:30

Ësaquian Pedronën cacëxun ca Jesusan uibi Pedro quicë bana ñuixunxunma ꞌanun quixun aín ꞌunánmicë unicama cacëxa.

Marcos 9:9

Usaquiani matánuax cuanquin ca Jesusan atu cacëxa: —Mitsúnmi iscë ënë ñucama camina uinu ꞌicë unibi ñuixuntima ꞌain. Uni ꞌinux Nucën Papa Diosnuax uá, ꞌëx bamatancëx baísquicëbëtan cuni camina ënë ñucama unicama ñuixunti ꞌain.

Lucas 2:11

Ënë nëtën ca bacë́anxa anuax David bacë́an ëmanuax an camabi uni aín ꞌucha tërë́ncë ꞌaish Nucën Papa Diosnan ꞌinun ië́miti. Ax ca Nucën ꞌIbu Cristo, a ꞌicën.

Lucas 9:21

Ësaquian Pedronën cacëxun ca Jesusan uibi Pedro quicë bana ñuixunxunma ꞌanun quixun aín ꞌunánmicë unicama cacëxa.

Lucas 9:36

Ësai banaia cuatancëxuan iscëx ca Jesúsëshi anu ꞌiacëxa. Usaía ꞌia isanan cuaxunbi ca Pedro ꞌimainun Juan, Jacobo, acaman ui unibi ñuixuanma ꞌicën.

Juan 1:41

Jesusan ꞌitinuax cuanxun ca Andrésnën aín xucën Simón Pedro bariquin mëraxun cacëxa: —Mesías cananuna isan. Mesías quicë bana, ax ca Cristo, axa utia judíos unicaman caíncë a qui quicë ꞌicën.

Juan 1:45

Usaquian Jesusan cacëx cuanxun ca Felipenën Natanael cacë uni bariquin mëraquin cacëxa: —A ñuiquian Moisés ꞌimainun an Nucën Papa Diosan sinánmicëxun uni bana ñuixuncë unicaman cuënëo, a uni cananuna mëran. Ax ca Jesús, Nazaretnu ꞌicë uni, Josénën bëchicë, a ꞌicën.

Juan 11:27

Usaquian cacëxun ca Martanën cacëxa: —Mix camina Nucën Papa Diosan Bëchicë, Cristo, axa utinu nun caíncë a ꞌai quixun cana ꞌunanin.

Juan 20:31

Jesús ax ca asérabi Cristo, Nucën Papa Diosan Bëchicë ꞌicë quixun ꞌunanimi ami catamëti mitsux xënibua ꞌaínbi Nucën Papa Diosnan ꞌinun cana ënë banacama cuënëon.

Hechos 2:36

Usa ꞌain camina mitsux Israel unicama ꞌixun asérabi ꞌunánti ꞌain, mitsúnmi i curúsocënu matásmicë, a Jesúsbi ca Nucën Papa Diosan nucën ꞌIbu ꞌimianan axa utinu nun caíncë, Cristo, a ꞌimiaxa.

1 Juan 2:22

¿Uix cara cëmë uni ꞌic? Axa —Jesús ax ca Cristoma ꞌicë —quicë uni ax ca a ꞌicën. A unix ca axa Cristomi ꞌatimati banacë a ꞌicën. Ax ca aín Bëchicë ꞌimainun Nucën Papa Diosmiribi ꞌatimati banaia.

1 Juan 5:1

An —Jesús ax ca Cristo, axa utia judíos unicaman caían, Nucën Papa Diosan Bëchicë, a ꞌicë —quixun sináncë unicamax ca Nucën Papa Diosan bëchicëribi ꞌicën. Uicamax cara Nucën Papa Diosmi sinania ax ca aín bëchicëcamamiribi sinania.