Mateo 16:11 - Kashibo-Kakataibo Biblia

¹¹ ꞌËn cana fariseo unibu ꞌimainun saduceo unibunëxa anun pán chamiti ñusa ꞌicësa usaribi ꞌitin rabananmi bërúancanun quixun mitsu can. Caíbi cana pán ñuiira quicëma ꞌain. ¿Usaquin ꞌën cacëxun caramina cuacëma ꞌain?

Nukën 'Ibu Diosan ain unikama 'inan ain bana

¹¹ 'Ën cana fariseo unibu 'imainun saduceo unibunëxa anun pán chamiti ñusa 'icësa usaribi 'itin rabananmi bërúancanun quixun mitsu can. Caíbi cana pán ñuiira quicëma 'ain. ¿Usaquin 'ën cacëxun caramina cuacëma 'ain?

Mateo 16:11 ပူးပေါင်းရင်းမြစ်များ

Mateo 16:1

Fariseo unicama ꞌimainun saduceo unicaman ca anu cuanxun Nucën Papa Diosan cushin caraisa ñu ꞌaia iscatsi quixun, Jesús aín sinanënbi isa unían iscëma ñu naínua ꞌanun quixun cacëxa.

Mateo 16:12

Cacëxun ca aín ꞌunánmicë unicaman —Jesusan ca anun pán chamiti ñu ñuiquin caquinbi fariseo unibu ꞌimainun saduceo unibunëan ꞌunánmicë banacama ca asérabi ꞌicë quixun sinánquin a cuatin rabanan bërúancanun nu caxa —quixun ꞌunáncëxa.

Mateo 16:6

Manubiancëbë ca Jesusan cacëxa: —Fariseo unibu ꞌimainun saduceo unibunëxa anua pán chamiti ñusa ꞌicë ax ꞌicësa usaribi ꞌitin rabanan camina bërúancati ꞌain.

Mateo 3:7

Juanën bana ñuixunia cuati ꞌitsa uni ricuatsinmainun ca ꞌitsa fariseo uni ꞌimainun ꞌitsa saduceo uniribi an nashiminun quiax anu uacëxa. Aia isquin ca Juanën cacëxa: —Mitsux ꞌatima ꞌixun uni paráncë ꞌaish camina mitsun rara ꞌiásaribiti runu, an uni picë, asa ꞌain. ¿Usa ꞌicë cara anúan Nucën Papa Diosan ꞌaisama unicama atumi nishquin masóti nëtën masócë ꞌitin rabananmi sinananun quixun uin mitsu cax?

Marcos 4:40

Usoxun ca Jesusan aín ꞌunánmicë unicama cacëxa: —¿Uisacatsi caramina racuëtin? ¿Nucën Papa Diosan ca asérabi nu bërúanquin ꞌaquinia quixun caramina sinaniman?

Marcos 8:15

Usa ꞌain ca Jesusan aín ꞌunánmicë unicama ësaquin ꞌësëacëxa: —Fariseo unibu ꞌimainun Herodesmi sináncë judíos unicamaxa anun pán chamiti ñusa ꞌicësa usaribi ꞌitin rabanan camina bërúancati ꞌain.

Marcos 8:21

Cacëxun ca Jesusan cacëxa: —¿Usoquin ꞌën ꞌaia isúnbi caramina ui carana ꞌëx ꞌai quixun ꞌunaniman?

Lucas 12:1

Usomainun ca ꞌaisamaira uni timëcamëꞌëoi tsitsirui anu niti ꞌaíma ꞌain bëtsibë bëtsibë chácanancëxa. Usaía ꞌimainun ca Jesusan aín ꞌunánmicë unicama cacëxa: —Fariseo unibu atux anun pán chamiti ñusa ꞌicë usaribi ꞌitin rabanan camina bërúancati ꞌain. Ësai quiquin cana ësoquin mitsu cain, bana ñuixunquin ca atun ꞌatimaquin unicama parania. Usaquinribi camina mitsun ꞌatima ꞌain.

Lucas 12:56

Naí ꞌimainun me isquin camina uisai cara nëtë ꞌiti ꞌia quixun ꞌunanin. Usa ñu ꞌunáncë ꞌixunbi caramina uisa cupí ꞌën bana ñuixunia cuanan ꞌën ꞌaia isquin, ꞌunántisa ꞌixunbi ꞌunaniman, ꞌëx cana asérabi mitsúnmi ax uti caíncë a ꞌai quixun. Usaquin ꞌunántsinxunbi —usa ca —quixun ꞌunántisama tani camina cëmë uni ꞌain.

Juan 8:43

¿Uisa cupí caina mitsun ꞌën cacëxun cuatiman? Mitsúnbi cuaisama tanquin camina ꞌën, bana ñuixuncëxunbi cuatiman.