Mateo 16:1 - Kashibo-Kakataibo Biblia

¹ Fariseo unicama ꞌimainun saduceo unicaman ca anu cuanxun Nucën Papa Diosan cushin caraisa ñu ꞌaia iscatsi quixun, Jesús aín sinanënbi isa unían iscëma ñu naínua ꞌanun quixun cacëxa.

Nukën 'Ibu Diosan ain unikama 'inan ain bana

¹ Fariseo unicama 'imainun saduceo unicaman ca anu cuanxun Nucën Papa Diosan cushin caraisa ñu 'aia iscatsi quixun, Jesús aín sinanënbi isa unían iscëma ñu naínua 'anun quixun cacëxa.

Mateo 16:1 ပူးပေါင်းရင်းမြစ်များ

Mateo 12:14

Usocëbë chiquíquiani cuanx ca fariseo unicama Jesús ñui uisoxun ꞌati cara quiax ꞌësë́nancëxa.

Mateo 15:1

Fariseo unicamabëtan ca an Moisésnën bana ꞌunáncë unicamanribi Jerusalén ëmanuax ricuatsini uxun Jesús cacëxa:

Mateo 16:6

Manubiancëbë ca Jesusan cacëxa: —Fariseo unibu ꞌimainun saduceo unibunëxa anua pán chamiti ñusa ꞌicë ax ꞌicësa usaribi ꞌitin rabanan camina bërúancati ꞌain.

Mateo 19:3

Usa ꞌain ca fariseo unibunën anu timë́xun Jesús uisai caraisa quia ami manánuxun cuacatsi quixun ñucáquin cacëxa: —¿Uisai cara ꞌiashia unin aín xanu ënti cara asábi ꞌic?

Mateo 22:15

Jesusan bana ñuixunia cuatancëx, ꞌuri cuanquin ca fariseo unicama ami manáncatsi quixun sinánquin, uisai cara quia cuanuxuan an Jesús ñucáti uni xuti sináncëxa.

Mateo 22:18

Cacëxun ca Jesusan, —uisai caraisna qui quixun ꞌëmi manánuxun cuacatsi quixun ca ꞌë ñucatia —quixun ꞌunánquin cacëxa: —ꞌËmi manánuxun ꞌëx caraisna uisai qui cuacatsi quixun camina ꞌë usoquin cain.

Mateo 22:23

A nëtë́nbi ca Jesúsnu saduceo unicamax cuancëxa. Saduceo unicaman ca —bama ꞌaish ca uni baísquitima ꞌicë —quixun sináncëxa. Usaquin sináncë ꞌaish anu cuanxun ca Jesús ñucáquin cacëxa:

Mateo 23:2

—An quirica cuënëocë unicama ꞌimainun fariseo unibunënribi ca sinania, atux isa, an Moisésnën cuënëo bana ꞌunánun mitsu ñuixunti, a ꞌicë quixun.

Mateo 27:62

Anun ñu mëëtima nëtën ꞌati ñu mëníoti nëtë ꞌinúon ca anun ñu mëëtima nëtën judíos sacerdotecaman cushicamabë fariseo unicama Pilato isi cuancëxa.

Mateo 5:20

Cana mitsu cain, mitsun an Moisésnën cuënëo bana ꞌunáncë unicama ꞌimainun fariseo unicaman ꞌacësamaira oquin Nucën Papa Diosan bana quicësabi oquin ꞌacëma ꞌaish camina ainanma ꞌianan aín nëtënu abë ꞌitima ꞌain.

Mateo 9:11

Jesúsbëtan a unicaman piia isquin ca aín ꞌunánmicë unicama fariseo unicaman ñucáquin cacëxa: —¿Uisa cupí cara an mitsu ꞌunánmicë unin an ꞌapu buánmiti curíqui bicë unicamabëtan pianan ꞌuchañu unicamabëtan pin?

Marcos 10:2

Usa ꞌain ca fariseo unibunën anu timë́xun Jesús uisai caraisa quia ami manánuxun cuacatsi quixun ñucáquin cacëxa: —¿Unin aín xanu ënti cara asábi ꞌic?

Marcos 12:15

Cacëxun ca Jesusan —uisai caraisna qui quixun ꞌëmi manánuxun cuacatsi quixun ca ꞌë ñucatia —quixun ꞌunánquin cacëxa: —ꞌËmi manánuxun ꞌëx caraisna uisai qui cuacatsi quixun camina ꞌë usoquin cain. Uisa cara isnun ca ꞌapu buánmiti manë curíqui achúshi ꞌë bëxun.

Marcos 12:18

Usa ꞌain ca Jesúsnu saduceo unicama cuancëxa. Saduceo unicaman ca —bama ꞌaish ca uni baísquitima ꞌicë —quixun sináncëxa. Usaquin sináncë ꞌaish anu cuanxun ca Jesús ñucáquin cacëxa:

Lucas 10:25

An Moisésnën cuënëo bana ꞌunáncë uni achúshinën ca uisoquin caraisa caia quixun ꞌunáncatsi quixun sinánquin Jesús ësaquin ñucácëxa: —¿Añu carana ꞌëx ainan ꞌaish xënibua ꞌaínbi Nucën Papa Diosbë ꞌinuxun ꞌati ꞌain?

Lucas 11:16

Quimainun ca raírinën, Nucën Papa Diosan cushin caraisa ñu ꞌaia iscatsi quixun, aín sinanënbia unin iscëma ñu naínu ꞌanun quixun cacëxa.

Lucas 20:23

Cacëxun ca Jesusan, —uisai caraisna qui quixun ꞌëmi manánuxun cuacatsi quixun ca ꞌë ñucatia —quixun ꞌunánquin ca Jesusan atu cacëxa: —¿Uisa cupí caramina usoquin ꞌë cain?

Lucas 20:27

Usacëbë ca Jesúsnu saduceo unicama cuancëxa. Saduceo unicaman ca —bama ꞌaish ca uni baísquitima ꞌicë —quixun sináncëxa.

Juan 8:6

Ami manánuxun uisai cara isa quia cuacatsi quixun ca usaquin atun Jesús cacëxa. Cacëx meu bësui tëtúbuxun ca ñucácëxunbi uni caquinma aín mëcën rëbun me cuënëocëxa.

Hechos 4:1

Usaquian Pedrobëtan Juanën camainun ca judíos sacerdotecama ꞌimainun anuxun Nucën Papa Dios rabiti xubunu ꞌicë policíanën cushi ꞌimainun saduceo unicamax uacëxa.

Hechos 5:17

ꞌAisamaira uni Jesúsmi sinania isi ca judíos sacerdotenën cushicaman ꞌapu ꞌimainun abë ꞌicë saduceo unicama nishacëxa.

1 Corintios 1:22

Judíos unicaman ca, nun cananuna asérabi Nucën Papa Diosan cushínbi ñu ꞌai quixun ꞌunántisa tanquin unin ꞌacëma ñunu ꞌaia istisa tania. Usai atux ꞌimainun ca griego banan banacë unicaman unían ꞌunáncë ñu camabi ꞌunántisa tania.