Mateo 15:6 - Kashibo-Kakataibo Biblia

⁶ Axa usai quicë uni an aín papa aín tita ñu ꞌaquintima ca asábi ꞌicë quiax camina mitsux quin. Usai quiquin camina mitsun raran ñuiá bana ashi sinánquin Nucën Papa Diosan bana quicësabi oquin ꞌaiman.

Nukën 'Ibu Diosan ain unikama 'inan ain bana

⁶ Axa usai quicë uni an aín papa aín tita ñu 'aquintima ca asábi 'icë quiax camina mitsux quin. Usai quiquin camina mitsun raran ñuiá bana ashi sinánquin Nucën Papa Diosan bana quicësabi oquin 'aiman.

Mateo 15:6 ပူးပေါင်းရင်းမြစ်များ

Salmos 119:139

ꞌËx kana ꞌitsaira nishin min bana kikësokin ꞌaíma, axa ꞌëmi nishkë unikamax ka ami manuaxa.

Oseas 4:6

ꞌËn unikaman ka añu ñubi ꞌunánkëma ꞌiaxa, usa ꞌaish ka ꞌatima okin masókë ꞌiaxa. Usa ꞌain kamina sacerdotekama mitsúxribi ñu ꞌunánkëma ꞌiakën, usa ꞌain kana ꞌënribi anuxun ꞌë rabiti xubunu mikamax ꞌiti kuëëniman. Min kamina Dios ꞌixun ꞌën ꞌunánmikë banakama manua, usa ꞌain kana ꞌëxribi min rëbúnkin kamami manúti ꞌain.

Mateo 15:5

Usa ꞌaínbi camina mitsux ësai quin: Unin ca aín papa, aín tita ësaquin cati ꞌicën: Mi ꞌinánti ꞌixunbi cana ꞌën mi ꞌinánti ñucama Nucën Papa Dios ꞌinan.

Mateo 15:7

Mitsux camina cëmë ꞌain. Isaíasnëan mitsu ñuiquin cuënëo bana ca ësai quia:

Marcos 7:13

Usa ꞌixun camina mitsúxmi quicë bana ashi ꞌunánmianan mitsun chaitiocëcama ꞌiáishi ꞌunánmiquin unicama Nucën Papa Dios axa quiá bana ënun quixun sinánmin. Usaribi oquin camina ꞌitsa ñu ꞌunánmiquin unicama Nucën Papa Dios quiá bana ënun quixun sinánmin. Usaquin ca Jesusan fariseo unicama ꞌimainun an Moisésnën cuënëo bana ꞌunáncë unicama cacëxa.

Romanos 3:31

¿Jesucristo cupíshi cana ꞌën ꞌucha tërë́ncë ꞌaish Nucën Papa Diosan iscëx upí ꞌai quixun sinánquin caranuna Nucën Papa Diosan bana Moisésnën cuënëo ax ca cuatima ꞌicë quixun sinánti ꞌain? Usama ca. Jesucristomi catamëtishi cananuna asérabi Nucën Papa Diosan bana quicësabi oíira ꞌiti ꞌai quixun cananuna unicama ñuixunin.

1 Timoteo 5:16

Usa ꞌain cana mi cain, bëbu ꞌimainun xanu axa Jesucristomi catamëcëcaman ca aín aintsi ꞌibu casunamëcë ꞌicë upitaxa ꞌinun bërúanti ꞌicën, axa Jesucristomi catamëcë unicaman isa a bërúanun quixun sinánquinma. Usa ꞌaínbi ca axa Jesucristomi catamëcë unicaman, an ꞌaquinti aín aintsi ꞌibu ꞌaíma ꞌain, xanu casunamëcë ꞌaquinti ꞌicën.

1 Timoteo 5:8

Uni ꞌimainun xanu Jesucristomi catamëcë ꞌixunbia, an aín xubunu ꞌicëcama ꞌimainun aín aintsi ꞌibucamaribi ami sinánquin ꞌaquincëma, ax ca Jesucristomi catamëcëmasa ꞌicën. Usa ꞌaish ca axa Jesucristomi catamëcëma uníxa ꞌicësamaira oi ꞌatimaira ꞌicën.