Mateo 15:23 - Kashibo-Kakataibo Biblia

²³ Caquian caráishicëxunbi ca Jesusan cáma ꞌicën. Caiama oquin ca aín ꞌunánmicë unicaman a rapasu cuanquin —an ca cuëncë́nquin nu nuia. Camina a cuantánun cati ꞌai —quixun cacëxa.

Nukën 'Ibu Diosan ain unikama 'inan ain bana

²³ Caquian caráishicëxunbi ca Jesusan cáma 'icën. Caiama oquin ca aín 'unánmicë unicaman a rapasu cuanquin —an ca cuëncë́nquin nu nuia. Camina a cuantánun cati 'ai —quixun cacëxa.

Mateo 15:23 ပူးပေါင်းရင်းမြစ်များ

Génesis 42:7

Usai anu nukutia iskin ka Josénën ënë unikamax ka ꞌën xukë́n ꞌikë kixun ꞌunánkëxa; ꞌunánkinbi ka, atu ꞌunánkëmasa ꞌixun, munuma banakin atu ñukákin kakëxa: —¡Mitsux! ¿kaina uinuax aín? Kakëxun ka —nukamax kananuna Canaán menuax trigo marui aín —kixun atun kakëxa.

Mateo 14:15

Usaquin ꞌacëbëa bari xupíbucëbëtan ca aín ꞌunánmicë unicaman anu cuanxun Jesús cacëxa: —Bari ca xupíbutia, ënë mex ca anu uni ꞌicëma me ꞌicën. Ënu ꞌiaxma unicama cuantánun camina cati ꞌain. Cuanxuan ꞌuri ꞌicë ëmacamanua atun piti bitánun camina xuti ꞌain.

Mateo 15:22

Bëbaia ca anu ꞌicë Cananea xanu, an anu cuanquin munuma banaquin Jesús caráishiacëxa: —Mix camina Nucën ꞌIbu, Davitan rëbúnqui ꞌain. Usa ꞌixun camina ꞌë ꞌaquinti ꞌain. ꞌËn ini tuá ca anua ñunshin ꞌatima ꞌain ꞌitsaira paë tania.

Mateo 15:24

Usaquian cacëxun ca Jesusan xanu cacëxa: —Judíosma unibuma, judíos unicamaishi ami sinanaminun ca ꞌën Papa Diosan ꞌë caxa. Axa ꞌura cuancëa ꞌaracacë ñuina aín ꞌibun bëtëcëncësaribi oquin judíos unibu ami sinánun quixun canun ca Nucën Papa Diosan ꞌë caxa.

Deuteronomio 8:2

Usa ꞌain kamina sinánkanti ꞌain, Diosan ka anu uni ꞌikëma menu cuarenta baritia ꞌimi tëmërai ninun nu ꞌimiakëxa akamina manukinma sinánkanti ꞌain, usakin ka mitsu tankin ꞌanan ami karamina asérabi sinanatëkëni isti ꞌanan ax kikësabiokin aín bana ꞌai ꞌisnuxun mitsu ꞌakëxa.