Mateo 15:13 - Kashibo-Kakataibo Biblia

¹³ Cacëxun ca Jeususan cacëxa: —Uicamax cara Nucën Papa Dios naínu ꞌicë an ainan ꞌimicëma ꞌicë, acamax ca asérabi ainanma ꞌaish abëma ꞌiti ꞌicën, aín tapúncëñunbi ëchícëxa i ꞌicësaribiti ñancáishi ꞌiti ꞌicën.

Nukën 'Ibu Diosan ain unikama 'inan ain bana

¹³ Cacëxun ca Jeususan cacëxa: —Uicamax cara Nucën Papa Dios naínu 'icë an ainan 'imicëma 'icë, acamax ca asérabi ainanma 'aish abëma 'iti 'icën, aín tapúncëñunbi ëchícëxa i 'icësaribiti ñancáishi 'iti 'icën.

Mateo 15:13 ပူးပေါင်းရင်းမြစ်များ

Isaías 60:21

Kamabi unikama mitsun ëmanu ꞌikë ax ka upí sinánñubu ꞌiti ꞌikën, usai tsótika atun menubi xënibuti tsóti ꞌikën, usai ꞌika ꞌënbi ꞌapákëxa ñu upiti kookë usaribi atux ꞌiti ꞌikën, ax ka ꞌën mëkënanbi usaka ꞌën kushi ꞌikë kixun ismikin ꞌën ꞌakë ꞌikën.

Isaías 61:3

axa bëtsi menuax uax Jerusalénnu tsókë unikamax ka chimaputan mataka kima mañuti, mañuax kuëënun mitsu ꞌimiti ꞌain, ꞌimianan kana ꞌiníntisa ro sanuira anúnmi ꞌinun ꞌinankësa okin masá nuituti inkë a ënia kuëënun ꞌimiti ꞌain, ꞌianan kana masánuituti nitë́xëkinma ꞌë rabi kantanun ꞌimiti ꞌain. Usa ꞌikë ka i upí kanan, an kanankë kakin mitsu unikaman anëti ꞌikën, usa ꞌixun ka Nukën ꞌIbun anbi ꞌapá ꞌixun aín kushi mitsu ismiti ꞌikën.

Mateo 15:12

Usaquian caia ca aín ꞌunánmicë unicaman Jesús nëbë́tsioraxun cacëxa: —¿Caramina isan, fariseo unicamx ca usaquinmi unicama ñuixunia cuati mimi nishaxa?

Juan 15:1

Usaquin catancëxun ca ësaquinribi Jesusan aín ꞌunánmicë unicama cacëxa: —Ësa ca. ꞌËx cana uvas ꞌapácë aín i rarasaribi ꞌain. ꞌImainun ca ꞌën Papax an ñu ꞌapácë bërúancë unisa ꞌicën.

Juan 15:2

Usa ꞌixun ca an uinu ꞌicë ꞌën pëñanëx cara bimiñuma ꞌicë a tëaxun nia. Nianan ca uinu ꞌicë ꞌën pëñanëx cara bimiñu ꞌicë a upíira oquian tuanun ramëníoia.

Juan 15:6

Uva pëñan bimiñuma ax ca unin tëaxun nicëx xanania. Xanania bucúnrutancëxun tsi rëquirucëmi nicëx ca xaratia. Usaribiti ca axa ꞌëmi catamëti ꞌëmi sináncëma unicamax ꞌiti ꞌicën.

1 Corintios 3:9

Nucën Papa Dios cuëëncësabi oquin cananuna nucaman mitsu Jesucristomi sinánun aín bana ñuixuancën, unían ñu bëru ꞌapácësaribi oquin. Usa ꞌain ca Nucën Papa Diosan unían ꞌapácë ñu bërua comicësaribi oquin Jesucristomi upiti catamënun mitsu ꞌimia. ꞌImainun ca ësa ꞌicën: Xubuoquin ca unin amia cushiti itácama pain nitsíntancëxun i puruia. Usotancëxun ca aín mascuáncama ꞌaia. Usoquian ꞌacëx ca xubu upí ꞌia. Usaribi oquin ca Nucën Papa Diosan mitsu upí oquin ꞌacë xubu achúshisa ꞌinun ꞌimia.

Judas 1:12

Mitsúxmi Jesucristomi sinánquin pi timë́cë ꞌain atúxribi mitsubë timë́cë ꞌaíshbi ca asérabi mitsúxmi ꞌicësaribiti ꞌima. Usa ꞌaish ca atun cuëëncësabi oquinshi pi rabinima sharati, uni raírimi sinanima. Uni raíri ꞌaquincëma ꞌaish ca ꞌuí ꞌibúnux nëtë bënamëtiabi suñun bëcacëx nëtë́cësa usaribi ꞌicën. ꞌIanan ca anun bimiti nëtëa ucëbëbia i bimicëma usaribi ꞌicën. Bëucutia i aín tapun ëchiquicë, usaribi ca atux ꞌicën.